[shosh]

بسم الله الرحمن الرحيم

السلام عليكم ورحمه الله وبركاته

أخي الشيخ نجف الخير ...

معاك شوق عمري 23 سنة آنا طالبة بمعهد السكرتارية والإدارة المكتبية تقريبا متاخر بالدراسة وذلك بسبب ظروفي الصحية اللي عثرتني بالدراسة ، آنا تعبانه حيل بحياتي أحس إني عايشتها بروحي بدون أهل ولا حتى أصدقاء واعتبر إن أهلي هم أساس مشاكلي في الحياة أللي لدرجة إني يأست حيل من الدنيا ووصلت ااني أحاول إنني انتحر وحاولت كذا مرة بس النفس عزيزة أرجع واستغفر وأرجع أفكر فيها مرة ثانية ، حاليا آنا طالبتك تشوف حالتي وتعطيني من وقتك وتساعدني وعند ربك الأجر إن شاء الله ، أشوف إن أمي هي مشكلتي أدري بتنصدم و بتقول إن هذي أمي وهي اللي ولدتني وربتني ووووووو أشياء كثيرة ، بس هي ما علمتني أحبها كثر ما علمتني أكرهها وأنقدها من أول ما فطنت على الدنيا أشوفها تكرهني وما تحبني لدرجة أنها تشتري عصا ( خيزرانة ) وتخصصها لي علشان تطقني فيها لي درجة إن حاليا في بجسمي أثر من الطق اللي كنت أحصله منها وكل ما أشوفه أتضايق أكثر ، على علم إني عندي 6 خوات بس تعاملها معاي حيل غير ودايما تفرق بيننا وما عمري شفتها ساوت بيننا أو ميزتني بينهم في يوم دايما تبديهم عليي في كل شي , حتى ماعمرها شرتللي شي أو عطتني شي أحبة أو أحتاجه حاليا كل ما تشتريلي شي تقول فلوسة سلف ترجعينا لي لدرجة اوصلت إنني من كثر الأشياء اللي أحتاجها في حياتي على علم إنني مريضة بالقولون العصبي والمرارة وسويت العملية استئصال المرارة بس بعد تعبانه منها وهذا غير الضغط والكلية اللي حيل اتعب منهم , فلازم أكللي يكون شوي صحي ومرات الأعانه ما تكفيني تخلص بسبوع على متطلباته الحياة بعد أحتاج فلوس فما أشوف منو اللي يعطيني طبعا لا أمي ولا أبوي يصرفون عليي ولا خواتي علما أنهم كلهم موظفات فأضطر إنني آخذ من أمي من فلوس المصروف من غير ما تعرف عني فمادري هل اللي آنا أسويه صح أو لأ ,فأتمنى تعطيني من وقتك شوي وتتكلم معاي وتوضح لي اللي آنا غافلة عنها وأكون شاكرتلك حيل اعتبرني مثل أختك أو بنتك وحللي مشكلتي .