ݘف واحد كسر ضلعين ** ضلع الزهره ضلع حسين
وبخيمنه شعلها النـــار ** ݘف واحد
على روح النبي ونيّتي ولفگده **من غاب أو بدوا ويّـــاج بالردّه
هذا ألّي غصب منݘ فدگ عِنده ** مالݘ ورث أفته أو سيّره حقـده
صار الحجّه والبرهان** علهَ المارعهَ شَرع أو دين
أجت زمره اعله باب الدار ݘذّابه **نهضتي بحملݘ عله الباب مرتابـــه
أجاݘ الماعرف أرحامه وصلابـه **كسِرها الباب جوره والضلع صابه
واويلي عله مصابݘ **ماينشف دمعها العين
أنه أبّسمار ضلعݘ ضلعي لتبسمر **ويريت اضلوعي دون حسين تتكسر
الحزن ثوبه عليّه أمفضل أمگــدر **من يومݘ دمعتــــــــي اليومي لمقدّر
ييمّه ابصدره قبلته ** وعيوني جرن نهرين
عالي حسين دنيه وآخره شانـــــــه **مناره للحقيه دمّه برهانــــــــــــــه
ثلاث ليالي ظل مطروح قربانــــه ** ولاظل اليظل أنصاره وخوانـــــه
بوجه كل طاغيه واشرار **وعله كلمن أله وجهين
وحدي أويه الضعن لارض الغدر طبيت ** أمشي بصبري درب الشوك ماذليت
سهام فراگـــــــــم كتلتنـــــــي يهل البيت **بيكم راسي باقي عالــــــــــي ماذليت
تبقه أرواح حرّاســــــي **لݘن گلب أنجسم نصين
گظيتي أيامݘ أبآلام يابضعــــــــــــــه ** صار الدين بلسان الݘذب سلعه
ويوميه يمر ظيم والف بدعـــــــــــــه ** افراگݘ حيل يالمنه ونصب دمعه
نصرخ آ يمظلومه ** حدّك ياصبر لاوين
موالي أسألݘ بختيني يالزهــــــــــره **مري ابطيفي اشوفݘ وسݘب العبره
هذا ذنبي ربـــــــــــي بجاهݘ أيغفره **وتطفي شفاعتݘ النار لوكبــــــــــره
وتجازينــــه بالمعروف ** أبجاه الضحّه بالجفين
خالد محمد مهدي 
جف كسر ضلعين
العرض الشجري