في ميلاد الامام علي بن موسی الرضا ×
يالرضـا انته أميـر اسنـيـني
يالرضـا حُبك حياتي وديـني
وحروف إسمك تنبض بشرياني علي علي
***
ليلـة فـرح واعياد هاي الليلـه
والفـرح من رب البشـرتنزيلـه
قـرآن شعـري إيْـرتِّـله جبريله
بس اليحب يعـرف حُكُم تأويله
يالرضا بسهمه العشگ يرميني يالرضا حُبك حياتي وديني
ساكن بروحي وعايش ابوجداني علي علي
***
ياسـور عـزنه ويامجـدنه العالي
ياسيـدي يـا اغله مـن كل غالي
إنته حبيبـي ومُـنْـيِـتي وآمـالي
ليوم الحشر حُبك سنـد يبـرالي
يالرضا انته الذي اتنجيني يالرضا حُبك حياتي وديـني
وآنه إعله بابك للشفاعـه امتـاني علي علي
***
من المهد حُبك حيـاتي وديـني
وطيوف حُبك كل صورها بعيني
عهد الوفـه مـا بينك ومـا بـيني
حُبـك رضعته من قـبَـل تكويني
يالرضا وهاذه العشك يكويني
يالرضا حُبك حياتي وديـني
وهـاذه العشگ ياسيـدي ربّـاني
***
أهــواك يـاثـامن أنـوار العـتـره
اتملكني حُـبـك يا سليـل الـزهره
ودمـاي مسفوحـه إعله لَوح القُدره
بسمك تـنـادي وتلتهـج كـل قطره
يالرضا بس حُـبك ينـاديني يالرضا حُبك حياتي وديـني
ويهتف ابحُبـك للقيـامـه إلسـاني علي علي
***
إنـتـه أميـري يـا إمــام الحِـكمـه
وكل حرف من احروف إسمك رحمه
هـاذه الگـلـب بسمـك يـردد دمّـه
دگـات گـلبـي إتغـازلـه وتْكـلمَه
يالرضا عالمـوعـد اتّـانيني يالرضا حُبك حياتي وديـني
عشـگ الـولايـه قِبـْـلتي وإيمـاني علي علي
***
لو تطلب الـروح وتريد المنحـر
هيهـات عنّك لحظـه مـا اتأخّـر
حُبك عقيده وبالعقيـده اتبخـتر
لو گطّعـوني وبـالعشـگ اتـوذّر
يالرضا افديك كل اسنيني يالرضا حُبك حياتي وديـني
أتحده بسيـوف الذبـح عـدواني علي علي
***
الحُـبَك قرابـيـن العشگ قَـدّمنـه
إكْـتَـبْـنه صحيفـات الوفه من دمنه
كـلنـه فـداءك والعُـمـر مـيـهمنه
نرفـع لِواكُم سيـّدي كـل هـمنـه
يالرضا ومن ادخل امياديني يالرضا حُبك حياتي وديـني
للموت حُبك ما أبَـدلَـه بـثـاني علي علي
ابو ياسر الكعبي
أمير اسنيني
العرض المتطور
