[احمد العراقي]

[align=center]السلام عليكم

نتقدم باحر ايات التعازي الى مقام مولانا بقية الله الاعظم ارواحنا لتراب اقدامه الفداء بذكرى شهادة سيدنا ومولانا وامامنا مولى الموحدين وامام المتقين وقائد الغر المحجلين امير المؤمنين علي بن ابي طالب عليه افضل الصلاة والسلام

ولهذه الرزية العظيمة كتبت هذه الابيات المتواضعة ونسال الله تعالى القبول بحق محمد وال محمد

مغيب شمس الضحى

ابن ملجم فجع كلب النبي المختار **بطبرة هام راعي المرجلة الكرار

بهالليلة تخضب شيب ابو الحسنين **وصى المصطفى وقاسمها جنة ونار

بهالليلة ينوح الحسن وي حسين ** وام كلثوم والحوراء علي صار

ميكائيل وي جبريل بهاي الليلة ** من سابع سما ينعون حامي الجار

تهدمت والله اركان الهدى ** صوت بامر من رب العلا الجبار

بهاي الليلة راح اليكفل الايتام ** حماي الحمية الفارس المغوار

يا حيدر علي يمفرق الاحزاب ** يا قالع الباب وقاتل الكفار

على مصابك يظل ينوح ** محراب الصلاة وسيف ذو الفقار

وبهالفاجعة ادموم التهله العين ** للمرتضى واتخليه سيل انهار

لان فكدك هضيمه وثلمة للاسلام ** وتدري لشيعتك ما لانت الاقدار

يلومونه النواصب لان نحزن هيج ** ما يدرون بالارواح مرخوصه لابو الاطهار

بهالليلة نوقع بالدما مولاي ** شيعة ورافضية والك نطلب ثار

شيعة ورافضية والك نطلب ثار


وعظم الله لنا ولكم الاجر اخوتي واخواتي الموالين بهذه الفاجعة الاليمة

وعليكم السلام ورحمة الله وبركاته[/align]