وَيـن ألگـاك ؟
يالکل الگلوب إتْـأمِّـن إبمَلگـاك
وَيـن ألگـاك ؟
يالواعَدِت عُمـري إبْلَحظـة إملاگـاك
وَيـن ألگـاك ؟
ياساکن مُهِـجْـتي ومِـمتِلِـك روحي
روحـي إمْـعَـذِّبَـه ومـا تِگـدَر إبْـلَيَّـاك
يـغـفَـه الگلب بِـمْـحبْـتَك
وتِـفِـز دگـات گلبي من يمُـر طَرواك
هَوى العشّـاگ بالعشـرين وأنَه إمن المَـهَـد عَلَّمْـت الگلب یـهواك
مُـر الصبر عد أهل العشگ مولاي
وأحلَـه امن العسَل ضگت الصبرويَّـاك
يـالوجهَك سِمَـه وهلال مَـد الشوف
وليالي الإنتظار إتْـسَبِّـح إبـذکـراك
ياحجَّة البـاري الکون ينتظرَك
وثـارك بالطفوف إيـحَـشِـم وينخـاك
يالسيفک الکعبَـه ورايـتَـک عاشـور
مِـحزِن والفَـرح مالحظه مَـر بِـشفاك
أدري الگـاك ................
يـم جَـدَّک تِـنوح اهنـااااااااااااااك ..
يـامُنـقِـذ الدين الدين لايذ بيك
وشَرع جدَّك تِـيَـتَّم ونْهِـضَم بجفاك
سلعه الدين وبسوگ الخيانه انباع
والإسلام مِـمْـحِـل من عُگب عيناك
إلك ثارات والثارات کثرَت ياوَليَ الله
يابن العسکري يمـتَـه يـرِف إلواك
إلْـتْـلَث مِّـيه وتلاثَـه وعَشَر صُحْـبَـك
أقمار ونجوم إمْـعَـلِّگـه بسمـاك
إلَـك سيَّدي الباري إختارهُـم قـادَه وجَـنَّـدهُـم تَحَت يَـمنـاك
لاچِـن ياعظيـم الباس ....!!
إمن إيـکَـحِّـل الباري اعيونَّه ابرؤيـاك
عندَک خَـصُم بـالميـدان
وکثْـرَه التدِّعـي أحبـابَـك وتِـتْـمَـنّـاك !
سيفَـك يبتِـدي بِـيـمَـن ؟؟
يِـصَـفِّـي التِـدِّعـي أحبابك ؟
لو عالحَـگ يِـصَـفِّـي إعْـداک 0000000000؟
المُنتَظِر لإمامِ زمانه
ابو ياسر الكعبي
وين ألكــاك ..؟؟
العرض العادي
