[احمد العراقي]

السلام عليك يا كفيل النبوة ويا ابا الامامة

تاريخ المجد

تاريخ المجد لو صف رجاله ابيوم
واجب يا ابو طالب اول ايعدك

واجب تنحنيلك كل حروف الزود
ياهام المعالي المحد ابگدك

غصبن عاليضدك انت حجة نور
اشحده تراب جدمك يوصل الضدك

يا باب الشفاعة الما يرد طلاب
ويا منوى الطهر وارواحنه اتگصدك

نكتب ما نوّفي وقاصرين وياك
بس انت نبع وحروفنه توردك

نبع فاض بعلي وبجعفر الطيار
اذن مالك وصف وحدود متحدك

عطش گلب النبوة وشاف وجهك ماي
رويته وفي ظلاله الطاهر ابسدك

خفه ايمانك تقيتك حافظ لـ هالدين
وانت ايمان كلك من ظهر جدك

وصفاك ابكفر وانعاب حلگ الشوم
واهم بالخديعة ايحاول ايهدك

عمت عين التغض عن فضلك اسم الشوف
والف غمّه التغمّه الما درس مجدك

عجاج احقادهم ما يرد وهج النور
وانت بوهج نورك ياهو الي ايردك

خسر سفّانهم وشراعهم ما دام
حگهم ما دروا ما ينگحم مدك

وهم طوفانهم شافوه يسد العين
واتبخر وهمهم من وصل سدك

مرّت تبغضك اجيال يا ابو اجيال
وانت لوحدك محد وگف ندك

گلب الما يود حيدر ردي وخسران
وحبل ود الصميدة اموصل ابودك

اذن حبك شرط وي طاعة الاطهار
وهنياله الحظة ابخطوة شرف عندك


احمد العتابي
العراقي