[مرتضى شكر]

صباح الخير

الشاعر: مرتضى شكر

يشمامة نده إبخد المدارات --- صباح الخير يافجر الحضارات

عراق الحك ضميره --- جبين إيفيض غيره

عسنك سالم إبعين الوفه إتبات --- صباح الخير يافجر الحضارات

---------------------------

صباح الخيرياخبزه أوملح زاد --- يماعون اليفيض إبطيب الأجداد

يشريان القلم يانزف الأمجاد --- يشلال الكرامه إبجف الأحفاد

الشعب بجفوف حبه --- هداك إكليل كلبه

يقرآن الفجررتل الآيات --- صباح الخير يافجر الحضارات

-------------------------

صباح الخير يالكلك وفه أوطيب --- إشما جاس الجرح لوشافك إيطيب

يشمس التضحيه الماجسرت إتغيب --- فناجين إكهوه إبجف المعازيب

يشريان الكرامه --- وشاحك إبتسامه

غيث إهواك بأحضان المسامات --- صباح الخير يافجر الحضارات

-------------------------

صباح الخير يمعطر المصباح --- ياهيل الوفه الينبض بالأرواح

غرد بالأخوه البلبل أوصاح --- دايم ياوطن بعيون الأفراح

فده إهواك الملايين --- نزف دم الشرايين

شك ثوب الصبر وإذ بح الشمات --- صباح الخير يافجر الحضارات

-----------------------

السبت 22 /ربيع الأول/1432هـ المصادف26/2/2011م

مـــرتضى شـــكر/ النـــــــــــجف الأشــــــــــــرف

[رياض الرسل]

السلام عليكم

مرتضى شكر


صباح الخير على عيونك الغاليه
على هذه الكلمات النديه والمعبره
تشرفت بيك حبيبنا


رياض الرسل

[ثورة الحسين]

تسلم اناملك على هذه الكلمات الصارخه والصادقه
تحياتي
اخوك الصغير
عبدالله الشاعر

[مرتضى شكر]

تعجز يها الخوان جلمات شكري
مايوفي حجي السان أهديت شعري

مرتضى شكر
النجف الأشرف