[ابو معاد النجفي]

شلون لو هدمو كبرهه..ياعلي الشيعه اتعذرهه
هذا يوم الفاجعه..ياهو احنه انراجعه
زينب تصيح باأسرهه

ياعلي شنهو العذر..منك وكلي الجواب
شلون لو يتعده ظالم..لزينب ويدفع الباب
اني ماعندي وسيله..غير اصرخ يابو تراب
هاي حرة بني هاشم..اليوم توليهه الذئاب

ياهو كلي انراجعه..لو تحل الفاجعه
احنه مانوصل صبرهه

ياعلي كلبي تهدم..كبل مازينب تطيح
تنتخي بحيدر ولينه..وتنخي باسم الذبيح
وعين تنظر للطفوف ..بااسم عباس وتصيح
نريد واحد بس يكلنه.. يفزع ويانه المسيح

انصير مثل الصومعه..بالكلوب مدرعه
وينه الينفذ امرهه

الحيره دبت بالنفوس ..واحنه نربي ننتظر
يعجل بامره علينه..كبل زينب تنئسر
وين صاحب هالزمان..يعجل بسرعه الامر
النواصب علينه فرضو..وي زينب هالحظر

وين راعي المشرعه..خله علمه يرفعه
رايدك انته تحضرهه

ياعلي اليوم الجهاد.. وزينب اتصيح وتكول
يم ضرحي الخيل وصلت..وداست اعتابي الخيول
وين عباس وكفيلي..اندبت امي البتول
انه اخت حامي الظعينه..انه بت فحل الفحول

خل يجري مدمعه.. بكبر عباس الدعه
اشلون لو واحد غدرهه

ياعلي شنهو الاسوي..ومنهو كلي انسايله
لو شفت نار النواصب..اتصير مثلج كربله
وزينب اتصير السبيه..وتدخل بذاك المله
ياعلي اندب واصيحن..شنهو ذنب العايله

ناري تسري مولعه..وبيدي قيد الجامعه
الشيعه رايح كل فكرهه


خادم اهل البيت
ابو علي السعيدي

[ملاك الصدر]

جزاك الله خيرا

وجعل الجنة مثواك