[** مسلمة سنية **]

السلام عليكم و رحمة الله و بركاته ....

ربنا يسعد ايامكم و تكتبوا دايما يوميات شيّقة و ما فيها انفلونزا ...... ربنا يشفيكم :p

صانع المشاكل شكلو ناويلي على مشاكل ..... بمزح .... ميرسي اخي تربل ميكر .... بس الله يسامحك ما عرفت تختار حد ما بيرغي في الحكي كتير متلي !!!!!!


المهم ببدا : امبارح نمت عالساعة 3:30 و انا سهرانة عالنت بالقسم العقائدي ... و زوجي كان سهران على فيلم ما بعرف اما على آكشن او ماكس .... صحيت غصب عني الساعة 5:40 صليت الفجر ... و فتحت الكمبيوتر علشان اخزن امتحان عالفلاش .... و طبعا بما اني فتحت الكمبيوتر فتت عالنت و عطول عالقسم العقائدي ... شفت مشاركة استفزتني :eek: .... فرديت عليها بسرعة و ما بعرف شو كتبت ... قصة داخلة في بعضها .... مش مفهوم اولها من آخرها.... المهم جهزت تياب زوجي ( كويتهم ) .... رجعت كتبت رد توضيح للقصة اللي فايتة ببعضها ... فشكلي خبّصت بردي التاني اكتر :rolleyes: .... كانت الساعة تقريبا صارت 6:45 ... بسرعة قمت لبست تيابي و جهزت حالي و عملت لزوجي فطور ... صحيتو علشان ما تروح عليه نومة و يتأخر على شغلو .... و طلعت على شغلي ....

كالعادة المديرة متوترة و موترة الجو .... بس صرنا نفهم لها و نطنشها .... تعبت كتير الصبح ... حسّيت بوجع كتير بمعدتي من كتر ما بشرب نسكافيه علشان اصحصح .... شكلو رح يصير معي قرحة عالبدري .... في طالبة من طالباتي اهدتني اليوم كتاب و طالبة جابت صورها توريني اياهم ..... في احد حصص الفري طلعت على مختبر الحاسوب و قرأت شوي في كتاب مناظرات عقائدية ( مخزن معي عالفلاش )..... يوم الخميس بالعادة بيكون نكد .... آخر يوم بالأسبوع و عندي سبع حصص فبكون كتير تعبانة .... اما اليوم فصار شغل اضافي كمان .... صار اجتماع تأخرنا فيه ساعة عن المعتاد :mad: ...... في معلمة من ضمن اللي اتوا عالاجتماع معها سيارة عرضت علي توصلني بطريقها ... تعطلت السيارة قبل ما نطلع ... فرجعت ركبت مواصلات ..... يعني تأخير X تأخير ... و انا في الطريق اتصلت على زوجي و خبرتو اني تأخرت في الاجتماع علشان يدبّر حالو بالأكل .... و ربي يرضى عنه و يخليلي اياه حكالي معلش مو مشكلة ....

وصلت البيت صلّيت الضهر ... فتحت المنتدى علشان اشوف آخر الأخبار عالسريع .... فطبعا شفت رسالة تربل ميكر :eek: .... بعد هيك قمت فتحت علبة تونا مع ليمون و عملت كاسة شاي .... رتبت البيت ... و بعدها رجعت علشان اكتب هاي المشاركة ... و انا بنصها اذّن العصر ... قمت و صلّيت ... و بعدها زوجي روّح من الشغل فنشغلت عن تكملة المشاركة شوي .... حاليا زوجي نايم لأنو في عندو شغل بالليل ( بالنهار موظّف و بالليل بيشتغل شغل حر ... فاتح محل صيانة للحاسوب في الكراجات اللي عندنا ) .... و انا بكتب و بشرب في كاسة نسكافيه كبيرة مع قطعة باونتي ..... و بسمع في اناشيد و لطميات ( فراق علي – ايرانية – ... حيدر الكرار .... يا علي ... زينب حايرة ..... و في لطمية او نشيد ما بعرف لسيدنا الحسين عليه السلام لكن الصور للسيد حسن نصرالله ربنا يحميه ) .... و كمان بحاول افتح المنتدى لكن بتيجي رسالة بتقول انو يخضع للصيانة :confused: .... هاد كان يومي لهلا .... ان شاء الله ما اكون دوشتكم ....

رح اختار بعدي عزيزتي حيرني الدهر بحسين ... لأني حابة اتعرف عليها اكتر .... و كمان حابة اعرف عن والدتها كيف صارت .... سلاااااااااااام


***********************************************

خلّصت كتابة يمكن الساعة 6:15 و حالولت ابعت لكن كان لسّا المنتدى مغلق ... فرحت نمِت و صحيت الساعة 8 .... صلّيت .... و بحاول ابعت الرد .... لكن النت شكلو الضعيف الليلة ..... عكل ازا وصلت الرسالة بكون خلّصت معاناة و قمت اعمل لي كاسة نسكافيه جديدة :rolleyes: ..... و ربنا يسعد ايامكم ..... سلاااااااااااااااام