[زكي الياسري]

السلام عليك يا فخر الاسلام و ريحانة فاطمة و حبيبة علي الصدّيق الاكبر
السلام عليك يا زينب الحرّه العقيلة

ابيات لسان حال العقيلة .. ثوابها الى كل من يقرأها و الى امواتهم
و اموات شيعة امير المؤمنين من لا ذاكر لهم يذكرهم و على الخصوص الشهداء الكرام و خَدَمَة الحُسين ع
واسألكم الدعاء

شصار بينه عكَب عينك يا حُسين
خويه ظلمت كربله بنـــص النهــــار ... خويـــــه دار الدهــــر بينه ابفد مدار
خويه ماتدري الحرم وين الفـــــرار ... و الاطفال اتصيـــح چا وين الحسين
شصار بينه عكَب عينك يا حُسين

من بعد عيناك رعبوهـــه الحـــــرم ... خويه شفنــــــــه النـــار شبت بالخيم
نصيح وينك وين شيّـــال العلــــــــم ... حِلِــــــم لو هــــذا الجره عين اليقين؟
شصار بينه عكَب عينك يا حُسين

خويه مرَّوا بينه باْجســـام الشبــــاب ... شفنه لاْكبـــر واشتعل بينه المصاب
شفنه جاسم جثه مرمي اعله التراب ... شفنــــــــــه عباس الكفيل ابلا إدين
شصار بينه عكَب عينك يا حُسين

شفنه يمك فاطمه المفجوعــــــــــــه ... يمها حيـــــــــدر يجري ليك ادموعه
شفنه خنصُر يمنتك مكَطوعـــــــــــه ... و ليك ينحــــــب والدك طاهه الامين
شصار بينه عكَب عينك يا حُسين

شفنه يمك طفلك وسهــــــم الكِـــــــدَر ... كَاطـــــــــــــــع العبد الله اوداج النحر
شفنه شابكَـ منحرك شمــــــس وكَـُمَر ... وزاد ون ام الطفــــــــــل ويه الحنين
شصار بينه عكَب عينك يا حُسين

شفنه لوعة اتفطرت منهه الجبـــــال ... مِن علــــــــي السجــاد چتفوه ابحبال
و كَام حادي الشوم يحديهه الجِمـــال ... و الحـــــــرم وطفالهه بنوح او ونين
شصار بينه عكَب عينك يا حُسين

شفنه احمر صار كل طـف كربلـــــــــه ... صحنــه صيحـــــة نَوح يا عقد الوله
شفنه صدرك داسته اخيول الملـــــــــه ... شفنه نحـــــــرك منه مكَطوع الوتين
شصار بينه عكَب عينك يا حُسين

للنجف درنه الوجه بلچـَـــــن علـــــــي ... صهـــــــــوة امطهّـــــــم مُحمَّد يعتلي
ياعلي نادينه وينـــــــــــك يالولــــــــــي ... منهـــــو غيرك يا علي الشبلك يعين؟
شصار بينه عكَب عينك يا حُسين

شصار بينه عكَب عينك يا غريـــــــــب ... من حناجــــــرنه ارتفع صوت النحيب
وبمحاجرنه يبن طاهه اللهيــــــــــــــب ... شصــــــار بينه عكَب عينك يا حسين؟
شصار بينه عكَب عينك يا حُسين

زكي الياسري
2009

[نزار الفرج]

بسم الله الرحمن الرحيم
السلام على جبل الصبر زينب عقيلة بني هاشم
كما عودتنا ايها الشاعر الحبيب سيد زكي ان ترفدنا بقصائدك التي تبكينا
قصيدة جسدت فيها الالم والحزن وا للوعة.. بوركت وبوركت روحك ..
دعائي
اخوكم

[سفينة البحار]

السلام على جبل الصبر وكعبة الاحزان
اعظم الله لكم الاجر في ذكرى استشهاد
مولاتنا زينب عليها السلام
احسنتم واجدتم
موفقين لكل خير
رزقنا الله واياكم زيارة وشفاعة زينب عليها السلام
تحيــــــــــــــــــــــــــــــــــاتي

[كريم السعبري]

مولاي الياسري السلام عليكم

اقبل يدك ياسيد زكي على هذا الفيض الائع من الحزن
دمت اخ وشاعر كبير وموفق بحق زينب والحسين
تحياتي السعبري

[قاسم حتروش]

السلام على جبل الصبر
عظم الله لنا ولكم الأجر بهذا المصاب الجلل