[حمزه الحجاج]

بـــــوليـدي فجعوني بوليدي فجعوني من عنده حرموني من عنده حرموني

دمعته ابخده جريه بين اديه صوبه سهم المنيه بين اديه

**********************

ابــني عـبـد الله شفاهه منه ذبلهه الضمه شنهي ذنبه اكبال عيني نحره يتسافح دمه

مـــا نـــزل لـلـكاع لـكن راح شاهد للسمه ودمعته وي دمعي سالت والشهادة اتوسمه

للــخيـــمه رديـته للـخـيــمـه رديـتــه للــعـــيلــه وديـتــه للــعـيـلــه وديــــته

ذبحته بالطف اميه بين اديه صوبه سهم المنيه بين اديه

**********************

آه يا لوعه رضيعي مات وبصدره حسرته ما شرب ماي وتروى وتستعر ضلت جبدته

منذبح دامي وريده غافي بجفوفي حملـته غفوت الموت اعله وجهه والرباب استقبلته

كل ضنهه رويته كل ضنهه رويته ولصدري ضميته ولصدري ضميته

ما درت طايح رقيه بين اديه صوبه سهم المنيه بين اديه

**********************

عمره ست اشهور بعده وحلوه بعيونه البرائه ذبلت اورود الطفوله من عضم همه وبلائه

ضحه نفسه وروى دينه ابني بيمـانه اولائــه اذرف ادموعي ابشفاهه وامسح بأيدي دمائه

عين الله تنضرله عين الله تنضرله ياهو الذي مثله ياهو الذي مثله

ريت شافته الزجيه بين اديه صوبه سهم المنيه بين اديه

**********************

بـأول أيــامـه وحـياتـه وانـذبـح جـدام عــيني ريت جدي ابهالمصيبه يحضر اليوم ويجيني

يحــضر الطـفلي ويشوفه واشتكيله ضالميني مـا نـجـه مـن آل اميه بالـحرب اصغر بنيني

بمصـابه اذوني بمصابه اذونـي وبكلبي جرحوني وبكلبي جرحوني

ابــني برض الغاضريه بين اديه صوبــه سـهــم الـمـنــيه بـيــن اديـه

**********************

قطعه من ذاتي رضيعي واحله ما بالدنيه عندي والسهم من صاب نحره جنه فات وصاب جبدي

كــتـله يا سلـوه حـياتـي رايـد اتـخـلـينـي وحـدي ردتـك ا تـضـل يا حبيبي تحمل اسمي انته بعدي

عبد الله يوليدي عبد الله يوليدي يالخضبت ايدي يالخضبت ايدي

من تكض نحرك رقيه بين اديه صــوبه سـهـم الـمنـيه بـين اديه

**********************

شيعـتي كل ما شربتوا ماي ذكروا مصاب ابني بـيدي مذبوح وحضنته ومد اديه ليه وحضني

حــتى بـنفاســه الاخـيــره هـم يريـد الماي مني أيــس ومـات وشهـكته منهه زاد اعليه حزني

اشــعر ينـادينـــي اشـــعر يناديني يا والدي اسكيني ياوالدي اسكيني

ضــامـــي ويعـــين عليه بين اديه صــوبــه سـهـــم الـمـنيه بين اديه

**********************