[فراس القافي]

حيّ الوصي بكل و كت ، حَـيْ موقفه و حيّه

و گله المحب لو صُـبَـحْ داره جلد حيّه
شما غيّرْ امحلّـِته و حيّه ، النجف حيّه
يبقى اعلى حوض الوصي متعطّش و مَـيّـته
هذا الفحول التي تلاگيه ترد ميّته
عنده العدو واحِـده هَـيّـن مثل مِـيّـِته
والزلم لو لاگته فنهه الترد حيّه
**********************
يا ليثي يا هزبري يا حيدر و صِلّي
موتي لوَنـّـه بعد ميّة سنه اوصللي
ولو گطّعوني وصل ، لو حرگو اوصلّي
أقسم قسم للوصي بربي الجليل العلي
لو رش رِماحه الدهر مثل الغمايم عَـلَـيْ
أبقى انه من شيعته ولو ردت تنصر علي
سلّم على المصطفى الهادي النبي و صلّي
************************
مو حيدر اللي انفـگـد انفُـگـدت العِزّه
وما يطفي نار الـگـلب إلواسه والعَزَّه
بحـگّ اللي هدّم هُبل واللات والعُزَّه
والـيبخل بحبْ عـلي عـند الله يـنـعـد عاص
ويم تقوة المرتضى كل راهب اصبح عاص
وياهو البُرَزْله وسِلَمْ بس عمروِ ابن الـ ـعاص
وللساع ظل منـچشِـف بالمعركة عَزَّه
*************************
ثغر الدهر ياعلي انته اصبَحِتْ بسمه اله
وياهو اللي بيده الدنى وگـضَّه العمر بِسْمَلَه
وياهو امّه مِنْ اطْلِـگـتْ بيهِ انتخت باسمه اله
يا حـيدر انـتـه الـبـدر ويـلـوح بسمايه
وانته البحر بالغمـگ ما اگول بس مايه
وتـگـول وادم علي مَنْزِلَتْ باسمه آيه
وما تدري حيدر هُوه الباء اللي بالـ ـبسمله
**************************************
علي انته للعدل بيرغ ورايه
ونزل بيك الكتاب ايه وره آيه
من راي النبي رايك ورايه
مُسدّد من وحي ربّ البريّه
******************
فراس القافي
نسألكم الدعاء

[رياض الرسل]

السلام عليكم

فراس القافي

موفق على هذه الموالات الرائعه
دمت بكل خير يارب

رياض الرسل

[فراس القافي]

حيا الله رياض الرسل
شاكرٌ لك متابعتك
دمت كما تحب
خادمك فراس

[ثورة الحسين]

موفق لكل خير
اخوك عبدالله

[شيعية بحت]

ماشاء الله شعر كلش حلو

[نزار الفرج]

بسم الله الرحمن الرحيم
بوركت ايها الشاعر الهمام فراس القافي
ثغر الدهر ياعلي انته اصبَحِتْ بسمه اله
وياهو اللي بيده الدنى وگـضَّه العمر بِسْمَلَه
وياهو امّه مِنْ اطْلِـگـتْ بيهِ انتخت باسمه اله
يا حـيدر انـتـه الـبـدر ويـلـوح بسمايه
وانته البحر بالغمـگ ما اگول بس مايه
وتـگـول وادم علي مَنْزِلَتْ باسمه آيه
وما تدري حيدر هُوه الباء اللي بالـ ـبسمله
رائع هذا الموال بروعة شاعره
دمت وطبت وشفع لك سيد البلغاء
سلام الله عليه
ابومحسد النجفي

[البدري14]

علي من بطن حره لبطن قبلة التوحيد
علي واليمدحك سيدي شيضيفلك شيزيد
علي وانته العلي بالآية والتجويد
------
تقبل مروري بود

[رآحيل]

الله يوفقك استاذ فراس
كل ما تقدمه رائع
جزاك الله خير الجزاء

تحية