حبيت نشرح اليوم طريقة اكثرنا يعرفها
لكن صراحه يعانون منها اخوانا بخارج العراق
وهي طريقة الفورمات
وانشالله الكل يستفادون من طريقه فرمتت الحاسبه
نبدي الان الشرح ..
المستلزمات
1- قرص وندوز اكس بي
2- الحاسبه بيها CD-Rom نظيف وقوي
3- تقره الشرح بالتفاصيل
طريقه تحضير البايوزBIOS في الحاسبه:-
بالبدايه يجب ترتيب عمليه الاقلاع او BOOT from CD-Rom اي عند تشغيل الحاسبه يجب ان يكون الاقلاع من القرص ... شلون نسويها , لازم نشوف نوع الدخول للحاسبه وبالاغلب عند تشغيل الحاسبه نضغط على واحد من الازرار التاليه (حسب نوع حاسبتك )
اما نضغط على المفتاح F2. او نضغط على المفتاح Del او في بعض الحاسبات تطلب F1 او F10للدخول للبايوز ويمكن معرفه نوع المفتاح لحاسبتك عند الانتباه على جمله تظهر في بدايه تشغيل الحاسبه تقول (Press F2 to Enter Setup) او مكان F2 نجد Del اي عند الضغط على مفتاح Deleteندخل للبايوز .. اوكي .. وره ما ندخل ندور على كلمه Boot او Start Up ونغير الترتيب ليكون اول اقلاع من السيدي . والصوره الجايه تمثل البايوز للحاسبه الوهميه وهيه تقريبا مشابهه لاغلب البوردات .. اوكي
نشوف انو غيرنا مكان السيدي روم بالبدايه ليقوم بالتشغيل في البدايه ويختلف بصوره بسيطه بين بورد واخر بس المبدء نفسه وهو ترتيب الاقلاع الاول من السيدي والثاني من الهارد والباقي عوفه ميأثر ... ونكدر نتعلم التنقل والتغيير بالبايوز من شريط المساعده الي جوه والي بي كيفيه التنقل والخزن والتغيير .
وره ما نكمل ونغير نروح على حفظ التغيير والخروج مثل الي بالصوره
التنصيب
وره ما نكمل نجيب سيدي الوندوز الاكس بي مالتنه ونخلي بالسيدي روم
وره ما خلينه القرص رستت الحاسبه , يطلع بالشاشه كلمه Press Any key to Boot from CD-Rom او هيج شي (حسب نوع الحاسبه) انته عاد ضل دوس على اي مفتاح بالكيبورد مده قصيره وراها راح تطلع نافذه مثل هاي الجوه ..
ننتظر الى ان تظهر نافذه مثل هاي
نضغط مثل ما مأشرلك على Enter وراح ننتظر الى ان تطلع عدنه النافذه الجايه
هنا ندوس على F8 لقبول الاتفاقيه راح تطلع عدنه هنا في حاله تنصيب حاسبه بيها وندوز مثل الصوره الجايه
بهاي النافذه اكو اختيارات بالشريط الجوه (هذه الشريط هو للمساعد مهم جدا ان تقرون محتوياته ) تكول الاختيارات سنقوم بااختيار مفتاح Esc والي هو الي راح تختاره هنا والي يدلل على الرغبة بتنزيل وندوز جديد اوكي , وره ما نضغط على مفتاح Esc تطلع عدنه النافذه الجايه
هنا اكو 3 اختيارات بالشريط الجوه الاول هو نضغط على مفتاح انتر لتنصيب الوندوز بالمقطع المضلل عدنه ( والي هو الـ C) وراح نشوف حسب نوع تقسم الهارد عندك قد يكون اربع اقسام(C,D,E,F) اوكي .., هنا مثل ما كلت راح ندوس Enter للاستمرار وراح تطلع عدنه النافذه الجايه
هنا نشوف نوع الفورمات الي تريده واني افضل نوع ملفات النظام NTFS ونشوف اما تريده FAT او NTFS
هنا بالصوره اعلاه ننتظر التحميل من فرمته المقطع المضلل ( c فقط) وتحميل الملفات المطلوبه من القرص الى الحاسبه
ملاحظه مهمه :- بهاي المرحله تطلع العطلات , اذا تطلع عندك بنص التحميل نافذه تكول Retrayاو Skipاو F3للملفات المنقوله اي انو لايمكن تحميل الملف المعين اعد المحاوله او اترك الملف او اخرج .. نقوم بهذه الحاله بأخراج القرص من السيدي روم وتنظيفه ونخلي القرص من جديد للسيدي روم ونظغط على Retrayونشوف اذا كمل اوكي يعني واذا لا نحاول نبدل القرص واذا بدلنا وبعد نفس الخطأ بس بغير مكان (يعني غير فايل بغير مكان) هنا نتأكد من الرام اما خلل بالرام او اذا رامتين نشيل واحد منهم .. هذه للي يريد يصير خبره شويه يسويها ....
ننتظر التحميل وراها ننتظر الى ان تظهر عدنه هاي النافذه الجوه
هنا بالترتيب ندوس على واحد تطلع عدنه النافذه الي بالصوره الجايه نتبعها وراها نرجع لهنا نضغط على 2 .. اوكي . نروح للنافذه الي تضهر من نضغط على رقم واحد
من نضغط على Customize راح تطلع عدنه النافذه الجايه
ونختار بالبدايه Languages ونأشر على المكان رقم واحد بالصوره ونضغظ على اوكي او رقم 2 بالصوره ونأجل الضغط على 3 لحين تكمله ما في الصوره التالي
وره ما نختار بكل الخانات اللغه العربيه / العراق , نضغط على اوكي وراها نرجع للرقم ثنين بالصوره القبلها ونضغط Next وراها تطلع النافذه التاليه
يتبـــــــــــــــــــــــــــــــع
شرح بالتفصيل الممل وبالصور طريقه فرمته وتنصيب الوندوز ا
العرض العادي
