[ابو ظاهر البركي !]

اجه عاشور


اجه عاشور كون نحضر دمـــوع
وكل واحد يحضر عيونــه لحسين
بواجي يـــشكبن ويــــنحر العباس
ونفتشه هناك جيته شلون ومنيـــن
وكبل مايــــوصللنه يطلع الضلوع
اقل شي كون كاسر بيـــــهن اثنين
ويـــضم جفوفه كون علليـــشوفون
ماترهــم يجيـــنه وعنــده جفيــــن
لأن عبـــاس لختـــه دز الجــفوف
واحنه بلايـــه جف نزوره ناويـن
وشرط الي يــجينه مجرح الخدود
ويـــخلي الجرح بخدوده نيـــاشين
ويــشك الزيج يلبس رث الثيـــاب
وفوكاهــه بعد يـــدمرهن بطيـــن
وعلرجليــــن حافي ويجي مشاي
ولو نشفت دموعه يــــبجي العين
وخلينزع اعضاءه ويظل بس روح
ويــخلي الروح تندب بالولايــــه
والعنــده طفل خيــــجيبه ويــــاه
وخلي ايـــــجيب كل اهله سبايه
تتــــلكانه زيـــنب رافعه الراس
ويـــتلكانه اخوها وبيـــده رايــه
وكاتب عللرايـــه اليــوم عاشور
ويــــمه الجود بس متبدي مايـه
وجفوفــه نذرهن فدوه لحسيــن
اباب حسيـــن خلاهن حمايـــه
وهو اباب صحنه واكف هناك
بلايـــه جفوف لاجن واكف آيه
جفتنه نريد ندخل صحنه ونشوف
لكيــنه الناس متــجمعه هوايـــه
سمح بس للنسه تدخل الليــــوان
وكال الزلم تبــقه هنــا ويـــــايه
كلناله ابـــو فاضل احنــــه زوار
نريد انطب ضريحك عدنه غايه
كال شويه اصبرو ودمعته تسيل
واشر للصحن كال امي هــايـــه
ويــه ام الحسن تلطم على الصار
وبنص الصحن عدهــن قرايــــه




خادم اهل البيت

ابو ظاهر البركي