|
|
شاعر
|
|
رقم العضوية : 46554
|
|
الإنتساب : Dec 2009
|
|
المشاركات : 277
|
|
بمعدل : 0.05 يوميا
|
|
|
|
|
|
المنتدى :
المنتدى الثقافي
يابويه عفتوني
بتاريخ : 08-12-2010 الساعة : 04:57 AM
(( يابويه عفتوني ))
عفتــوني عفتـــوني ... يابويه عفتوني
أنه العليله بوحشتي ... يابويه عفتوني
************
أنـه العليـــــــله والمرض هـدم مَوطن عـــزمي
عـافـوني أهـلي بـلألم والحـــزن زيـــــــد همي
أكّضي نهاري أعله الدرب وعيوني دمها يهمي
والليــــــل يـلفي بوحشـته ويغيـب بالهـم نـجمي
بالشدّه خلوني ... محتاره بظنوني
يابويه عفتوني
************
يابويـــه وأنه بحيرتي للـدار أخاطب ونشــــــد
يـادارهم تـرجـع هلي والحــــــزن عنــچ يبعـد
وتســــامر أنه وأخوتي والفرح وي أهلي أيـرد
ماأســمع جواب اليــرد بس الســــكون اليضهد
دمعاتي بعيوني ... ومجرحه جفوني
يابويه عفتوني
************
يابويــه عني من رحت روحي صفت محتـاره
والدهر شــن بعســــكره غار أشــــد من غاره
شــــــبت مواكَد مهجتي والكَلب زادة نـــــــاره
كل سـاعه أنشد ماحضر طارش يجيب أخباره
سهرانه بشجوني ... منكم حرمتوني
يابويه عفتوني
************
أحسـب أنجوم البسمه عيني الوســـن خالفهــا
أبموجــات همي ولألم روحي الحـزن والفهــا
بالفركه ذبلت مهجتي طود العســـر حالفهـــــا
حملني لوعـات أوهضم ولچبـــــدتي تالفهـــــا
يامن تداوني ... وياكم أخذوني
يابويه عفتوني
************
يـاما ســـــــهرت أتألمت حـنّ الفواكَد حنيـت
متمحنـه تـاه الفكـر عُكَبــك يابـويــــــــه ذلّيت
متلوعـه بهم غُربتي وبحُركه باســــمك ناديت
يايـوم ترجع وي هلي وبنورك أتضوي البيت
وأنتم تباروني ... عالشده عينوني
يابويه عفتوني
************
رغم المدامع والحزن لفركَاك أمصابي أيـدوم
وتسند أنه عله المحن وأنهض بحيلي المهدوم
أتـأملك ترجــــع ألي وتـزيـل عن كلبي هموم
ماجنت أحســب هالدهر بالنـايبه علينه أيحوم
وجنوده حاطوني ... بسهام يرموني
يابويه عفتوني
************
بقلم / سـعد مطلوب الخفاجي
| |
|
|
|
|
|
العرض المتطور
