[انثى الحوت]

سلام عليكم

الصراحة حابة تكون هالصفحة مدونه لي
صفحة بفضفض فيها بالي ابي
ياليت تتقبلون هالصفحة

و تظل موجودهـ لي

من كم يوم
يوم الجمعه

من بعد ما خلصت من تدريس طالبتي
كنت مشتاقة لصديقتي و حابة اشوفها و اسولف وياها
صار لي اسبوع ما شفتها

لمن كلمتها قالت لي ودي اروح السوق
اشتري ساعه
قلت لها طيب مري علي
بروح وياج
قالت صار
استأذنت من امي و وافقت
و مرت علي هي و اختها الي اكبر منها بسنة
و رحنا سوق مستانسين
و مشينا نشوف البضاعه
و كان الجو حار شوي << تدروا عاد بدا الحر
مشينا نعلق على هالبلوزة و هالثوب
و وصلنا لمحل الساعات
بدت صديقتي تشتكي من راسها بسبب الحر
شافت لها ساعه حلوة و قاستها
و عطتها الهندي يقصرها و دفعت فلوسها و مشينا نكمل تسوق
وصلنا لمحل عجب صديقتي و شرت لها اهي و ختها بلوزة
و جينا نرجع
كان في خاطري صديقتي بيبسي
صديقتي تموت في شيء اسمه بيبسي
وقفنا عن الحافظات الزرقاء الي يبيعون فيها بيبسي و عصير
كانت موجوده و وراها محل يبيع العاب و ما في يمها احد
احترتنا وين صاحبها
انتظرنا انتظرنا محد جا لنا
كان صاحب الالعاب عنده زباين و صديقتي بدت تذمر
تبي تشتري و نمشي
و احنا واقفين ننتظر ما شفت الا صديقتي مسكت راسها
و اهي تقول راسي ماني قادره
و اني بديت استغرب
حظنتها ختها و صديقتي تصرخ
شوي قعدت و انا انادي عليها و لا ترد
شوي طاحت على رجليني
و انا انادي عليها ما ترد
احاول ارفعها ما اقدر لأن متينه شوي
ما عرفت شسوي
شوي جا رجال و قال عطوها ماي
رشوا عليها ماي
التفت للي وراي و كان توه جاي حق اغراضه
قلت له عندك ماي ؟ << و انا من الصدمة اكرر عليه السؤال
عندك ماي
قال اي عندي و على طول طلع غرشة و فتحها و مدها الى اخت صديقتي
عاد صديقتي في هالوقت سمعت الرجال يقول كبوا عليها ماي
ما شفناها الا قامت و هي تمسك راسها و تقول لا تكبوا علي ماي
لا تكبوا علي ماي
اخذت انا الماي و كبيته عليها عشان تخف
و قامت صديقتي و ابتعدت
درت انا للبياع و عطيته فلوسه و انا في خاطري اشكره
بالنفس الوقت كانت اخت صديقتي بتعطيه فلوس و قالت لي روحي لها
قلت لها لا انتي روحي ليها
دفعت للفلوس و رحت لصديقتي
مسكتها و مشينا
سئلت ختها ما تغذت ؟!
قال الا بس اكلت شوي
قلت لصديقتي وش صار فيج ؟
قالت خفت صارت الدنيا سودا و احس اني بارجع
و احس اني بموت
و مشينا و عطيتها الماي تشرب
قالت ختها قعدي شوي ارتاحي
قالت لا بنمشي
و لا تقولوا لأحد
بعدين امي بتهذر علي
عاد انا سكت اما خت صديقتي قالت انا بفتن عليج
مشينا شوي و اهي تعبانه و انا مدري شلون حالي
و مشينا و قمنا نتكلم شوي عن الي صار
وصلتها بيتهم و رجعت البيت و انا بعدني منصدمه
و افكر بالي صار
شربت ماي و غسلت وجهي

و بس

اول مرهـ يصير لي مثل هالموقف
ان احد يغمى عليه قدااامي << الله لا يعوده من موقف

انثى الحوت