[كريم السعبري]

طلكت الكعبه طلكت الكعبه ولدت فحل الفحول
نسرت الاملاك نسرت الاملاك والهادي الرسول
وافرحت ارض وسمه
أنولد حماي الحمه
--------------
حكي من افرح اني بمولدك ياعلي ياعلي
ايدت طه الحبيب وايدك ياعلي ياعلي
وشلت راية نصره انته بساعدك ياعلي ياعلي
هاي من الله هاي من الله الفرحه لشيعتك
حملت البشره حملت البشره ويحيدر نادتك
اجه راعي الغانمه أنولد حماي الحمه
طلكت الكعبه
-----------------
الكعبه لو بت اسد ياهو الي ولدت ياعلي ياعلي
ومالكت مثلك الكعبه وشاهدت ياعلي ياعلي
بساعدك كل الظلاله تبددت ياعلي ياعلي
نولدت العصمه نولدت العصمه يحيدر من اجيت
وزهوت ايامك وزهوت ايامك بمولودك لكيت
بكل كلب حبك نمه نولدحماي الحمه
طلكت الكعبه
-------------------
صرت سيف ورايه بيد المصطفى ياعلي ياعلي
وجفنك اليحرس الدين وما غفه ياعلي ياعلي
وسيفك لنصرت نبينه موظفه ياعلي ياعلي
فقاره بيده فقاره بيده حمه الدين الحنيف
وجان كل طاغي وجان كل طاغي اله حيدر مخيف
اسد يوم الموزمه أنولد حماي الحمه
طاكت الكعبه
-------------------------
حكهه من أطر جدار الكعبه الك ياعلي ياعلي
انته رب الكون هو مدللك ياعلي ياعلي
كبل خلق الناس بالدنه ملك ياعلي ياعلي
عل العرش اسمك عل العرش اسمك الباري سجله
وللشيعي انته وللشيعي انته تحل كل مشكله
شخصك الله معظمه نولد حماي الحمه
طلكت الكعب
---------------------------
انته للشيعي تظل خيمه وسند ياعلي ياعلي
وانته والد كل يتيمه وكل ولد ياعلي ياعلي
العدل والحك من اجيت انته نولد ياعلي ياعلي
وانته بجفوفك وانته بجفوفك تطعم كل فقير
وانته بامر الله وانته بامر الله يحيدر صرت أمير
وانته رحمه دائمه أنولد حماي الحمه
طلكت الكعبه
---------------------
ولايت الحله متلت بهجه وسرور ياعلي ياعلي
وعلكت شموع بصواني والبخور ياعلي ياعلي
ويمطر الباري السمه باجمل عطور ياعلي ياعلي
اليوم احلى فرحه اليوم احلى فرحه نطش بيهه الورد
وكل كلب شيعي وكل كلب شيعي يحيدر ينسعد
بحبك يزول الضمه نولد حماي الحمه
طلكت الكعبه
--------------------------
خادم اهل البيت
سيد كريم السعبري

[ابوتكتم الخير]

السيد السعبري
دعني اول من يمر فيسجل إعجابه وليس رده هنا
قصيدة رائعة
مبارك لك بها وبالولادة
دعائي

[نزار الفرج]

بسم الله الرحمن الرحيم
مبارك عليك ايها الشاعر الطيب كريم السعبري ولادة قسيم النار والجنة
عليه السلام.. بوركت وطبت وطابت قصيدتك..
دعائي
اخوكم

[البدري14]

هنيئا لكم يا شعية علي هذا الفرح
السيد السعبري
موفق بحق محمد وآل محمد
تقبل مروري بود

[كريم السعبري]

اخواني الشعراء السلام عليكم
سارد عليكم تباعا مع عذري وتقديري

الاخ ابو تكتم السلام عليكم
ذوقك الرفيع علمني بان مدحك شهاده

واعتز بها مع التحيه
السعبري

[كريم السعبري]

نزار الفرج السلام عليكم
مرورك على متصفحي شرف اعتز به
تقبل خالص تحياتي
السعبري

[كريم السعبري]

الاخ البديري السلام عليكم
وهناك الله بوالدة أمير المؤمنين ابو الحسن علي عليه السلام
تحياتي السعبري

[مصحح المسار]

انته للشيعي تظل خيمه وسند ياعلي ياعلي
وانته والد كل يتيمه وكل ولد ياعلي ياعلي
العدل والحك من اجيت انته نولد ياعلي ياعلي
وانته بجفوفك وانته بجفوفك تطعم كل فقير
وانته بامر الله وانته بامر الله يحيدر صرت أمير
وانته رحمه دائمه أنولد حماي الحمه
**********************
شاعرنا المبدع السعبري نهنئكم ونهنئ أنفسنا بكم
بولادة أمير المؤمنين
أجدت وألطفت بلفظك
وحسك

[كريم السعبري]

الاخ مصحح المسار اهنأكم واهنئ نفسي ومراجعنا العظام
وصاحب العصر والزمان المهدي المنتظر عج بمناسبة
ولادة أمير النحل بطل المشارق والمغارب علي ابن ابي طالب
عليه الصلاة والسلام
تحياتي السعبري

[القلب الاسير]

مولاي
مبدع
متالق
وفقك الله وجزاك خير الجزاء
لك ودي وفائق شكري ومناي
تقبل تحياتي وتقديري
الاقل
احمد رفيش