[جابر النجفي]

بسم الله الرحمن الرحيم
اللهم صل على محمد وآلمحمد وعجل فرجهم

ويـــن گبــــر الطاهـــره ( موال بدوي )
ــــــــــــــــــــــــــــــــــــــــــــــــــ ـــــــــــــــــــــــــــــ
وين گبر الطاهره يالمُرتضه صار == رايد على التربان دمعاتي أهلها
حنّت الروح إو أمل بيها إعتله إو سار == لأرض المدينـه إبشوگ تگصد أملها
تسأل الهادي النبي وينك يمختار == دَلّينــــي عالزهراء جَيتي لجلها
روحي بالآهــــات بيها الحـــــزن دار == ما تنسه يوم الباب حد يوم أجلها
والضلع للدوم ما تنساه والنـــار == نار الحقد شيطان ذاك الشعلها
والصدر يوم إنعصر وإرتكبوا العـــار == هاي المُصيبه إشلون حيدر حملها
سيف أبو الحسنيين نادى يكرار == إرفعنــــي يامظلوم إنتَ المثلها
ما بعد عندي صبر ياحامي الجـار == هاي العصابه اليوم مُنكر عملها
سيدي ياباالحسن وإهمومك إكثار == وإمصايبك مولاي گلبك محلها
ريت ويّاك إبدفنها إو ننظر الـــدار == من فارگت أنوار تضوي لهلها
ننتظر إبن الزچيــــه ياخذ الثــــــار == صعبه القضيه الحين هُوّ اليحلها
نكروا الزهره إبحقد أحفاد الأشرار == حيدر علي نكروه ركبوا جملها
وإنتَ يالمهدي الفرج وإتخلي طُشّار == زمــــــــرة الشيطان تنهي دجلها
ــــــــــــــــــــــــــــــــــــــــــــــــــ ـــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldpx878420.mp3.htm

[عدنان منعم]

موفق استاذنه وفي ميزان اعمالك بحق الزهراء

[جابر النجفي]

اقتباس : المشاركة الأصلية كتبت بواسطة عدنان منعم [ مشاهدة المشاركة ]

موفق استاذنه وفي ميزان اعمالك بحق الزهراء

ـــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز عدنان منعم
اشكرك وفقك الله ورعاك
وعظم اجورك