[** مسلمة سنية **]

السلام عليكم و رحمة الله و بركاته .....

اخي الكريم الزبير بن العوام ...... قلت في احد ردودك على موضوعي :

اقتباس :

هي شيعيه من الاساس ومستعد ان اباهلها على ذلك وبشرط يكون موضوع لا يتدخل فيه احد وتقسم وتحلف بالله العظيم بعدم استخدام التقيه

فأجبتك :

اقتباس :

الأخ الكريم الزبير بن العوام ..... يعني ما بعرف شو بدي احكيلك بس الأسباب كانت واضحة في موضوعي ...... على كل اخي الكريم انا مستعدة اني افوت معك بنقاش بس بشروط :

اقتباس :

لكن قبل ان اذكر شروطي اقسم بالله العظيم الحي القيوم الواحد الأحد الذي لم يلد و لم يولد بأني سأكون صادقة في حواري معك .... اما عن شروطي : 1- ان يكون الحوار في حدود الأدب .... 2- ان تراعي وقتي ..... يعني يمكن مش دائما اقدر ارد عليك ..... لأنو هلا بجانب اعمالي و مسؤولياتي اليومية فأنا بحاجة لوقت كبير للتعمق في مذهبي الجديد ..... و عمالني بحاول اخفف ردودي بالمنتدى حتى الاقي الوقت اللازم .... 3- ما تفوتني كتير بأمور الشيعة العقائدية لأني لسا بتعلم و بخاف اغلط في امر من الأمور يعني محور الكلام ليش تركت المذهب السني ..... لأنو الهدف هو اثبات اني كنت سنية ....... 4- ازا حسيت انو الحوار معك عقيم رح اتركو ....... لأني ما عندي وقت اضيعو ........ ماشي .... و اهم شي تراعي وقتي ....

و أضفت لك أخي :

اقتباس :

.. في كمان شرط اخي الزبير : 5- انو الحوار ما يكون عشوائي .... يعني انت حكيت انك بدك تثبت اني كنت شيعية بالأساس فياريت يكون عندك استراتيجية معينة و أسئلة واضحة .... و كمان لاحظ اني حلفت اليمين اللي طلبتو قبل ما اكتب الشروط

أجبتني أخي بالتالي :

اقتباس :

حياكي الله اختي وانتي تظلين اختي بالاسلام فانا مع وحده الكلمه وليس مع الاختلاف ولا اتعدى حدود الادب ابدا وحاول الكثير هنا من الاخوان الشيعه اثاره غضبي كي اتنرفز وارد بالمثل ويكوني مصيري الايقاف ولكن لم تردي على الحلف الثاني وهو تحلفي نفس حلفك بان لا تدخلي التقيه ابدا ولا تستعيني باي احد لانك على كلامك تشيعتي لانك عرفتي الحق فانا اريد هذا الحق منكي انتي فان استعنتي باحد فانتي الى الان في دور الاسئله والبحث عن الحقيقه وانا ارى المباركه وهذا يعني الاعتقاد الجازم بانك عرفتي طريق الحق وتكونت عندك القناعات الصحيحه والادله وكذلك ان امكن بعدم التدخل من باقي الاخوان والاساءة بالردود . فثقي ان القصد هو الحق فلا احد منا يريد ان يكون مؤاه جهنم لا انا ولا انتي ولا احد فينا سيتحمل عذاب القبر وعذاب الاخره ..

لهون كان حوارنا بالموضوع الأول حبيت اضعو كامل حتى يكون الإخوة على اطلاع على الموضوع من البداية .....

اما ردي على آخر مشاركة لك أخي الكريم .... فأراك قد بالغت في استنتاجاتك قليلا ..... آه تذكرت ... قبل ان اكتب اي كلمة اخرى علي ان احلف اليمين على عدم استعمال التقية في حواري معك .....

اقسم بالله العظيم الحي القيوم الواحد الأحد الذي لم يلد و لم يولد بأني لن استخدم التقية في حواري معك .....
مع انو اخي الكريم انا الي فترة مضطرة استعمل التقية في حياتي اليومية لأحفظ نفسي اما عالنت فلا أرى داعي لاستخدامها .....

عكل خلينا نرجع لردك الأخير و استنتاجاتك للحوار ..... انا و لا بأي رد الي حكيت انو صار عندي ادلة كاملة او حتى صار عندي معرفة كاملة بالمذهب ..... اذا تفحصت ردودي على الإخوة فانا كنت اطلب منهم الدعاء لي بالتثبيت و زيادة اليقين ..... انا اخي الكريم لسّا بأول الطريق .... و ما في عندي غير صورة عامة عن الموضوع ..... أما كيف انتقلت للمذهب الشيعي و انا لسّا ما بعرف تفاصيله ..... بحكيلك اخي الكريم صار هالشي بعد ما فقدت ثقتي بالمذهب السني ..... و هالشي ما كان سهل علي ابدا ..... و بحب اخبرك اخي الكريم انت و الجميع اني ازا بعد ما اعرف المذهب الشيعي صار عندي شكوك فيه ...... فأنا مستحيل ارجع للمذهب السني ... و بفضّل اني اعمل بما تمليه علي فطرتي على ان اعتنق مذهب يغشني و يساوي بين الضحية و الجلاد بل و يرفع قيمة الجلاد على الضحية .....( انا قبل فترة حكيت لأحد الإخوة هاي الملاحظة و فهمني غلط و ظن اني ممكن ارجع للمذهب السني) ..... بحب أأكد اني مستحيل ترجع ثقتي في المذهب السني و هاد اللي انا متأكدة منو ..... اما انو عندي ادلة كاملة للمذهب الشيعي فأنا ما حكيت هيك ابدا .....

معلش اخي طولت عليك ... بس هاد كلو تحت اليمين ..... هلا يا أخي الكريم انت المفروض انو بحوارك لي تنفي اني كنت سنية هاد هو هدفك فممكن انك تسألني في هاد المجال او في أسباب تركي للمذهب السني فقط ..... اما اخي ان تضع لي شبهات و امور في العقيدة الشيعية تأكد بأني لن أسأل أحد من الإخوة الشيعة و انما سأتركهم هم يجيبون على أسئلتك ...... و سأستفيد من أسئلتك و اجاباتهم ..... رحم الله امرئ عرف قدر نفسه .....يعني تخيلني اخي الكريم وحدة مسيحية عرفت انو ديانتها غلط و يأست منها و لم تعد قادرة على الثقة بها و هداها الله الى الاسلام ..... أكيد بعد اسبوع ما بتكون قادرة لسّا تجاوب على شي هي لسّا بتدرس فيه و ان كانت آمنت بالأصل لكنها غير قادرة على النقاش و الجدل في الموضوع بعد ....... و اخيرا اخي ارجو ان يكون الحوار هادفا .....