.:. الشــــــــايب .:. قلبي شباب ولازم اني اعرس ... مابي العجوز اللي توسد على الباب الخير وايد وماني مفلس ... عندي فلوس تدعم البنك في حساااب .:. العيـــوز .:.ماباقي منك غير خشمك وهالضرس ... تبغى تعرس وانت غادي شالغراب قابل صلاتك الله يشفيك من المس .. ولا ترى باطب ويهك بالترااااب .:. الشــايب.:. انتي عجوز واكلك الروب والخس ... اماا انا ماكل سوى تكه وكباب مافيني سكر غير ضغطي نازل بس ... دام الهوى فيني ترى كل شي طاااب .:. العيـــــوز .:. لا بارك الله فيك يالشيبه يالنحس ... ماتجيبك الرمسه ولا يجيبك اعتاب قصر لي صوتك ماابي اسمع ولا حس ... عطني طلاقي وانقلع وقبض الباب .:. الشــايب:. دومك نحيسه وذا لسانك يبيله قص ... ربي ترى حلل لي اربع بالكتاب هذا خميس الاعمى ياكم عرس ... مرتاح بالدنيا بلا هم واعتاااب .:. العيــــوز .:. بطران وراسك كالصخر يابس وعص ... مالوم طبعك يوم ربعك هالكلاااب غادي شرا الاريل ودومك تتحيس ... استح على ويهك اصلع ولعااااب .:. الشـــايب .:. فكيني من ويهك ترى مالي اي نفس ... زهقان من شوفك وابقالي احباب هذا طلاقك طالقه اربع وخمس ... شلي طلاقك من ضميري بلا حسااب .:. العيــــوز .:. مشكور يالشيبه ومن دون اي دس ... عندي حبيب ماابتعد لحظه وغاب يشريك ويبيعك تراه باثمن وبخس ... ماتسوى ظفره حلو اسمر وجذااب .:. الشـــايب .:. يالله قبل لا اموت منك وقتص ... طلعتيلي قرنٍِ وراسي بعد شااااب ياشينه البرقع ترى قدرك اختس ... عجوز لك في الدنيا خلان واحباب؟! .:. العيــــــوز .:. مثلك تراني وهذا لك في العمر درس ... لاني اميز بين شيبه وشياااب ولا نسيت اني على الموضه اللبس ... ماعلموك اني بلا شيله وحجاااابها شرايكم ؟ منو شعره اقوه؟
قصيده بين شايب وعيوز 0000 تفضل
العرض العادي
