[خالد محمد مهدي]

((28)) ((حمام الحزن))

**------------------**

طارن // راحن حمامات الوطن

ناحـن // بيــــــن المراقد ونسلن

فوك البقيع تحوم ** وترد عله المظلوم

************************************

جنح يحمل سلام وجنح اشواك ** بحب كلوبنه ولوعــــة العشّاك

توصف بينهن احساس مشتاك ** ودمع يشكي حنينه وبُعد لفراك

ترفرف // وتزور صحن ابو الحسن

تنــزف // والدمعه دم اعله الوطــــن

الحيدر شكتله هموم** وترد عله المظلوم

************************************

تصف بجناحهه وتوصل خراسان ** تشوف الرضا وكبره واحة جنان

ياخذهه الحنون بشـــــوك حيران ** ألأرض بغداد وتناشـــــد السجّان

الظالم // بطاموره خلآّه امتحـــــــن

الكاظم // أنتصر صبره من انسجن

وتبجي الجواد دموم** وترد عله المظلوم

************************************

جزت بجناحهه أبعد مســــــافات ** بصحن الهادي وأبنه العسكري تبات

تشوف الناس عدها عيون شمّات ** وأهـل البيت متنطّره الرايـــــــــــات

وينه // عانوا أمرّين ومحن

يمينه // رايه يعلّيهه الزمن

بي تنجلي لهموم** وترد عله المظلوم

************************************

وي وجه الصبح طارن عله الشام ** الله أيعين زينب عله الايتــام

العزيزه أم الخـــــدر تاليهه تنظام ** وعين مساهره ودموع متنام

بأحزان // متمحنه والكلب أنطعن

حيران // الفكــــرمنها ابهل الفتن

أتصب دمعت المالوم** وترد عله المظلوم

************************************

ردَّن بالحزن للغاضريـــــــه ** حسَّن بالجثث فوك الوطيَّــــــه

سليبه أمذبحّه بسيوف أميَّـــه ** وشمر يحدي بضعون الفاطميه

جمرات // بموكد ابـــــــــد ماينطفن

حسرات // عله جفوف عباس الوفن

من يسّروها الكوم ** وترد عله المظلوم



*******************************
بسم الله الرحمن الرحيم
طوَّعت الحروف بحب أبو اليمَّه
وخط بالروح فوك الورق كلماتي
عسا يقبلنــــي ذرَّه بدرب زوّاره
ويرضه بدمعتي وونيني وآهاتي

[عبدالله خلف العتابي]

السلام عليكم
خادم الحسين خالد محمد
احسنت وجزاك الله خيرا
ورزقك شفاعة الحسين
يوم الورود تقبل تحياتي
يامبدع
تلميذك المبتدا
عبدالله العتابي

[خالد محمد مهدي]

بسم الله الرحمن الرحيم
اثابك الله اخي الغالي
نحن تلآمذة مدرسة أهل البيت العتره الطاهر
ولانزال في الصف الاول فيجامة السماوات
والارض وننتظر النتيجه وعسى أن نكون من
المخلصين والثابتين على الولايه المحمديه
الحيدريه الحسنيه الحسينيه ونفوز بحســــن
العاقبه
شكرا \\ ممنون