[نوراة]

اللهم صلي وسلم على محمد واله الاطهار الكرام

الله يهديك يارب ويفتح بصيرتك يارب

اللي يدور الحق بإذن الله راح يوصله

والحق واضح ولكن هناك من يحاول يخفيه

[محب التوحيد]

هلى النبى صلى الله عليه وسلم تلفظ هذه اللفظة التى تلفظتى بها ؟؟؟؟؟؟

[زهرة الزهراء]

أختي الكريمة مسلمة سنية...
لقد سألتِ حول حديث الغدير و إن كان موجوداً في البخاري. حسب ما اتطلعت عليه، فهو غير موجود في صحيح البخاري. لكن تقلاً عن كتاب "حديث الغدير" للسيد علي الحيسني الميلاني فهذه قائمة بأهم من روى هذا الحديث من أتباع المذهب السني:

1 ـ محمّد بن إسحاق، صاحب السيرة.
2 ـ معمر بن راشد.
3 ـ محمّد بن إدريس الشافعي، إمام الشافعية.
4 ـ عبد الرزاق بن همّام الصنعاني، شيخ البخاري.
5 ـ سعيد بن منصور، صاحب المسند.
6 ـ أحمد بن حنبل، إمام الحنابلة، صاحب المسند.
7 ـ ابن ماجة القزويني، صاحب أحد الصحاح الستة.
8 ـ الترمذي، صاحب الصحيح.
9 ـ أبو بكر البزّار، صاحب المسند.
10 ـ النسائي، صاحب الصحيح.
11 ـ أبو يعلى الموصلي، صاحب المسند.
12 ـ محمّد بن جرير الطبري، صاحب التفسير والتاريخ المشهورين المعروفين.
13 ـ أبو حاتم ابن حبّان، صاحب الصحيح.
14 ـ أبو القاسم الطبراني، صاحب المعاجم الثلاثة.
15 ـ الحافظ أبو الحسن الدارقطني، الذي كان إمام وقته في بغداد، ويلقّبونه بأمير المؤمنين في الحديث.
16 ـ الحاكم النيسابوري، صاحب المستدرك.
17 ـ ابن عبد البر، صاحب الاستيعاب.
18 ـ الخطيب البغدادي، صاحب تاريخ بغداد.
19 ـ أبو نعيم الاصفهاني، صاحب حلية الاولياء ودلائل النبوة وغيرهما من الكتب.
20 ـ أبو بكر البيهقي، صاحب السنن الكبرى.
21 ـ البغوي، صاحب مصابيح السنّة.
22 ـ جار الله الزمخشري، صاحب الكشّاف في التفسير.
23 ـ ابن عساكر الدمشقي، صاحب تاريخ دمشق.
24 ـ الفخر الرازي، صاحب التفسير المعروف.
25 ـ الضياء المقدسي، صاحب المختارة.
26 ـ ابن الاثير الجزري، صاحب أُسد الغابة.
27 ـ أبو بكر الهيثمي، الحافظ الكبير، صاحب مجمع الزوائد.
28 ـ الحافظ المزّي، صاحب كتاب تهذيب الكمال، وهو حافظ كبير من حفّاظهم.
29 ـ الحافظ الذهبي، صاحب تلخيص المستدرك وغيره من الكتب.
30 ـ الحافظ الخطيب التبريزي، صاحب مشكاة المصابيح.
31 ـ نظام الدين النيسابوري، صاحب التفسير المعروف.
32 ـ ابن كثير الدمشقي، صاحب التاريخ والتفسير.
33 ـ الحافظ ابن حجر العسقلاني، يلقّبونه بشيخ الاسلام، وهو إنصافاً عالم من علمائهم، يعتمد عليه في النقل وينظر إلى كلماته ككلمات عالم، أنا بنظري إنّ ابن حجر العسقلاني عالم محترم، هذا صاحب فتح الباري في شرح البخاري وغيره من الكتب.
34 ـ العيني الحنفي، صاحب عمدة القاري في شرح صحيح البخاري.
35 ـ الحافظ جلال الدين السيوطي، صاحب المؤلفات الكثيرة المعروفة.
36 ـ ابن حجر المكّي، صاحب الصواعق المحرقة في الردّ على الشيعة.
37 ـ الشيخ علي المتقي الهندي، صاحب كنز العمّال.
38 ـ الشيخ نور الدين الحلبي، صاحب السيرة الحلبية.
39 ـ شاه ولي الله الدهلوي، صاحب المؤلفات الكثيرة، هذا يسمّونه بعلاّمة الهند، ويعتمدون على مؤلّفاته وينقلون عنها.
40 ـ شهاب الدين الخفاجي، رجل محقق محدّث أديب، له شرح على الشفاء للقاضي عياض وله تعليقة على تفسير البيضاوي أيضاً وهما كتابان معتبران.
41 ـ الزبيدي، صاحب تاج العروس.
42 ـ أحمد زيني دحلان، صاحب السيرة الدحلانيّة المعروفة.
43 ـ الشيخ محمّد عبده المصري، صاحب التفسير وشرح نهج البلاغة والاثار الاُخرى.

أرجو أن تفيدك...
و الســــلام مع دعائي لك بالهداية

[** مسلمة سنية **]

زهرة الزهراء لسا بحكي مع حالي متل المجانين ..... و مش عارفة كيف بدي اعرف ازا في للحديث رواية في البخاري او لأ ......... يعني انا ما كنت بدي اكتب رد لأي عضو في الوقت الحالي ( مع شكري الهم كلهم بس لأني ما بدي احس انو في حد أثر علي ) ..... بس لما شفت ردك غصب عني كان لازم اشكرك ..........

و هون بوجه سؤال للأخوة السنة ........ في 120 الف شخص كانوا موجودين في هاي الحادثة ... شو رأيك بعدم طرح البخاري للحديث .... رح اتضطر اتبع اسلوب الإخوة الشيعة في الاختيار من متعدد لأني مو ملاقية احتمالات غير اللي رح اذكرها ...

1- ال 120 الف اللي حضروا الحادثة ما في و لا شخص رواها و كل الكتب اللي روتها اختلقت هاي القصة !!!!!

2- في اشخاص كتير رووها لكن و لا شخص فيهم كان ثقة على شروط البخاري بما فيهم الصحابة الموجودين !!!!!!

3- كتاب البخاري كتاب ديني سياسي و يجب ان نعيد النظر فيه ( بمعنى تاني مو أي قصة موجودة ممكن تكون صحيحة و مو أي قصة مش موجودة في البخاري بتكون نسج الخيال ) !!!!!

لا حول و لا قوة الا بالله العلي العظيم

ملاحظة :1- رح ارجع اغيب الا اذا كان هناك شي جديد علي ممكن اعلّق عليه ... و هاد لحفظ وقتي و تنظيمه لأنو الردود كانت توخد وقت معي و ما كنت الحق اقرأ المعلومات اللي انا بحاجة الها و ارتبها و كمان متل ما حكيت علشان ما يكون في حد أثر علي ... مشكورين

2- يا جندي انت ما بتعرفني انا لازم علشان اخطو خطوة اكون متأكدة منها مو متل هلا .... حتى ما يكون عندي شك و يكون قلبي مطمئن .... و مين حكى الك اني ازا اقتنعت رح اخاف من حد ... انا حكيت اني رح اتعرض للضغوط كبيرة لكن ما رح تعيقني .... بالعكس ازا كنت مقتنعة رح احاول اقنعهم كمان بما يعطيني ربي من قوة ...

3- محمد و من اهل السنة انا ما رح اقطع الطرف السني و انا بوخد في القرار .... و انا قبل ما افكر اقرأ في معتقدات الشيعة قرأت عنها في مواقع و كتب السنة و بعدها بديت اقرأ منهم و اكتشفت انو كان غلط اعطي فكرة مسبقة قبل ما اقرأ من عندهم نفسهم ... يعني المفروض يا اخوتي انو تقرأوا الفكرة من عند الشيعة و بعد هيك تشوفوا رد السنة عليها .... اما انو نقرأ الشبهة و الرد عليها من نفس الطرف فأنا شخصيا وجدتها بعيدة كليا عن الصواب ... و مشكورين .. انا حاسة فيكم



اللهم صلي على محمد و على آله و سلم تسليما كثيرا .... و السلام

[** مسلمة سنية **]

السلام عليكم و رحمة الله و بركاته .....

بتمنى تكونوا جميعا في احسن حال ............

في الفترة اللي فاتت حاولت استجمع افكاري و كمان كنت دايما اقرأ بمنتداكم و كمان كنت اقرأ بمنتديات السنة ..... قرأت في الكتب اللي دلتوني عليها و قرأت في كتب السنة ....... طبعا الموضوع كان شغلي الشاغل ..... و كنت دايما بفكر فيه ....... و يمكن ما كنت انام في اليوم الا ساعات قليلة ( 2 – 4 )..... و كنت بحاول اني اصلي صلاة قيام الليل ....... و اكثرت من صلاة الاستخارة ...... و هاد اللي طلعت به ........

اخوتي السنة ..... ( اسمحوا لي ان اخاطب السنة ) ....... نقول باننا نتبع سنة محمد عليه و على اله اشرف الصلاة و السلام ........ و حددنا السنة بالقول و الفعل او التقرير ....... لكن اكيد كلنا متفقين على انو السنة مفروض انو تتبع وصايا الرسول عليه و على آله اشرف الصلاة و السلام .... و كمان لازم نحاول تكون تصرفاتنا تجاه أي موقف شبيهة بتصرفاته الكريمة و اخلاقه العالية ........ طيب اخي الكريم خلينا نقرأ المواقف التالية و نحاول نفكر كيف كان الرسول رح يتصرف لو كان موجود و كيف احنا تصرفنا .......

بالأول بدي اعرض بعض الأحاديث .....

**** ستة لعنهم الله وكل نبي مجاب الدعوة : الزائد في كتاب الله عز وجل ، والمكذب بقدر الله والمتسلط على أمتي بالجبروت ليذل من أعزه الله ويعز من أذله الله ، والمستحل حرمة الله ، والمستحل من عترتي ما حرم الله ، والتارك لسنتي
الراوي: - المحدث: الهيتمي المكي - المصدر: الزواجر - الصفحة أو الرقم: 1/99
خلاصة الدرجة: صحيح

**** أيها الناس قد تركت فيكم ما إن أخذتم به لن تضلوا : كتاب الله و عترتي ، أهل بيتي
الراوي: جابر بن عبدالله المحدث: الألباني - المصدر: صحيح الجامع - الصفحة أو الرقم: 2748
خلاصة الدرجة: صحيح

**** إني تارك فيكم ما إن تمسكتم به لن تضلوا بعدي ، أحدهما أعظم من الآخر ، كتاب الله حبل ممدود من السماء إلى الأرض ، و عترتي أهل بيتي ، و لن يتفرقا حتى يردا علي الحوض ، فانظروا كيف تخلفونى فيهما
الراوي: زيد بن أرقم المحدث: الألباني - المصدر: صحيح الجامع - الصفحة أو الرقم: 2458
خلاصة الدرجة: صحيح

**** و الأحاديث المتواترة و الصحيحة كثيرة في توصيته عليه و على آله اشرف الصلاة و السلام للمسلمين بآل بيته و التأكيد على فضلهم .... و ارجو اخي الكريم ان تبقي هذه الجملة في فكرك و انت تقرأ كل حادثة مما يلي " فانظروا كيف تخلفونى فيهما" ......

ارجو عدم الرد حتى انتهي من الموضوع و ازا تأخرت بكون لمشاكل في النت.....

[** مسلمة سنية **]

كيف خلف الصحابة رضوان الله على المؤمنين منهم رسولهم و امامهم محمد صلى الله عليه و آله و سلم في ابنته الطاهرة الزكية الشريفة الزاهدة الصادقة الزهراء عليها السلام ؟؟؟؟؟؟؟؟

** صحيح البخارى - فرض الخمس - باب - رقم الحديث : ( 2862 )

- حدثنا ‏ ‏عبد العزيز بن عبد الله ‏ ‏حدثنا ‏ ‏إبراهيم بن سعد ‏ ‏عن ‏‏صالح ‏ ‏عن ‏ ‏إبن شهاب ‏ ‏قال أخبرني ‏ ‏عروة بن الزبير ‏ ‏أن ‏ ‏عائشة أمالمؤمنين ‏ ‏( ر ) ‏ ‏أخبرته ‏ ‏أن ‏ ‏فاطمة ‏ ‏عليها السلام ‏ ‏ابنة رسول الله ‏ (ص) ‏ ‏سألت ‏ ‏أبا بكر الصديق ‏ ‏بعد وفاة رسول الله ‏ (ص) ‏ ‏أن يقسم لها ميراثهامما ترك رسول الله ‏ (ص) ‏ ‏مما ‏ ‏أفاء ‏ ‏الله عليه فقال لها ‏ ‏أبو بكر ‏ ‏إنرسول الله ‏ (ص) ‏ ‏قال ‏ ‏لا نورث ما تركنا صدقةفغضبت ‏ ‏فاطمةبنت رسول الله ‏ (ص) ‏ ‏فهجرت ‏ ‏أبا بكر ‏ ‏فلم تزل مهاجرته حتى توفيت وعاشت بعدرسول الله ‏ (ص) ‏ ‏ستة أشهرقالت وكانت ‏ ‏فاطمة ‏ ‏تسأل ‏ ‏أبا بكر ‏‏نصيبها مما ترك رسول الله ‏ (ص) ‏ ‏من ‏ ‏خيبر ‏ ‏وفدك ‏ ‏وصدقته ‏ ‏بالمدينة ‏‏فأبى ‏ ‏أبو بكر ‏ ‏عليها ذلك وقال لست تاركا شيئا كان رسول الله ‏ (ص) ‏ ‏يعمل بهإلا عملت به فإني أخشى إن تركت شيئا من أمره أن أزيغ فأما صدقته ‏ ‏بالمدينة ‏‏فدفعها ‏ ‏عمر ‏ ‏إلى ‏ ‏علي ‏ ‏وعباس ‏ ‏وأما ‏ ‏خيبر ‏ ‏وفدك ‏ ‏فأمسكها ‏ ‏عمر‏ ‏وقال هما صدقة رسول الله ‏ (ص) ‏ ‏كانتا لحقوقه التي ‏ ‏تعروه ‏ ‏ونوائبهوأمرهما إلى من ولي الأمر قال فهما على ذلك إلى اليوم ‏ ‏قال أبو عبد الله ‏‏اعتراك افتعلت من عروته فأصبته ومنه يعروه واعتراني.

** جاء به البخاري في صحيحه ج: 4 ص: 1549:
3998 حدثنا يحيى بن بكير حدثنا الليث عنعقيل عن بن شهاب عن عروة عن عائشة ثم أن فاطمة عليها السلام بنت النبي صلىاللهعليه وسلم أرسلت إلى أبي بكر تسأله ميراثها من رسولاللهصلىاللهعليه وسلم مما أفاءاللهعليه بالمدينة وفدك وما بقي من خمس خيبر فقال أبو بكر إنرسولاللهصلىاللهعليه وسلم قاللا نورث ما تركنا صدقة إنما يأكل آل محمد صلىاللهعليهوسلم في هذا المال وإني واللهلا أغير شيئا من صدقة رسولاللهصلىاللهعليه وسلم عن حالهاالتي كانت عليها في عهد رسولاللهصلىاللهعليه وسلم ولأعملن فيها بما عمل به رسولاللهصلىاللهعليه وسلم فأبى أبو بكر أنيدفع إلى فاطمة منها شيئا فوجدت فاطمة على أبي بكر في ذلك فهجرته فلم تكلمه حتىتوفيت وعاشت بعد النبي صلىاللهعليه وسلم ستة أشهر فلماتوفيت دفنها زوجها علي ليلا ولم يؤذن بها أبا بكر وصلى عليها وكان لعلي من الناسوجه حياة فاطمة فلما توفيت استنكر علي وجوه الناس

** صحيح البخاري - المناقب - مناقب قرابة رسول الله ( ص ) ومنقبة - رقم الحديث : ( 3437 )

‏- حدثنا ‏ ‏أبو الوليد ‏ ‏حدثنا ‏ ‏إبن عيينة ‏ ‏عن ‏‏عمرو بن دينار ‏ ‏عن ‏ ‏إبن أبي مليكة ‏ ‏عن ‏ ‏المسور بن مخرمة ‏ أن رسول الله ‏ (ص) ‏ ‏قال : ‏‏فاطمة ‏ ‏بضعة مني فمن أغضبها أغضبني . ‏

************************************************** ***********

اخي الكريم عندما طعن الدنمارك في رسولنا الكريم عليه و على آله اشرف الصلاة و السلام انتفضنا جميعا و رفضنا ما حدث ..... طيب شو رأيك بتكذيب الصادقة التي لا يوجد اصدق منها الا ابيها و هي بضعة منه ؟؟؟؟ شو رأيك بأخذ حقها ؟؟؟؟ شو رأيك بغضبها ؟؟؟؟ هل هذه الزاهدة ما بتعرف شو الها و بتطالب في امر ليس لها ؟؟؟؟ و غير عن هيك المعروف انو سيدنا علي عليه السلام هو افقه و اقضى الصحابة و ذلك بشهادتهم .... يعني ازا ما كان الها حق مش كان سيدنا علي عليه السلام وضح الها الموضوع ؟؟؟؟ و ازا ما كانت على حق كان مفروض انها تراجع نفسها مو ضلها زعلانة ليوم وفاتها و تمنع اللي زعلوها من الصلاة عليها ؟؟؟؟ يعني هل كانت تطمع بامور الدنيا و هي التي اخبرها حبيبها و ابوها عليه و عليها الصلاة و السلام بانها اول اهله لحوقا به ؟؟؟؟ فما حاجتها للدنيا ؟؟؟؟ و لو ما كان فعلا غصب حقها ما كانت رح تغضب و تهجرو و توصي بان لا يصلي عليها ( لثقتها بعدله ) .....

...... طيب اتخيل لو كان قدوتك و امامك حيا و رأى بضعته يغصب حقها و تغضب و تدفن ليلا شو رح يكون ردو على زعل حبيبته .... بضعته ..... مهجته ....( معلش خد وقتك في هاي النقطة و ما تمر عنها مرور الكرام و حاول تتخيل امامك و قدوتك و نبيك عليه و على آله اشرف الصلاة و السلام شو كان رح يكون موقفو ازا شاف جنازة ابنته.... )

...... هلا شوف انت شو موقفك ...... و اتذكر قوله عليه و على آله اشرف الصلاة و السلام : " فانظروا كيف تخلفونى فيهما " , " فاطمة ‏ ‏بضعة مني فمن أغضبها أغضبني " ..... شو رح تحكي لنبيك الكريم عليه و على آله اشرف الصلاة و السلام يوم القيامة ..... كنت احاول الدفاع بكل قوتي عمن اغضب بضعتك يا رسول الله ...... كانت الحقيقة واضحة امامي و انا بحاول اراوغ علشان اطلع من هالقصة بتفسيرات و تأويلات علشان ابرئ صديقك ...... طيب مين الأولى قطعة و بضعة الرسول ( جزء منه ) ام صديقه ؟؟؟؟؟ مين اصدق بضعة الرسول ام صديقه ؟؟؟؟

****************************************

انا مريت بتطورات كتيرة خلال بحثي و كنت بكابر و محيطة نفسي بجدار سميك من الكبرياء انو السنة الصح و مستحيل و لا بأي حال من الأحوال تكون الشيعة هي المذهب الصحيح و كنت خلال بحثي يتم خدش هالكبرياء و انا بقرأ في رواياتهم و كنت مصدومة بس كنت لسا بكابر لحد ما بيوم قرأت الأحاديث اللي فوق و ما عاد أي تفسير من التفاسير اللي قرأتها عند السنة قادرة على اخفاء حقيقة الموقف ..... عند هاي القصة بالذات جدار الكبرياء انهدم و حسيت انو الدنيا لفت حولي بسرعة و ما عدت متماسكة و اقسم بربي العزيز اني مرضت يومين و تغيبت عن دوامي ..... كيف كان هالشي قدامي و بمر عنو مرور الكرام و بوخد تفسير العلماء السنة و بقبلو متل ما هو ..... كنت حزنانة على الشيعة كيف بيصدقوا علماءهم بكل شي ..... طيب ليش ما يشغلوا عقلهم ؟؟؟؟ كنت بحكي عنهم مساكين مسلمون و ضلوا نتيجة ما تعرضوا له من اضطهاد و يجب دعوتهم بالحسنى .... لكن لقيت انو احنا اللي بنوخد تفسير علماءنا و بنقبل تبريراتهم بدون ما نحلل الموقف مع انو القصة واضحة امامنا ( هاد ازا ما كان مقصوص نصها ) !!!! هل هاد الشي رح يطهر صفحتنا امام رسولنا الكريم عليه و على اله اشرف الصلاة والسلام يوم القيامة و هو الذي اوصى بآل بيته و جعلهم مرتبطين بكتاب الله .... فكما لا ترضى اخي العزيز بالتعرض لكتاب الله فكيف بترضى بالتعرض لآل بيت رسول الله عليه و على اله اشرف الصلاة والسلام ؟؟؟؟

و مع انو الحقيقة صارت واضحة امامي و مع انو كبريائي في مذهبي انهدم لكني بقيت عاجزة عن اعتناق المذهب الشيعي .... فأنا بيوصفوني اني معتدّة برأيي فخفت انو يكون شي سريع و انا ما فكرت فيه كما يجب .. و ضليت تايهة الحقيقة امامي لكن بحاول ادور على تفسير خجول من هون او من هناك يحاول يبرر الموقف لكن ما عاد شي بيحجب نور الشمس .... و صار عندي مسؤولية اني صرت عارفة بظلم الزهراء فكيف بدي انكروا ؟؟؟؟؟

ارجو عدم الرد ----<

[** مسلمة سنية **]

لا حول و لا قوة الا بالله العلي العظيم .....

تذكر اخي :
**** ستة لعنهم الله وكل نبي مجاب الدعوة : الزائد في كتاب الله عز وجل ، والمكذب بقدر الله والمتسلط على أمتي بالجبروت ليذل من أعزه الله ويعز من أذله الله ، والمستحل حرمة الله ، والمستحل من عترتي ما حرم الله ، والتارك لسنتي
الراوي: - المحدث: الهيتمي المكي - المصدر: الزواجر - الصفحة أو الرقم: 1/99
خلاصة الدرجة: صحيح
و تذكر : " فاطمة ‏ ‏بضعة مني فمن أغضبها أغضبني . "
و تذكر : " فانظروا كيف تخلفونى فيهما"

و هلا اقرأ هاي الروايات :

**إبن أبي شيبة الكوفي - المصنف - كتاب المغازي - ما جاء في خلافة أبي بكر وسيرته - الجزء : ( 8 ) - رقم الصفحة : ( 572 )

36383 - حدثنا محمد بن بشر , نا عبيد الله بن عمر , حدثنا زيد بن أسلم , عن أبيه أسلم أنه حين بويع لأبي بكر بعد رسول الله (ص) كان علي والزبير يدخلان على فاطمة بنت رسول الله (ص) فيشاورونها ويرتجعون في أمرهم , فلما بلغ ذلك عمر بن الخطاب خرج حتى دخل على فاطمة فقال : يا بنت رسول الله (ص) , والله ما من أحد أحب إلينا من أبيك , وما من أحد أحب إلينا بعد أبيك منك , وايم الله ما ذاك بمانعي إن اجتمع هؤلاء النفر عندك ، أن أمرتهم أن يحرق عليهم البيت , قال : فلما خرج عمر جاءوها فقالت : تعلمون أن عمر قد جاءني وقد حلف بالله لئن عدتم ليحرقن عليكم البيت وايم الله ليمضين لما حلف عليه , فانصرفوا راشدين , فروا رأيكم ولا ترجعوا إلي , فانصرفوا عنها فلم يرجعوا إليها حتى بايعوا لأبي بكر.

** حدثنا ابن حميد قال: حدثنا جرير عن مغيرة عن زياد بن كليب قال: أتى عمر بن الخطاب منزل علي وفيه طلحةوالزبير ورجال من المهاجرين، فقال: والله، لأحرقنّ عليكم أو لتخرجنّ إلى البيعة،فخرج عليه الزبير مصلتاً السيف، فعثر فسقط السيف من يده، فوثبوا عليهفأخذوه(تاريخ الطبري2/233(

طبعا في روايات كتيرة لهالقصة و انا بكتفي بقصص السنة و ما خفي كان اعظم ......

***************************************

..... طيب هلا اخي الكريم بالله عليك تجاوب حالك بصدق لو كان رسولنا الكريم عليه و على آله اشرف الصلاة السلام حي هل كان عمر يجرؤ على تهديد الزهراء بحرق منزلها ؟؟؟؟؟ ان اجبت بالنفي فياترى هاد مش انقلاب بعد وفاة رسولنا الكريم ..... مش هيك بيكون عمر بيذل العزيزة ؟؟؟؟ الا ترى فيها ذلا للزهراء بعد ان كان لها كل الاحترام و الهيبة و العزة و المنعة في حياة والدها ثم بعد وفاته تهتك هذه العزة و المنعة و يتهجم عليها القوم و يهددوها بحرق منزلها !!!!!( كما قلت انا مكتفية بروايات السنة )

......( رح اضل اذكرك بقدوتنا ) طيب لو كان والدها عليه و على آله اشرف الصلاة و السلام عايش و شاف اللي صار ( فقط التهديد بالحرق و لن ازيد عن هذا في هذا الموضوع ) ..... شو كان رح يتصرف ؟؟؟ رح يترضى عن اللي عملوا هيك ؟؟؟ رح يدافع عنهم و يبرر موقفهم ؟؟؟؟؟ اخي بالله تصور هذه بضعة الرسول و قطعة من الرسول هل تهان و تهتك حرمتها و ندافع بكل قوتنا عمن عمل هذا ؟؟؟؟؟
...... هلا اخي الكريم زيح عنك ركام القصص الخرافية اللي تكدست في نفوسنا و فكر لو كنت في ذلك الزمان و رأيت ما حصل هل كنت رح ترضى عن ذلك .... و شوف انت شو موقفك حاليا ... و تذكر وصية رسولنا و كيف ستجيبه عن كيف استخلفته في كتاب الله و آل بيته ؟؟؟؟؟

عليك السلام يا سيدتي و يا سيدة نساء العالمين ..... عليك السلام يا بضعة رسول الله ..... عليك السلام يا حبيبة والدها ....... عليك السلام يا طاهرة يا صادقة يا زاهدة يا عفيفة ..... عليك السلام يا فاطمة الزهراء ................... بتمنى و بترجا انك تسامحيني ما كنت بعرف .... و ما دورت .... و لا حاولت اعرف .... و لما عرفت حاولت انكر ........... سامحيني .........

**********************

للأخ النجف الأشرف : بعد قراءتي لما سبق ما عدت قادرة اترضى عن اللي ظلموا الزهراء ... لكن ما وجهت حالي بهيك و كنت بحاول اتهرب من هالقصة و حاولت اتجاهل اني مش قادرة اترضى عنهم ( مع انو مش بسيط اتحول هيك بس حاولت اكذب حالي) .... و اول مرة بصرح فيها لحالي بهالشي كان لما صارحتك بآخر رد و كتير زعلت من حالي كيف بحكي هيك ؟؟؟؟ كيف مش قادرة اترضى عنهم ؟؟؟؟؟ طلعت بسرعة من المنتدى و حكيت اكيد اتسرعت كيف عملت هيك رفعت ايدي و اطلعت بالسما و حاولت جاهدة اني اترضى عنهم و اكذب حالي لكن ما قدرت لساني ارتبط !!!! صدقني حاولت بكل قوتي و انا ببكي كيف هيك صار ؟؟؟ بدي اترضى عنهم و انسى اللي عرفتو لكن ما قدرت كنت بتذكر الزهراء !!! بعدها اقدرت اكتشف مشاعري كيف صارت و لوين وصلت .......

********************

و قد يقول لي البعض لولا هؤلاء الاشخاص لما وصل الاسلام الى بلادك !!!!!! يعني لو أمِن آل البيت و وجدوا من يقف الى جانبهم ما كانوا رح يقوموا بالفتوحات ؟؟؟؟!!!! غير عن هيك فانه في زمن الحجاج زادت الفتوحات و انتشر الاسلام فهل هو افضل من آل البيت عليهم السلام ؟؟؟؟ و هل نترضى عليه ليلا و نهارا ؟؟؟؟؟ مش هاد هو المقياس و كمان مرة .. بأكد لو كان آل البيت آمنين كانوا رح يقوموا بالفتوحات ......

ارجو عدم الرد ----<

[** مسلمة سنية **]

*** من كنت مولاه فعلي مولاه ***


سأكتفي بهذا النص الموجود بأغلب كتب السنة و بأسانيد صحيحة .... و انا هون ما بدي اناقش بالوصية و الخلافة مع انو في كتير حكي بينحكى بهالموضوع .... رح امر عالسريع بهالموضوع ..... كتير مفسرين فسروها بمعنى المناصرة و المحاباة لكن رسولنا الكريم كان بيحث المسلمين على انهم يكونوا اولياء بعض و ما كان في داعي يخص علي بهذا الحديث .... غير عن هيك تأمل اخي الكريم " من كنت مولاه فعلي مولاه " فهو يقرن بين موالاة المسلمين له عليه و على آله اشرف الصلاة و السلام مع موالاة المسلمين لعلي عليه السلام .... ( تدبر اخي الكريم ) ..... رح يحكي بعض العلماء ان هذا الحديث كان نتيجة ما اظهره البعض من بغض لعلي عليه السلام ..... لكنا نجد في الروايات الكثير من المشاكل بين الصحابة فهذا عمار بن ياسر يتعرض للمضايقة من بعض الصحابة فيغضب رسولنا الكريم و يقول : " ما لهم و عمار .. ؟؟ يدعوهم الى الجنة و يدعونه الى النار " و وردت الكثير من الأحاديث في استنكاره لبغض اشخاص لمجموعة معينة من الصحابة ...... لكنه لم يقل في أي منهم " من كنت مولاه ففلان مولاه " الا لسيدنا علي عليه السلام فالتبرير واهي و ضعيف و كان بامكانه ان يزيل الخلاف او ان يحث على حب علي عليه السلام كما فعل في مواقف كثيرة معه و مع غيره من الصحابة دون ان يربط موالاة المسلمين لعلي عليه السلام بموالاتهم له عليه اشرف الصلاة و السلام..... الموضوع ابعد مما يرمي اليه البعض ...... لكن انا هون متل ما ذكرت ما بحكي بالخلافة او الامامة ..... انا رح افرض جدلا انو رسولنا الكريم عليه و على آله كان يقصد الحب و المناصرة فقط ... أي ان الناس يجب ان يحبوا و ينصروا علي عليه السلام كحبهم و نصرتهم لسيدنا محمد عليه و على آله اشرف الصلاة والسلام ..... طيب خلينا نشوف كيف تعامل البعض مع سيدنا علي عليه السلام .... و تذكر دائما انه يجب على المسلمين ان يحبوه و ينصروه كحبهم و نصرتهم لسيدنا محمد عليه و على آله اشرف الصلاة والسلام ... حسب التفسير الذي ذهب اليه بعض العلماء ......

** ما رأيك أخي بالهجوم على بيته ؟؟؟؟؟ هل هذا هو حب رسول الله صلى الله عليه و آله و سلم ؟؟؟؟ ما رأيك بأخذه قصرا ليبايع ابا بكر على الخلافة ؟؟؟؟ هل هذه هي مناصرة رسول الله صلى الله عليه و آله و سلم ؟؟؟؟؟ و المأساة انو البعض بيفسر تهديد عمر بن الخطاب و من معه لبيت الزهراء عليها السلام بانه ليس لغصب سيدنا علي عليه السلام للمبايعة و انما علشان يشوفوا ازا كان في اموال من اموال المسلمين لديهم !!!!!!!! شو يعني صاروا حرامية !!!!!!!!!!!!!!!!!!!!!!!!!!!!!!!!!!!!!!! لا حول و لا قوة الا بالله العلي العظيم ..... يعني بنحاول انلاقي أي تفسير حتى لو بيطعن في بضعة رسولنا الكريم عليه و على آله اشرف الصلاة والسلام .... و بيطعن في حبيب الله و رسوله ..... المهم يبرئ بعض الاشخاص .........

** بعد وفاة الزهراء عليها السلام ..... يجف الناس في معاملتهم لعلي عليه السلام !!!!!!!!! شو قصتهم !!!!! ما سمعوا الرسول صلى الله عليه و آله و سلم قال : " من كنت مولاه فعلي مولاه " و قد قاله في حشد عظيم للمسلمين !!!!! حتى و ان كنت ترى انه الحب و المناصرة ..... لكن متل ما حكيت و أكدت فقد ربط حب الناس لعلي بحبهم له عليه و على آله اشرف الصلاة و السلام ( هاد ان كان المعنى هيك ) ....... طيب كيف يعاملوه بجفاوة و هو يحب الله و رسوله و يحبه الله و رسوله ....... يعني ما بيكفي بعد ما توفى رسولنا الكريم صلى الله عليه و آله و سلم اغتصب حقه ..... كمان بعد وفاة الزهراء عليها السلام يلاقي قسوة من الناس في معاملته ........ ياااه قديش عانيت يا أمير المؤمنين !!!! كيف صبرت !!!! كيف تحملت !!!! كيف تعايشت معهم !!!! عليك السلام يا حبيب الله و يا حبيب رسول الله و يا حبيبي و يا حبيب كل مؤمن ..................


** كيف بيخرج البعض لحربه ...... هاد هو الحب و المناصرة ؟؟؟؟؟؟ يعني ما بيحبوه و ما بيناصروه .... و هاد بيأدي انهم ما بيحبوا رسولنا عليه و على آله اشرف الصلاة و السلام و لا بيناصروه ؟؟؟؟؟ ( طبعا حسب تفسير بعض المفسرين لكلمة موالاة .... ) طيب ازا ما بيحبو رسولنا الكريم كيف بنترضى عليهم ؟؟؟؟ كيف بندافع عنهم ؟؟؟؟ يجهزوا الجيوش لقتاله عليه السلام !!!!!!!!!!! أي حب و أي مناصرة !!!!!!!!! و بعد هيك يوخدوا منو الخلافة بالاحتيال ( و انا اللي كنت معجبة زمان بعمرو بن العاص لدهائه ..... لكن ان تستعمل دهاءك ضد خليفتك و امير المؤمنين ...... و ترمي موالاة الرسول و علي عرض الحائط !!!!!!!!! وين كانت هاي الأمور مخبية عنا ؟؟؟؟ و كيف كنا بنرضى بالتبريرات السطحية ؟؟؟؟؟ ) ...... اخي تخيل حال سيدنا علي بعد ما نزعو منه الخلافة و بعد ما غدرت به الأمة .... بالله عليك أي صبر اللي كان عندو ....................... كيف بترضى انو مولاك ( تطبيقا للحديث السابق ) اللي واجب عليك نصرته و حبه ( واجب و فرض اذا صح اسلامك برضو تطبق للحديث ) كيف بترضى يصير فيه هيك و تدافع عن اللي آذوه كل هالأذى ؟؟؟؟؟ لأ و كمان تترضى عنهم !!!!!!! أي حب و أي مناصرة !!!!!! اخي شوف انت وين مع الشخص اللي رسولنا صلى الله عليه وآله و سلم قال فيه " من كنت مولاه فعلي مولاه " ام مع من حاربه ......... و بتمنى انك ما تكون بالنص ......

ارجو عدم الرد ----<

[** مسلمة سنية **]

**** الحسن والحسين سيدا شباب أهل الجنة
الراوي: أبو سعيد الخدري المحدث: الترمذي - المصدر: سنن الترمذي - الصفحة أو الرقم: 3768
خلاصة الدرجة: حسن صحيح

**** أن النبي صلى الله عليه وسلم جلل على الحسن والحسين وعلي وفاطمة كساء ثم قال اللهم هؤلاء أهل بيتي وخاصتي أذهب عنهم الرجس وطهرهم تطهيرا فقالت أم سلمة وأنا معهم يا رسول الله قال إنك على خير
الراوي: أم سلمة هند بنت أبي أمية المحدث: الترمذي - المصدر: سنن الترمذي - الصفحة أو الرقم: 3871
خلاصة الدرجة: حسن وهو أحسن شيء روي في هذا الباب

**** رأيت رسول الله صلى الله عليه وسلم يمص لعاب الحسن والحسين كما يمص الرجل التمرة
الراوي: أبو هريرة المحدث: ابن عساكر - المصدر: تاريخ دمشق - الصفحة أو الرقم: 13/223
خلاصة الدرجة: صحيح

**** دخلت على رسول الله صلى الله عليه وسلم والحسن والحسين يلعبان على بطنه فقلت يا رسول الله أتحبهما فقال وما لي لا أحبهما وهما ريحانتاي
الراوي: سعد بن أبي وقاص المحدث: الهيثمي - المصدر: مجمع الزوائد - الصفحة أو الرقم: 9/184
خلاصة الدرجة: رجاله رجال الصحيح‏‏

**** كنا مع النبي صلى الله عليه وسلم ثم قال رسول الله صلى الله عليه وسلم حسين مني وأنا منه أحب الله من أحبه الحسن والحسين سبطان من الأسباط
الراوي: يعلى بن مرة المحدث: الهيثمي - المصدر: مجمع الزوائد - الصفحة أو الرقم: 9/184
خلاصة الدرجة: إسناده حسن

***************************

اليس من المفروض بنا كمسلمين انو نحب من يحبهم رسولنا الكريم عليه و على آله اشرف الصلاة و السلام و ان نعادي من يغدر بهم و يعاديهم ......... في روايات كتيرة في حبه لهما و فضلهما .... فهما سيدا شباب اهل الجنة .... بأحاديث صحيحة و متواترة ..... طيب كيف بندافع عن اللي حاربهم و غدر بهم ؟؟؟؟؟؟

**** كتير كنت اقرأ انو الحسن عليه السلام بايع معاوية ..... يعني انو خالف رأي والده .... و كمان مصالحتو مع معاوية بتخلي خروج الحسين عليه السلام خروج على الخليفة و نقض بالصلح ( و كانوا بهالقصص يستدلوا على عدم العصمة لكن هي هلا مش موضوعنا ) ..... و كنت اصدق و امشي عن هالكلام بس و لا مرة دورت على ظروف الصلح و شروطه .....و لما عرفت الظروف و الشروط اختلفت المقاييس تماما ..... فقد غدرت به الأمه و لم يبقى من ينصره الا القليل ( متل حالنا بهالأيام الناس دايما بتتبع القوي و بتخاف منو و بننسى انو ربنا اكبر و اقوى ) و كان لازم يعمل الصلح لسلامة آل البيت و حفظ الدين و لكن كان كل هاد بشروط تم الغدر بها من قبل معاوية و بذكر اهم شرط :انو الأمر بعد معاوية يكون للحسن عليه السلام و بعدها يكون للحسين عليه السلام ..... طيب لما يغدر معاوية بالصلح مع سبط و ريحانة الرسول و مع سيد شباب الجنة ..... شو بيضل علشان تغضب للظلم و الغدر اللي تعرض الو عترة رسولنا الكريم عليه و على آله اشرف الصلاة والسلام ......
........... يا ترى لو كان جدو عايش و شاف هالظلم كان رح يترضى على ظلامهم ....... اخي اتصور كيف رح يكون تصرف قدوتك و معلمك و امامك و قارن بين مواقفك ......
عليك السلام يا سبط رسول الله عليك السلام يا ريحانة رسول الله عليك السلام يا سيد شباب اهل الجنة ...... عليك السلام يا امامي الحسن

ارجو عدم الرد ----<

[** مسلمة سنية **]

يزيد ............. الطامة الكبرى !!!!!!!!!!!!!!

.... يعني كنت حكيت بالأول اني كنت محيطة نفسي بجدار سميك من الكبرياء انو مستحيل نكون احنا الغلط .... ما في مجال للشك ......... لكن قرأت عن حديث ال 12 خليفة او 12 امام .... و بدل ما ادور عليه رحت كتبت الموضوع بمنتدى للسنة و تساءلت عنهم .... و كنت بستنى يحكيلي انو الحديث ضعيف .... و يمكن كنت رح اصدق !!!!!! لكنو وضع اسماء 12 خليفة من بينهم يزيد !!!!!!!!!!!!!!!!!!!!!!!!!!!!!! ما بعرف بس استنكرت الموضوع كتير و كان هاد اول خدش في جدار الكبرياء ....... ( طبعا ذكرت متى انهدم هاد الجدار ..... ) و من هون بديت اتنازل شوي عن كبريائي و حكيت ليش كل شي بيحكيه العلماء لازم نوخدو متل ما هو طيب ما هم اصلا بيختلفوا فيما بينهم ..... شو فايدة العقل اذا ما قارنت و وازنت ..... و عندها رجعت للمنتدى الشيعي و فتت بموضوع تعزية لك اخي السني و بعدها طلبت بموضوع تاني كتب لنقاش علماء الدين مع بعض ..... و بديت احاول اتطلع للأمور بحيادية و احاول اني ابحث في قصص الشيعة قد تكون صحيحة .... و قرأت عن حديث الغدير ..... و شفت تفسير السنة و الشيعة للحديث .... و شعرت انو تفسير الشيعة هو الأقرب للعقل و القلب و عندها اعلنت موالاتي لسيدي و امامي علي بن ابي طالب و فتحت الموضوع هاد .........

نرجع لموضوع يزيد .........
خلينا بالأول نتذكر هالحديثين : " حسين مني وأنا منه أحب الله من أحبه "
: " الحسن والحسين سيدا شباب أهل الجنة "

طيب لما نيجي نقارن بين من هو مِن رسول الله و رسول الله منه و هو سيد شباب اهل الجنة و بين يزيد ....... يا ترى مين فيهم رح يكون معو الحق ؟؟؟؟؟ رح تحكي يزيد مش هو اللي قتلو ..... طيب مين اللي جهز الجيش لحربه عليه السلام .... مين اللي كان ورا هاد الجيش ...... يعني اكيد ما كان مجهز الجيش علشان يروح يلعب معهم .... و ازا بتقرأ في احداث كربلاء بتلاقي انو هالجيش من الهمج الرعاع ..... مين اللي ارسلهم و جهزهم ؟؟؟؟؟ ( يعني ازا انا ما بدي اقتلك بايدي ( بخاف على حالي اكيد و لو كان عندي شجاعة كنت انا اللي توجهت الك ) و بعتت واحد متخلف همجي يحاربك و قتل و نكل و اجرم هل تبرأ صفحتي علشان هالأعمال ما كانت بيدي .... طيب ما انا اللي بعتو !!!!)
...... فانظروا كيف تخلفونى فيهما ..... لما تقرأ انو احفاد الرسول كانوا محرومين من المي !!!! تم قتلهم و هم عطشى !!!!! تم التنكيل بأجسادهم !!!!!تم سبي نسائهم !!!!! قطعت ايديهم !!!!! و رؤوسهم !!!! سبط رسول الله حبيبه ريحانته يقطع رأسه و يوضع في دلو و يذهب به من العراق الى الشام !!!!!!!!!!!!!!!! بالله عليك اخي كن عادلا و تخيل رسول الله يرى هذا .................................................. .................................................. .................................................. .................................................. .................................................. .................................................. .................................................. .................................................. .................................................. .....................
مش عارفة شو بدي اكتب ...... شو رح تحكي لنبيك يوم القيامة بسماعك بهذه المصائب التي حلت بعترته آل بيته ..... لأ و تخيل حالك و انت ممن بيدافعوا عن يزيد ..........

السلام عليك يا امامي يا ابا عبد الله الحسين .... السلام عليك يا سبط رسول الله ........ السلام عليك يا ريحانة رسول الله .......

ارجو عدم الرد ----<