[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مُصــــــــــــــاب الكــــــــــــــــرار
ــــــــــــــــــــــــــــــــــــــــــــــــــ ـــــــــــــــــــــــــــ
ياشهر رمضان بيك أعظم مُصاب == من مضُه الكرار وأعلن للغياب
ــــــــــــــــــــــــــــــــــــــــــــــــــ ــــــــــ
من مضه الكرار واعلن غيبته == نور صاعد للسمه من جبهته
أمة الاسلام ناحتْ فقدته == وأظلم الكون إنصدع حتى الكتاب
ــــــــــــــ
وأظلم الكون إو مشه حتى القمر == والنداء إنذاع وَدّعْنَه الأغر
ودّع الكرار وإنصاب البحر == بالسجود إنصاب ذاك المايهاب
ـــــــــــــــ
بالسجود إنصاب حيدرنه الولي == نادوا يابو إحسين حيدر ياعلي
من بعد عينك نضيع إو نِنْولي == من بعد عينك يحل بينه الضباب
ـــــــــــــــ
من بعد عينك يظل ذاوي العدل == والظلام إبكُل كتر يمشي إو يِحِل
شيعتك يحكمهم الباغي النذل == ما يظل معروف وإيحل الخراب
ــــــــــــــــ
ما يظل معروف وإيحل الحزن == والحسن ينصاب بالسم يِمْتِحِن
والجروح إحسين كل منصف يِحِن == والعقيله الطاهره إتشوف العذاب
ـــــــــــــــــ
والعقيله الطاهره إتشوف الجروح == كُل جروح إحسين تاذيها وإتنوح
بالالم تنخاك لو عنهم تروح == بويه ياكرار إنطيني الجواب
ــــــــــــــــــــــــــــــــــــــــــــــــــ ــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي
على الرابط التالي
http://www.jannatalhusain.info/2010/...97c5c5f821.mp3