هذي مجموعة من الأفكار عجبتني وحبيت أفيدكم بها وأتمنى ان تنال اعجابكم
الفكره الاولى :
هذي الفكرة لتشجيع الأطفال على أكل الفواكه المفيدة لأجسامهم وبنفس الوقت تخلق جو من المرح لهم
والفكرة عبارة عن رسم عيون وفم على الفواكه بألوان الطعام طبعاً ممكن تحطي لهم كل يوم فاكهه مختلفة في اللنش بكس وأكيد راح ياكلوها فرحانين امام اصحابهم وممكن عمل مسابقة في المنزل بين الاطفال ايضأ
الفكرة الثانية
عبارة عن انك تعملي له ساندوتش توست وتحشيه بالجبنة أو بالتونة أو بزبدة الفول او اي شيء ماراح ينزل من السندوتش بعدين تقطعين السندوتش بقطاعة الكعك وبقية الأجزاء بالسكين وقبل لا ياكلها تخليه يستمتع بتجميعها زي لعبة البزل وبعدين يأكلها الطفل
الفكرة الثالثة
رووعة عجبتني كثير عندك الوان شمعية مكسرة كثير
جيبيها وقطعيها قطع صغيرة جدا خلي أطفالك يشاركوا في خلطها ببعض بعدين يعبوها بصواني الكوكيزالتيفال الأحجام الصغيرة طبعاً
سخني الفرن لدرجة 150 درجة فهرنهايت بعدين دخليها الفرن من 15 الى 20 دقيقة
خرجيها وخليها تبرد وشيليها من الصينية
عندك الآن الوان شمعية جديدة وشكلها ظريف وأولادك راح يحبوا الأشكال الجديدة وافكار جديدة ايضأ
الفكره الرابعه:
أكيد أولادكم جننوكم بلعبة البلبل لاوخلصوا فلوسكم تعالوا نحاول نعملهم شبيه لعبة البلبل بس على الله تعجبهم
والفكرة عبارة عن انك تجيبي أعواد أسنان وتلونيها بالفلوماستر ونجيب ورق ملون ونقصه بطول 24 انش ويكون عرضه نحيف
نجيب عود الأسنان ونلصقه بالغراء في بداية الشريط ونلفه كويس وباحكام ونغريه في النهاية وبعدين نجيب شريط بلون ثاني ونكرر اللي سويناه بعدين نحاول نشكلها بالابهام والأصابع علشان يطلع الشكل المطلوب ممكن تخلي ولدك يهدي بعضها لأصحابه
الفكره الخامسه
فاكرين لعبة الحجر اللي كنا نلعبها واحنا صغار هيا هاذي نفس الفكرة مع اختلاف الزمن
ممكن تسويها لأولادك بنفسك يلعبوا فيها في البيت بدون ما يطلعوا بره
والفكرة عبارة عن قطعة قماش متين تجيبين شطرطون وتسوي تقسيمات المربعات والمربعات هنا 12 في 12 انش مو سم وبعد المربعات تحيطيها بشطرطون يبعد عن المربعات1 انش
بعدين تلوني بألوان قماش وفي النهاية تشيلي الشطرطون ان شاء الله الصورة توضح العمل
أفكار جديده وجميله للأطفال ؟؟
العرض المتطور
