السلام عليكم ...
الحلاق القديم ...
كان ايام زمان الحلاق يفتر ويجول بالشوارع والحارات ويحمل ادواتة البسيطة ؟
المِسَن (ماكنة يدوية ) والشفرة الي يخليه بيه الموس والفرجة يعي الفرشاة ومعجون الحلاقة
واخر شي يشيل على جتفة التنكة (صفيحة )حتى يكعد عليه الزبون !! جان يسموه الحلاق ابو التنكة ..
وجان اكثر قصة شهرة هو المجيدي يعني يحفر شعرة مثل هتلر ..
وبعد سنين قليلة او في نفس ذاك الوكت كانت اكومحلات للحلاقين وبدئت تطور ..
بس في نفس الوقت المحل صاحب المحل عندة نفس الادوات القديمة ....
وعندي قصة على (المِسَن) ماكنة الحلاقة اليدوية
اكومثل بغدادي يكول ( الحس امسَني.. وأنام متهني))
يعني ارضى بالقاسمة الله تعالى ... وخليهة على الله تعالى ولاتلح بالامور الي صعبة ومعصلكة ... خوش
فد يوم كان اكو فارتين يعيشن ابمحل الحلاق القديم ..(يلحسون مِسَن الحلاق وينامون )
وهاي الفارتين فتحو عيونهم على الدنيا وشافو نفسهم بمحلا لحلاق ولاشايفين شارع ولا غيرهم من الفيران ولا البشر ..
اي فديوم واحد من الفارتين كال اريد اطلع اريد اشم الهوة اريد اشوف الناس اريد اكل جبن فواكه حلويات متت .
بعد ما اتحمل اكل شعر الناس .
شتكول لونطلع الليلة وانروح نشبع اكل وجبن ونعوف هذا المحل ؟؟
جاوب الفار الثاني وكال / ( لاحبي الحس امسني وانام متهني ) ...
كال الفار الاول زين اني رايح انتة ظل اكل شعر انتة ابد ما تتطور ...
اي وثاني يوم رجع بالليل الفار الي بالمحل سمع هوسة وركض واعياط وارمي احجار على باب المحل ؟؟؟؟
واذا بالفار الاول دخل شعرة امنتف والد طالع من راسة واحوالة متبهذلة .. ما كل مية جلاق
كالة ها خير شكو اكلت جبن اكلت فواكه ؟؟
كالة لا كل شي ما اكلت بس شفت طماطة امعفنة اتقربت منه وعينك ماشافت الاطفال شبعوني احجار وجلاليق ودفرات
موتوني ... وبعد اتوبة اذا اطلع من المحل ...!
كالة الثاني (( ها اشكتلك .. موكتلك الحس امسني وانام متهني ))))
أم القيمر( هي المرأة ألتي تقوم بصنع ألقيمر واللبن من حليب الجاموس وتقوم في الصباح الباكر ببيعه وهي تضع قدور القيمر واللبن على رأسها كما هو واضح في الصورة
العرض العادي
