[فرقة احباب الزهراء]

مسموم يابو الرضا

بالسجن طايح يدير ابناضره

ايلوج مسموم وجبدته اموجره

موسى ابن جعفر ندب ياحيدره

كوم ياجدي العده غدروني

************************************************** ***************************************

كوم ياابالحسن وانضر حالتي

والله تنهد الجبال الغربتي

لااهل لاولد لا من صحبتي

وحدي اتلوه وتهل اعيوني

************************************************** ************************************************** ***

وحدي اتلوه يحماي الحمه

اغرفه تحت الارض ترعب مظلمه

وكل بشر ماشوف غير الضالمه

ابحالي يتشمتون وياذوني

************************************************** *************************************************

بيه يتشمتون وانه ابهالوضع

مادروا باجر كلنه نجتمع

ابمحكمه وبيهه العداله تستمع

هناك شنهو العذر للضلموني

************************************************** *******************************************

هناك شنهو العذر لوطاه سال

وكله ياهارون فسرلي العلل

شنهو ذنب الكاظم اشسوه اشعمل

وانه كاعد انضرك بعيوني

************************************************** *********************************

هناك راح اعرض شجيتي للجليل

وراح اقدم جبدتي اكبر دليل

شلون فتته الغدر والسم يسيل

هناك عاد ايصيح بس رجعوني

************************************************** ************************************************** ******

كلمات ابو امين الفرطوسي