[زكي الياسري]

الله الله الله
اوجاع القوافي تمطر القاً
.
.
.
.


تحيّرت يا ناس من غدر الزمــــان
الضاع كل طيف الفــــــرح بدروبه
وصرت اظن اعقود آهات العَــذاب
كلها بــِسمي امسجلــــه و مكتوبه
حزني سِبحة شيخ ميعوف الصلاة
مستحبَه او واجبـــــــه او مندوبه


تحياتي
الى جميع الاعزاء المبدعين

[الروح]

أوجاعي سمه وما تمطر ابكاع
صارت من تزخ اتفيض العين..!!

[الروح]

تاهادر وجع الكم من سمانه
وياهوالسم دمانه ومن سمانه
تغير اسم روحي ومن سمانه
تسمينا الوجع وحايط الأذيّة

[ابو ياسر الكعبي]

اقتباس : المشاركة الأصلية كتبت بواسطة الروح [ مشاهدة المشاركة ]

تاهادر وجع الكم من سمانه وياهوالسم دمانه ومن سمانه تغير اسم روحي ومن سمانه تسمينا الوجع وحايط الأذيّة

تهادر كل وجعنه من سماكم

وسمّمنه وجعكم من سماكم

إسمكم ما تغيّر, مَن سمّاكم

وفي ومَيْغَيّره الهم والأذيه ..!

[زكي الياسري]

العزيز الغالي ابو ياسر الكعبي
شوقي لك اكبر و دعائي بدوام الوصل مقيم

و الروح : لأوجاعكِ الق ثاني و رونق مميّز
ازاح الله تعالى عنكم كل وجع
و زاد حروفكم رونقاً و بهاءا

تحياتي و الى لقاء جديد مع ذكرى الوجع الازلي

[الروح]

اقتباس : المشاركة الأصلية كتبت بواسطة زكي الياسري [ مشاهدة المشاركة ]

و الروح : لأوجاعكِ الق ثاني و رونق مميّز ازاح الله تعالى عنكم كل وجع و زاد حروفكم رونقاً و بهاءا تحياتي و الى لقاء جديد مع ذكرى الوجع الازلي

الياسري الفاضل ..
ولأوجاعي تخجلُ من نقاءِ جراحِكم حين تنضحُ أدبا ..؛
زادك اللهُ بهاءاً ونقاء

[ابو ياسر الكعبي]

[QUOTE=زكي الياسري;1750331]

العزيز الغالي ابو ياسر الكعبي

شوقي لك اكبر و دعائي بدوام الوصل مقيم

إلك شوگي جرح يتنازف أشواگ

ويتماطر على گلبي مودّه

طبع بيّه الأحبه أدعيله بالخير

لأن من مهجتي وروحي أودّه ....

[زكي الياسري]

اليوم اوجاعي راحن يم جسِــــر بغداد
چن اطيور حامن شافـــــــــــــن المنظر
شافن طه واكَف ينطـــــــــــر التابــوت
وشافن حيدره النصـــــــب العزه اتحظر
وشافن فاطمة وعيونهـــــــه امسلمات
علكاظم يــِـــكِـــتّــــن دمع ... بـس احمر


عظــّم الله اجوركم جميعاً

[*أحمد الكعبي*]

من نافذة الوجع أطل على آهات
وزفرات نزف معتق ملتصق بأروقة الروح
قد تراكم عليه غبار الذكرى


انه شايف كل محب بگلبه حبيب
ومو مثل محبوبي متنصب امام
انه من بيتي إذا اسلم عليه
من ضريحه يگوم ويرد السلام.

الســـــــــلام على باب الحوائج كاظم الغيظ

[زكي الياسري]

قفص صدر الآلم بي همـي مسجـون
مؤبد و الحبس مابين الضلــــــــوع

و لا يشمل عفو اهمـــــوم المَساكين
وحتى امن الزيارة الفـرح ممنــــوع

داوودي لحــــن آهآتي مسمــــــــوع
واثر سجدة عذابي ابكَصتــي مطبوع

وارتــّــــــل كـــل فجر قرآن الاشجان
وسط محراب بيــه اتصلــّـي الدموع



تقبل الله احزانكم