[خالد محمد مهدي]

(( مظلوم ويلي الحسن))

**--------------------------------**

مظلوم ويلي الحسن

مسموم ويلي الحسن

**----------------**

هذا أبن ثقليــــــن أيمان الوجود \\ فيض سبع بحور من جفَّه تجـــــود

الحسن معنه للوفه وتاج الخلود \\ حفظ دم الشيعه من جور المحــــن

------------

كشف زيف كلوب وقناع الحقد \\ حيــن وقَّــع بالوثيقــه والعقــــــــــد

خلَّه أبن سفيان لطباعـــــه يرد \\ ورجَّعه الصفّين وأيـــــــــــام الفتن

-----------

الخبيبث أبن الدعيّه مارعــــــــه \\ للأمام وخان عهده الوقغّـــــــــــــه

وصاب جبد الغامنه بهل الفاجعه \\ عليه من جدَّه الرسول الحرب أذن

-------------

عانه ماعانه الامـــــام من الغدر \\ للخيانـــــــــــــه أيدّورون عللغدر

تريد بيد النذل أتسلمه وتفــــــــر \\ للخيانه دولــــــــــه صاروا أوّطن

------------

توسّد فراش المنيَّه بعلِّتـــــــــه \\ من أثر سمِّج يجعده بجبدتــــــــه

اكرب الناس أله جانت غدرته \\ بيد جعدخ جبده بالســــــم أنطعن

----------------------

حسين لجل الحسن صبَّت دمعته \\والحسن بيجي عله أخوه ومصيبته

يدري بي ينذبح وتظــــــل جثتّه \\ ليالي فوك الثره ماواحد دفـــــــــن

----------------

شافته والدمعه ظلّت ساجبــــــه \\ يروحها اختــــه العزيزه أتعاتبــه

تكله خويه أميَين أجت هالنايبه \\ منها كلبي أنسل وعيوني عمن

----------------

اليوم من أعلامنه يهوه علم \\ ينازع بروحه ويلوج من الألــــم

أيذوِّب السم جبدته خط القلم \\ ويبقه دمع عيونـــــــه مثل المزن

--------------

شما تهيج علينه مصرَّه الرياح \\ والسمه يغطّوها بسهام ورمتاح

لابد علينه يهل نور الصبــــاح \\ نشوف أبو صالح ورايته علن

-------------

بالكلب جمرات حزني تلتهب \\ مصايب علينــــه جديده تنكتب

والله غير اهل الرحم لامانحب \\ لو سيول دموم من عدنه جرن

************************************************** ***

((كعده))

الامام الحسن عليه السلام

********************

وداعك يابو محمــد** هل الليله *هل الليله

تغيب بجبد مسموم ** هل الليله * هل الليله

عهدك الحافظ دمنــــه

وياك أعبرنه المحنـــه ** هل الليله* هل الليله

***********

شيعتك تدري بمرارك ** شلون لوعاتك عشتها

أمرّوك وبيك خانــــوا **هاي ماأنته ردتهـــــــا

وقًعت عهد التقيّـــــــه ** دماء شيعتنه حفظتها

سفيان صلبه مارضـــه

هل العهد حجّه داحظـه

طينته وطبعه أتوضِّحه **عهودك انته ماخنتها

حكم السقيفه أنعاد **أعلينـه * أعلينه

ذلَّتنه بيهــــــا راد **أعلينـه * أعلينه

ثبتت مواقفنــــــــــه

وياك أعبرنه المحنه

*************

نعاني من لوعة غيابك ** نوگف عله جروف منّك

يصب دمع الگلب جمره ** بالݘبود أينام حزنـــــك

يتامه نوصل عله اعتابك **وننشد مضايفك عنّـــك

ياجود يافيض الكــرم

من ݘفّك اعرفنه النعم

ياسيدي من الالـــــــم ** نلوذ نتستّر بحصنــــــــك

الدمعه حزينه أتصيح ** واويلي * واويلي

رابع الخمسه أيطيــح ** واويلي *واويلي

من الآهات أتجرّحنه

وياك أعبرنه المحنه

**************

جعده سمها سره أبجسمك ** يعرف ويندل مكانه

والعنب مستحي منّــــــك **هذي يحسبها خيانــه

واليخون العهــــــــد مرّه **سهله مايحفظ أمانــه

ݘبدك يدًور عالصعب

يدريك أبـــــد ماتنغلب

سيف التقيّه اعلن حرب ** عالحقد ذلّه أوهانـــــه

هيهات الف هيهات ** رددنه * رددنه

منبالــــــي بالشمات** رددنه * رددنه

اتظل انته ربحنــــه

وياك أعبرنه المحنه

**************

سيرتك كلها مفاخــــر ** وفضلك البادي علينــه

والله صعبه يبو القاسم **تروح ياغالي من أدينه

وعيلتك تصبـر الفگدك**إلهم يواسي بݘينـــــــه

حسين دمعاتـــــــه دمه

دنيه عله زينب مظلمه

تغيب يابن فاطمـــــــه ** المشتكى لله ونبينــــه

يطبك سمه عله الگاع ** أمصابك * أمصابك

نوح ودمع سݘّـــــاب ** أمصابك * أمصابك

سم ݘبدك اليهظمنه

وياك أعبرنه المحنه

************

عين شافت ݘبد دامي**وطشت بيه جروح ݘبدك

تدري بختك والنوايب **اشراح يجره أعليها بعـدك

يعينها الله عله المصيبه** ينگطع يالحســــــن ودّك

الموت لو يمّك حضر

ݘبدتها تتكطّــــع وذر

مابعد رجعه من السفر**لو رحت عنها شيـــــردًك

نعشك تصيبه سهام ** غدّاره *غدّاره

وبكربله الظــــــلآّم ** غدّاره *غدّاره

عنّك مانكطع ودنّه

ويّاك أعبرنه المحنه* هل الليله * هل الليله

*********







)) غاب الحسن (

***--------------------------------***

غاب الحسن مسموم **ياناصر المظلوم

جبده تگطّع ونمرد **** ياناصر المظلوم

***********

لهموم ويّاي بـــــــدن ** من عِصرت أمي الباب

مافارگ عيوني الدمع **وبصدري ضلع أنصاب

وعالدار خــيّم الحزن ** من طبرة المحــــــراب

أدري الدمع لو بي رجه ** ݘا رجّــــــــع الغياب

أصحه وبات اعله الهظم**********وگلبي يشيل هموم

**********

من شدّة السم والالم **ويلي أحترگ دمّــــــه

الموت بعروگه سره ** والمرض هد جسمه

دارت عليه كل عيلته ** يم راسه ملتمـــــــه

وعيونها تصب الدمع ** وعيون ابو اليمــــه

محسوبه ساعات العمر ******وفراگه باݘر دوم

*****************

يوميه صرخت نوح ألـي ** ماعندي راحت بال

بالحسره مليان الݘبــــــد ** وسوَدة الامــــــــال

وعليّه جرّب الدهــــــــر **بمصايبه من مـــــال

الراح فوگ الـراح ادگ ** خلالي هذا الحــــال

فراش المنيّه أتوسّده******أبن الزجيه اليوم

***************

يبقه مضيفه وموجَره ** ماتطفه ابد نـــــاره

والجود من ݘفه بحر ** من يوصل اسراره

عنده ينابيع الكـــــرم **ابشارته الخطّـــــاره

عمّت علينه مصيبته **والشيعه وانصــــاره

آخر وداع نوادعه

والدمع سال دموم

*************

من صالح اصحاب الفتن ** راد الصلح رحمه

وحجَّه على اهــــل الغدر ** الما تلتزم كلمــــه

حال العمه عيون الطمع **لارحمه ولاذمّــــــه

تالي البدع واهــــل البدع** عالدين ملتمّــــــــه

خسروا الدنيه واخره

الباعت ذممها الكوم

********

حضرت الشيعه الدفنته ** مفجوعه مالومه

كل ظنهم يم جدّه النبـي ** توسده بهمومــــه

والنعش بـسهام أنرمــه ** من ناس مذمومـه

مظلوم مهظوم الحسـن ** ياشيعه من يومـه

رابع الخمسه الطاهــره

راح أبݘبد مالـــــــــوم

************************************************** *******

محترق الكبد

***------------------***

من في جوفه محترق الكبد** لهٍ مدة يداً بالسم والحقد

يد آل الطليق بغيهم تبدي

**************

تسمّين الحســـن ياݘعده وشفادݘ** بشرايينه زرعتي هموم احقـــــــادݘ

هم حصّلتي من وعود اسيـــادݘ** لوصرتي اميره تحقق امـــــــــرادݘ

تصيرالناس عبــيد يزيد وعبادݘ** خسرتي الدين من طاوعتــي لعنادݘ

من اطبـــاع اميَّه شيمت الغدر

لايُقبل لهم في الحشر من عذر

والايات للفسّاق لاتهدي

******************

أيتخاذف جسمه من المرض والامه** بساعة موته لم اعياله گدّامــــــــه

يسنده حسين وخته بأخر ايامـــــــه** أوتصب من نار كل عيون ارحامه

يظل عامر مضيفه وعاليه اعلامــه**ولايخله مكانه بگلب خدامــــــــــه

بدا في وجههم الحزن والهم

وقلوبا تعاني الفقد والغــــــم

والاهات لن تسكن في حدي

**********

بميازين التقيه وقّــــــــــع الميثاق ** ولاگطرة دمه من شيعته تـنـــــــــــراق

شوسع صدر الامام اليوسع الافاق** مثل جده النبي الاسرى على ظهر براق

لجن ابن الدعيه وخبثه بالاعمـاق ** تحت اجدامه عهده وداسهــــــا الاوراق

نادا ياأهالي الكوفه جأنـــــا

نحن الحاكمين كيف ماشأنا

لا أوفي لكم حرفا من العهد

*******************

تشيَع بالسهام بيــــوم مامثلــــه ** شيريد ابن اللعينه انشده وسأله

دين الله الحسن والكعبه والقبله **وحگنه نصيح بي امنه وبأهلــه

مصيبه للكلب أتعلَّه وتسلّــــــه ** على يادين ابن سفيان ياملّـــــه

للآل المصطفى قلبي ووجداني

والود لهم فالدين عنوانــــــــي

ومن عادهٌموا في موقف الضد

********************

شوكت ياربي تكشف عنّه هالغمه ** وترد تحكم بأرضك 12 يمــهً

الخير بأوله وبأخره رحمــــــــــه ** همَّه أهل الوفه والعدل والذمّه

تحت رايات ثاره نصير فد كلمـه ** وناخذ ثـاره للضَّحه ونِذَر دمّه

ارواح تجير بعضهم بعضــــــا

الاهي لو رضوا عنّا لنا ترضى

طوع أمرهم بالحب والــــــــود