[Om.Ya3Goub]

السلام عليكم ..~

اول شي .. اللهم صلي على محمد و على آل محمد ..

و الحين ابدي موضوعي ..

اول شي لازم تعرفون اني انا الحمدالله شيعيه بس على امي ..

و الحمدالله ثبت لما قريت كتاب ثم اهتديت ..

بس الحين رفيجاتي قاعدين يضغطون عليّ على سالفة سنه وشيعه ..

و اييبولي اشياء ماعرف ارد عليها .. و انا بخاطري اتعمق و اتعلم عن الشيعه اكثر و اتنور ..

قلت حق رفيجتي اقري كتاب ثم اهتديت وعطيتها لنك الكتاب دشت و يتلي و قامت تقول استغفر الله استغفر الله المهم شوي والا اتييبلي موقع راد فيه على هالكتاب ويقول انه جذي و من هالحجي ..

و هم قالتلي انتوا عندكم مصحف فاطمه لا تنكرين ..

و مؤسس الشيعه يهودي و اسمه عبدالله بن سبأ ..

و انتوا تقولون انه عايشه زانيه ..

و اشلون تكرهون عثمان و اهو من الـ 10 المبشرين بالجنه ..

و ليش تسبون وتلعنون ابو بكر و عمر و عثمان و غيرهم ..

آنا سكت وقتلها راح ارد عليج بكل شي ومع الادله بس لازم ابحث ..

و ييتلكم عشان تساعدوني .. و الصراحه انا احس اني من داخلي ماقدر اكون غير شيعيه .. احب الحسينيه و احب اروح و احب ال البيت هالشي طلع معاي من اول ما انولدت وماقدر اغيره ..

بس ابي اتثبت و اذا احد سألني و حاججني ارد عليه و ما اخليلهم ممسك عليننا ..

و ابي اعرف سالفة الكتاب اللي ضد ثم اهتديت ..

و يعطيكم العافيه ..