آآآآآآآه كم اشتقت لك يامقهي العزيز !!! ,,, واشتقت لرواااادك الكرام
كان القلق يتملكني وانا بعيدة عنك ولكن أرى انك كُنت في ايداً أمينه سيدي الفاضل
الهادي@ كان يرعاك في غيبتي وكم انا ممتنةٌ له
صحيح غير في menu واضاف القهوة البرازيليه والشاي المهيل
ههههههههههههههههههههه
ولكن يمون وكل مايقدمه مرحبٌ به,,,,, وغلاوتك ياعمي راح اجرب القهوة البرازيلية والشاي المهيل ههههههههه
بالنسبة للموضوع المطروح جيد جداً وان شاء الله نلقى تفاعل من طلابنا
وطبعاً راح ابدي رأيي لاحقا ,,,, اود قبل أن اختم أن اوجه كلمة شكرا
لأختي العزيزة على قلبي آمال...
انا بجد لسه خجلانه منها لو ادري عن ظروفها كان ماأزعجتها بطلبي
امال من قلبي شكراً ,,, اخوانك في انا شيعي مارح ينسو ابوك
راح ندعيله في صلواتنا وبأذن الله راح يطيب... شده وتزول ياأختي قوي قلبك
في الختام لكم مني اطيب تحيه والى الملتقى
ان شاء الله
بذكر اول نقطة ليه الطلاب تكره المدرسه ؟احنا ليه نكرة المدرسه اكيد اكو سبب وانا بالنسبه لي السبب الريئسي اهو الضغط الزايد يعني تقريبا شوفي كل يوم كم ماااده وكل ماده درس وواجب تحليه ودرس تذاكريه وتحضري الدرس الي بيجي وغيرة ذلك واذا مرة الطالب والطالبه غاابت شوفي شيصير لو كانت غايبه اليوم الي قبله وجايه مو مذاكرة او مو حااله واجب على طول المعلمة ماتتفاهم وتسال البنت ليه ماحلت الواجب وهل عندها سبب يخليها تتركه والا ماعندها اهو صج انه بعض البنات مجرد اهمال لاغير ومتعودين عليهم طول السنه هذا حالهم اما بنت فرضا يوم في السنه مو حاله الواجب على طول المعلمة تحكم عليها انها مهمله وانها مو مهتمه ... وإلخ ) بس لو المعلمة تغيب ان شاء الله لو اسبوع اسبوعين لاعادي واحنا لازم نراعي ضروفها وناخذ حصص اضافيه احنا مو مجبورين فيها عشان انها غابت ولو قلنا لها مانبي حصه شوفي شيصير التهزئ والكلام الي يقهر وغيرة وغيرة
بعض المعلمين او المعلمات في نظرهم انه الطالب او الطالبه انها اهي والطوفه الهبيطه واحد يعني كيف مايصير تناقش مايصير تعترض مايصير تسوي اي شئ بس تجي المدرسه وتطلع بس انه في بالهم هذا الهدف انه في اعتقادي انه ماحطوة المدراس للدرااسه بس لا اهو صج الدراسه الهدف الاساسي بس فيه اهداف ثانيه واولها تبادل الافكار يعني من بد ل مالمعلمة تقوم تهزئ وتصارخ فرضا اذا كان في حصه فاضيه تقوم تختر لها موضوع يناسب الطالبات وتتناقش فيه (وترا هالطريقه كانت عندنا معلمتنا العلوم تسويها ) وكنا نتفاعل معها بقوة والكل متحمس للنقاش وانه يعطيه افكارة وتجااربه ..
وكانت الحصص الفاضيه الي تجينا فيها معلمة العلوم كانت من اروع الحصص لان بصدق نحس بقيمتنا للما المعلمة تطلب آرائنا في شئ معين
وبس هذا الي في بالي وكنت بقول سالفتي مع معلمة العربي بس مدري كيف اصغيها فهونت مابقولها
واتمنى تقبلون كلامي البسيط
تحياااتي للجميع ،،
التعديل الأخير تم بواسطة نور المستوحشين ; 01-11-2009 الساعة 11:48 AM.
سبب آخر: توضيح اللون ....الرجاء استخدام الوان واضحة وذلك مراعاة للفارق البصري
من طلعت من المدرسه و دخلت الجامعه حسيت الفرق بين الجامعه و بين المدرسه
و طبعا الاسباب الي خلتني اكرهها
اول شي الدوام الساعه 7 لازم اقوم من النوم كل يوم 7 الصبح 7 الصبح 7 الصبح 7 الصبح
2 نظام الغياباة من كثر ما هو فاشل كل سنة غيااباتي تطوف فوق ال 15 يعني المجموع 45 او 50 غياب من اول السنه لي اخرها (:
3 ملابس و الشعر و الجوتي كل يوم يوقفونا و يشوفون اذا كل هذه مضبوط و مادري جم مره و قفوني و السبب فنيلتي مافيها قوله و في حركه تحقد عليهم كانت بالشتا اذا شافو واحد لابس جاكيت اسود يفصخونه الجايكت و يتمتع بالبرد الي يدش العظم ههههههههههههههه
4 الامتحانات مايمدينا نخلص امتحانات فرة الاولى الا امتحانات نص السنه باديه
5 الضغط بالمواد الي شاقينا شق اتذكر اخر ايام امتحانات الفاينل من كثر ما زهقت ما همني اصقط ولا انجح من كثر الدراسه
6 هذه كان من اكبر الاسباب طاااااااااااابوووووووووور الصباح هههههههه ينقعونا بالشمس بعز الصيف واقفين نفس الخرفان ونقعد ننشد نشيد الوطني و اذا قلناه بصوت خفيف نعيييييده من اوووووووووووول ههههههههههههه
7 6ساعات بنفس الفصل
8 هل حركه صج كنت اكرهها الحصه بتخلص اشوف الاستاذ الثاني واقف بره الباب (فيه دوده هل استاذ) علشان اول ما يضرب الجرس ركض داخل ما يخلي الادمي يتنفس مايمديني اطلع الكتب الا اشوفه تارس الصبوره كلام ونقعد ننقل و ننقل و ننقل و ننقل و ننقل
9 تعذيب نفسي للطالب سبحان الله بعض الحصص تحس انها مرت ساعتين ولا هي راضيه تخلص و السبب طريقة شرح الاستاذ
10 لمن مكيف الصف يخترب هل شي هو الوحيد الي ماقدر استحمله اطلع بره الصف
و هذي الاسباب الي خلتني اكره المدرسه هههههههههههههههههه
في البدايه ارحب بعزيزتي الصغير الدلوعه و عزيزي عيمي كويتي
واشكر مشاركتهم لنا والتعبير عن رأيهم في الموضوع المطروح.... وانا اقرأ
ماجاد بهي قلم هذه الوردة الصغيرة احسست بالحنق الشديد اتجاه معلميها لأنهم سبب في نفورها من المدرسة وكم تمنيت لو ذكرت لنا قصتها مع مدرسة العربي
لكي نرى ماوصل له ابداع بعض المدرسين وتفننهم في تكسير مجاديف طلاب العلم
!!!!! ..... ولكن هي ارادت التوقف وانا احترم مشيئتها ... بالنسبة ليعقوب
هذه الشاب لجأ لسخريه لتعبير عن مدى تدهور الحال في مدرسته ولا اخفي عليكم
ضحكت لين قلت بس ههههههههههه
بعض الأساليب والأنظمه المتعبه في المدارس خاصه الحكوميه وكيفية معاملتهم
لطلاب تصيب المرىء بالذهول ,,, دائماً اقرأ عن حوادث تحصل بين المعلمين والطلاب في الجرائد .... أولياء الأمور يصرخون من سؤ المعاملة التي يحظى بها ابنائهم ولكن ليس هناك من يحرك ساكناً...
ابنائنا وبناتنا امانة في ايدي المعلمين ولكن للأسف البعض يخون هذه الأمانه
ولا يخاف الله,,,, نعم سيدي الفاضل الهادي@ لازال العقاب الا منطقي يمارس
في المدارس بالرغم من ان وزارة التربية والتعليم منعت العقاب ألا في الحالات
التي تتطلب اللجؤ للعقاب ولكن بأسلوب تربوي صحيح ...
في نقطة انا لاحظتها على بعض المدرسين ... اذا كان يعاني من ضغوط ومشاكل
في حياتها الخاصه يحط الحره في هالفقاره ألي يدرسهم ,, كأنه يقول مثل ما أنا مو مرتاح انتو بعد لازم تتعذبو ...خخخخخ
حشى مرضه نفسيين هاذولي مو مدرسين !!!!!!
مره ولد اختي الي في اولى متوسط نسى الجوال مفتوح ورن في الحصه
تدرو شسوا الأستاذ ؟؟!!!!
كسر الجوال لكن لأن ولد أختي وراه رجال وابو يعرف كيف يدافع عن اولاده ويحميهم خلى الأستاذ يشترى واحد مثله ولااا الأدارة اخذت تعهد خطي عليه
واعتذر من زوج اختي شخصياً....
زوج اختي لم يلجأ للعنف بكل بساطه توجه للأدارة وتحاور بالمنطق مع المدير
وحصل على مبتغاه ,,,, الي ابغي اقوله أن اولياء الأمور لازم يكون لهم دور
وموقف وألا سيتمادى هؤلاء المدرسين على ابنائنا الطلبه....
في الختام لكم مني اجمل تحيه
ومساااااااااااااااااكم ورد ياطيبين
شلون المقهى إن شاء الله تمام ريحة القهوة طاخة لنهاية الفريق,, قصدي فريق انا شيعي يعني الريحة لين جهة المتواجدين
ياجماعة وصلتني شكاوي عليكم
1/ صرصور مر من تحت أحد الطاولات ,,نظفو زين لو سمحتو :p :p :p
2/ أنتبهو لمرضى السكر لاتحطو لهم سكر بالشاي ولا تعطوهم كيك وحلويات ترى واحد جته غيبوبة سكر من وراكم
3/ الشكوى الكبرى من وزارة التربية والتعليم تقول قاعدين تحشو فيها الله يسامحكم
المهم ياجماعة امزح وياكم
واذا ع موضوع التعليم واخطاء المدرسين والمدرسات لاتعد ولاتحصى وبالخصوص عند المعلمات
1/ أغلب المعلممات عندنا يجو للمدرسة لرفع العتب ومن باب انهم ياخذو راتب حلال ونص الايام غياب واجازات يامرضية يااضطراري يا يايا وحنا الضحية
2/ أهم اهتمام للمعلمات بدل التركيز على الدروس ومدى استيعاب الطالبات للشرح هو شكلهم وشياكتهم يعني تجي المعلمة عرس موحصة بعضهم اتخيل طول الليل ماينامو يجربو ده وداك وتحط مكياج وتشيل الثاني لين تزبط ههههههه وطبعا من تحضر الحصة حنا نسمع الدرس ولا نسمع صوت الكعب وهو يطق ع الأرض ولا صوت الإكسسوارات
3/ بعض المعلمات الله يهديهم على قد ماهم عباقرة وشرحهم حلو يفكرو انه الطالبات نوابغ مثل معلمة الرياضيات عبقرية عيني عليها باردة وشرحها ولا اروع واسئلتها ولا افجع ههههههههههه وماانكر انه بعض الأحيان اجاوب صح مو شطارة هي رمية حظ جربت القانون وفككت السالفة اللي معصلقتنها وطلعت الاجابة صح واشوف ورقة الكويز الدرجة كاملة واضحك من داخلي
بسني هذرة ياجماعة وراي شغل ارجع وقت ثاني
وطبعا ماشربت كاس الشاي حقي مو تلعبو على واحد ثاني وتعطوه حقي ترى الغش حرام
هههههههههههههههههههههههههه
ياويلي من خفة دمك يانور !!!!.... بجد ضحكتيني رحم الله والديكي
وفعلاً كل ماتفضلتي به يحدث للأسف في المدارس
مدير او مديرة المدرسه تطبق الأنظمه والقواعد على الطلاب فقط وتنسى الهيئة
التدريسية .... بصراحه شديدة انا درست في مدرسة تعتبر نموذجية بالنسبة لحال
بعض المدارس اليوم , المديرة مع هيئة التدريس كانو يشكلون وحدة تسعى لرقي
المدرسة وبالفعل مديرتنا نالت درع تكريم من الوزارة
اسلوب المُدرسات معانا كان كله تشجيع وتحفيز لننال اعلى الدرجات و الأنشطه
التي كانت تُنظم يوم الأربعاء شي رائع وكان الجميع ينتظر هذه اليوم بلهفة وحماس
صحيح كانت عندنا كم مدرسه مشهورين بقسوتهم وكانو يستخدمو الضرب بالمسطره على اليد في حال عدم المذاكره واهمال الواجب لكن ماكانو مشكلتي لأني
كنت من المتفوقات .... آخ ع ذيك الأيام بجد كانت حلوه
تصدقو بالله ان بعض المدرسات ألي درسوني الحين يدرسو بنات اختي !!!!
ههههههههههههههههههه
أيه والله بجد .... كنت في مجلس الأمهات حاضره عن أختي من سنتين وانا جالسه
شفت بعضهم وياهول الصدمه ألي حسيت فيها !!!!
بجد يبغي لوزير التعليم يشوف لنا حل في مسألة سن التقاعد عند المدرسين
خخخخخ
اختي نور المستوحشين
نورتي عزيزتي وشكراً لمداخلتك .... مساكي ورد
مساكم الله بالخير
حقيقة كم هذا مفرح ان تقرأ هكذا تفاعل
وهكذا طرح أفكار ممن هم في قيد الدراسه
أو من الذين تخرجوا من سنوات
والأجمل من هذا كله هو تناول الذكريات مع الكادر التدريسي
أنا أنظر للموضوع من زاويتي الخاصه
المدرسه أو المعلم لهم الفضل الكبير لما نحن عليه ألآن
ولحد هذه اللحظه أنظر لهم بعين الاحترام والتبجيل
على الرغم من مكانتي العلميه التي بفضلهم تحققت
أذكر في سني الدراسه الابتدائيه وفي أعوام 1966 وما تلاها
كانت الدراسه بنمط جدي ولكن يغلب عليها طابع القسوه
بحيث تمكنا من قراءة اي كتاب خارجي ونحن في مرحلة الثالث ابتدائي
عكس اليوم يصل الى مرحلة المتوسطه ولا يعرف يكتب جمله صحيحه
وكان للعقاب طابع قسري جدا تصل الى مرحلة ((الفلقه))
يعني يوضع الطالب ممدودا على الرحله ومشدود اليدين والرجلين
ويضرب بالعصا على داخل القدم بقوه ناهيك عن البرد القارص
لكن الان أختلفت الظاهره فاصبح المعلم يخاف من الطالب
وعليه فالعقاب والدراسه لهم علاقه وثيقه
لو تركنا الطالب بدون عقاب فسيفلت الحبل
ولو عاقبنا فهناك من ينادي بحقوق الطلبه
والمسأله جدا معقده وكان الله في عون المعلم
هناك وسائل عقاب كثيره منها التعسفي
يعني العصا لمن عصا
ومنها التربوي العلمي
وكل واحده تعتمد على مدى ادراك الطلبه والهيئه التدريسيه
وتبقى الظروره للعقاب من اولويات تحقيق النجاح
لكن بالطرق العلميه الصحيحه
اشكركم لتفاعلكم الموضوعي مع الموضوع
وان شاء الله نرى تفاعلكم في موضوعات اخرى
لكن عليكم اختيارها بانفسكم
لكم خالص الود
اممممممممممممممممممممممم
عفر اول مرة ادخل اسولف ماني عارفة
المهم اذا السالفة سالفة مدارس وتدريس
1: المدرسات والمدرسين الكبار في السن اعتقد انه خلاص حال عليهم الحول وماعندهم القدرة على التدريس اكثر ولاحد يقول مدرسات قديرات ابدا لاقديرات ولاهم يحلمون مدرسات من زمن امي لحقوا علي يدرسون
ليش ماهذي المدرسة تتقاعد وتقعد في بيتها تربي احفاد احفادها وتترك المجال
للخريجات الي عندهم طاقة للتدريس
2: اسلوب التدريس اكل عليه الدهر وشرب حكر على المناهج التدريس مايتعدى المنهج الي في الكتاب ولا حرف زايد ليش مايكون فيه توسع وانفتاح في مجال التدريس عشان الطلاب يطلعوا الطاقات المخزونه عندهم
3: بقولكم معاناة ثالث ثانوي درسته في مدرسة اعدها اسوء سنة عشتها في حياتي بالعادة ينقال انه الطالبات هم المراهقات مو المعلمات انا شفت العكس تماما المعلمة هي المراهقة الحين بالعقل معلمة كبيرة ام اولاد ما تتعامل مع طالباتها باسلوب تربوي نهائيا باسلوب منحط جداااااااااااا تعالي حبيني واحبش وسوالف المراهقات
هذي المشكلة لما المعلمة تتعامل معه طالباتها بهذا الاسلوب وين الاسلوب التربوي الراقي بهذا الشكل هي ما قاعدة تتقرب للطالبة عشان تحب الدراسة والمنهج لا بالعكس هي قاعدة تزرع مشكلة سلوكية في نفس الطالبة
السلام عليكم
بصراحه المقهى منور بضيوفه الكرام
وحتما راح تقولوا ما هو رايك بالعقاب في المدارس
أقول :
هو شيء ضروري ولا يمكن ان تستقام الدراسه بدونه
لكن ضمن حدود المعقول وضمن منهاج تربوي سليم
لكن كل ما تفضل به الاخوان قبلي هو صحيح واكثر من هذا
المدارس اصبحت الان فوضى بكل شيء
الا القليل القليل منها ملتزم بالضوابط
تحياتي لكم ولمقهاكم الرائع
ولصاحبة هذا المقهى الادبي الشهير
الاخت وفاء نادر كل الاحترام والتقدير
خالتي وفاء الحين قررت اقول السالفه لانه نور قالت السبب الي قهرني من المعلمة
طبعا كان يوم السبت المعلمة جايه لنا وهي معصبه ومااالها خلق وعلينا حصتين كانوا ادب وتعبيير
ومن اول مادخلت واهي ماهي طايقتنا وعصبه وعلى اي كلمة نقول لها بالغلط قامت عصبت وتنرفزت هذي كانت في حصة الادب الحصه الثالثه تقريبا كانت
المهم بجي للشي الي قهرني
في حصة التعبير كانت الحصة مجرد انه احنا نجيب نماذج للموضوع الي بناخذه وبس هذي السالفه في كل الحصه
احين خلصنا وكانت الابله تقرا بعض المواضيع الي جابوها البنات وكنت انا وبنت نبي نروح لمعلمة الانقلش عشان نستفسر عن الكويز استاذنا منها بادب ماشوفها الي حاطة حرتها فينا انتوا ماتخلون حد يرتاح بدون طلباتكم ووووو اسكتوا ولا بنت تتكلم ولانفس ووووووو الخ
وانا الشئ الي ابي اوضحه من السالفه
اذا اهي زهقانه ومتضايقة وضروفها النفسيه ماتسمح انها تششرح وتتعامل باسلوب عدل رجاء تجلس في بيتها يكون احسن لها ولنا واحنا مستغنين عن خداماتها دام بتجي واهي مالها خلق
تحياتي للجميع ،،
العرض المتطور
