وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
قطيعه
مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
0وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه
يأس وحزن
من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته
محروم
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام
عزمت المسير
صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
اتخيلك في وسطهم
جالس انا في وسطهم
قاعد ولا اسمع حكيهم
لاتحسب اني عندهم
انا معك بس جنبهم
متحمسين بهرجهم
ماغير أناظر عنهم
واتخيلك في وسطهم
سألني واحد منهم
وش رايك بكلامهم ؟!
احرجني قدامهم .
وقلت : العفو .. وين قلبي
ووينهم ؟؟!
حالتي بفرقاك
حزينــــــــــه
لحظة المغرب !!
تموت الشمس مجبوره
تكابر ودها ترجع ..
وتعطي الناس
من إشعاعها .. نوره ..
ترى ذي حالتي بفرقاك
بنفس الشكل
والصوره !!
وش يعني غيابك ؟!
كل السوالف تجيب اسمك ولو صدفة ..
كل الشوارع توقّّف بي على بابك ..
واهرب عن الناس لآخر ركن في غرفة ..
وألقاك بالروح .. وأهدابي على اهدابك ..
هناك اعيش الغرام اللي ينتظر حتفه ..
هناك أحس وش يعني غيابك ؟!
تروح تغيب وأحضن بقايا طيوفك
أرسم وألون وأتفنن في طيوفك
هذا أنا في غيابك أتسلى بطاريك
أهوجس فيك طول وقتي وأقول وينك
ياصاحبي صبري نفذ وطول غيابك
من شوقي لك حتى بحلمي أشوفك
ياصاحبي أشتقت للمسة كفوفك
ولحنينك وحتى لكلمة
أحــــــــــــــــــــــــــــــــــــبك
اللقاء حار
ولع رماد الشوق يا معذبي نار
من كان يحلم بشتعال الرمادي
ما كنت احسب انه يكون اللقا حار
لين التقينا و اشبكتنا الايادي
و قامت لنا الذكرى تغني على الطار
تنساب باسماعي نغم حب هادي
حسيت شي لفني مثل الاعصار
و استيقظت نشوة غلاك بفؤادي
اتذكر لقاها
اتذكر لقاها لين شفت البقايا
اتوجّد عليها واكتمه في خفاي
اذرف دموع عيني لاذكرت الهدايا
ولين شمّيت عطره زادفيني عماي
قدّه ورمش عينه هي طعون الضمايا
هي غناتي وروحي..اصحبت هي مناي
اتذكرشفاه وكل ذيك الحكايا
ماملك قلب روحه بالوسيعه سواي
يناديني على الفرقا
حبيب(ن) خاين العشره جمع حزن البشر فيني
كذب قلبي إذا لحظه تناساه أو تناسيته
نسى حبي بعدعمري وخلىالهم يطويني
وخلى الدنيا في عيني كئيبه.. ليت ماجيته
يجي منه بعدأكثر..طعن قلبي معنيني
يناديني على الفرقا.. واقول ابشر ولبيته
oO فــــراق x غيـــــاب x لقـــــاء Oo
العرض الشجري