قصيدة للشاعر ايهاب المالكي بعنوان من كربت الفركة ووادعت عباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
من كربت الفركه او وادعت عباس
كلب ام البنين تالم هوايه
كلتله ابو فاضل يمه ما اوصيك
باجر كون للطف داكلك فايه
اريدك مثل ابوك تدك رجل بالكاع
وتسوي الافعال المامسويه
اذا شافك حسين يشوف وجه حسين
كون تصير اساس بصنع المرايه
وخل عينك لزينب ذمتك للموت
لاواحد يمسهه وتسمع حجايه
عينك تطفى لا غير النهار يصير
اذا تنكث النور ال بالمصلايه
لا تتركهه لاحاشاك الله يكول
من المؤمنين رجال صدقو ماعاهدو الله عليه
هيجي الله يكول بمحكم الايه
هاي يمه شكلت تترك من على الماي؟
ها تترك جفوفك عالمسنايه
اي كَلي علي سلميلي عالعباس
كليله الرجال تبين بهايه
احفر بالصبر عين بغمك تاريخ
الى ان منهه يطلع مجرى مشايه
اذا رادت تطيح جفوفك اني انخاك
خليني على بالك عزتي بهايه
اريد اوكف بيثرب باجر ام عباس
امي الماتردد واختلف رايه
امي المارجع لكن رجع طاري
امي اليفتر الطف لو مشى فيايه
اريدك عالنهر وحدك طايح كون
بس كون المواقف يمك هوايه
يم العلكمي تذكرني من لوليت
من توكف كباله وتصفن بمايه
اذا يم النهر تسمع تلاطم روج
كون الزهره سوت بالسمه قرايه
اعطش كون احس رخصت سوك الماي
ماتبقاله قيمه الماله شرايه
شكبرهه من اوكف بيوم القيامه بزود
من تحشر الناس وتوصل الغاية
يجي حسين وبديه شايل طفل مذبوح
من كربت الفركة ووادعت عباس
العرض المتطور
