بصوا بقة انا عارفة ان ناس كتييييييييييييييييير مبتحبش الكوسة بس نا بعشقها وخصوصا بالطريقة دى
المقادير
كيلو كوسة نقطع منها الجزء اللى فوق واللى تحت ونكحتها بالسكين عشان ننزل القشرة الخارجية ونقطعها حلقات ونغسلها ونسيبها فى ماء
ربح كيلو حمص طبخ مغسول ومنقوع ساعتين فى ماء
نصف كيلو لحم مفروم متعصج ببصلة وزبد ومتبل ملح وفلفل اسود
بصلة كبيرة مبشورة
زبد
كيلو لحم بقر مسلوق كويس فى ماء وورق لاورا وحبهان ومستكة وبهارات وفلفل اسود وجزر وبصل وكرفس وكرات
الطريقة
بنجيب البصلة المبشورة نضعها على النار لحد لما لونها يبقى ذهبى غامق مش فاتح ومش بنى
بعد كدة بننزل عليها كيلو ونصف عصير طماطم مصفاة ونتركهم لحد ما يتسبكوا
بعد كدة بنصفى الحمص ونضعة عليهم ونقلب
وبعد كدة ناخد الكوسة معاهم ونقلب ونضيف كوب كبير مرق من اللحم
ونتركهم ينضجوا ثلاث ارباع سواء ونتبلهم ملح وفلفل
بعد كدة بنضيف عليهم اللحم المفروم ونغلق النار ونقلبهم مع بعض
بعد كدة بنجيب الطاجن او الصينية
ونصب فيها الكمية كلها ونضع وسطها قطع اللحم
وندخلها الفرن لحد ما الوجة لونة يتغير
ونعمل جانبة ارز ابيض
وبالف هنا
وادى صورة الحمص
طاجن الكوسة باللحم المفروم وحمص الطبخ .. لذيذ
العرض المتطور
