[زكي الياسري]

اهدي ثوابها لامواتكم واموات شيعة ابا الحسن المنسيين
وأسألكم الدعاء

للبقيع إبــــــألــَم مِــــــن اِوصلتْ
والكَـــبور الاكــــــــــــارم عاينتْ
حالي حال المنفجعْ
يجري شلال الدمعْ
للبقيع إبــــــألــَم مِــــــن اِوصلتْ

....1....

بعين الفاجـــــــعه شفت آنه حالتهه
كَــبور اهل السماحه تشكي محنتهه
تون ورويحتي وَنــــــــَّتهه سِمعتهه
وحمام الدوح ينحب ويّه ونـَّــــــتهه
وبصده الفاجعه و جرح الكَـــلُبْ
موقف البي صرت موقف صعُبْ
بلا شـــعوري فجّرت
مدمعي واصرخ كَمت
ريت ميت ولا الهه انضرتْ
للبقيع إبــــــألــَم مِــــــن اِوصلتْ

....2....

شيحمل هلكَلب و همومي ساكنته
على حال البقيع الزمــره هـادمته
ينوح ابنوح ادم من فكَـــــــد جنته
على اكَبور الاماجد هاك اخذ ونته
زمرة الفاجره بصدر الحكمْ
راوت الشيعه اصناف الظلمْ
حاقده علمصطفه
من عترته خايفه
طاغيه اوحاقده انصار الجـِبت
للبقيع إبــــــألــَم مِــــــن اِوصلتْ

....3....

جرح دلالي ينزف من شفت صوره
من دلالي نــــــــــاده للحسن زوره
حجر واحــــــد على كَبر الذي نوره
مثل نور الشــمس علدنيه منشوره
بغضاً الحيدره هدم البنهْ
لليهود انتخو نسل الخنهْ
ما نسو خيبر تره
منهه ما صار وجره
عدهه ثار النواصب منثبتْ
للبقيع إبــــــألــَم مِــــــن اِوصلتْ

....4....

بحياة العتره ما كَـدرت تصل حدهه
عبيد اشلون تجرأ تاذي ســـــيدهه
وبحجة عقيده و بدعه من عـــدهه
هدموهه ويمينه انشلّت الـــــهدهه
ريته بارينه يرميهِ ابسَقرْ
بيهه خالد مُقام او مُستقرْ
وكل اعادي حيدره
تحتركَـ بالآخره
يصيح واحدهه ريتك ما صرتْ
للبقيع إبــــــألــَم مِــــــن اِوصلتْ

....5....

نار و جنه هاي الباري طيعوله
يا اهل الجــــلافه التوبه مقبوله
كَبل ما تنتهي المــــهله تعنوله
شـيفيد الندم و النار مشـــعوله
بيوم ما تنفع اصوات العتبْ
يوم ما يجدن اموال وذهبْ
هذا بيت الله انفتح
من دخل بابه ربح
من دخل بــــــابه كَالوله فزتْ
للبقيع إبــــــألــَم مِــــــن اِوصلتْ

....6....

وداع اشلون اودِّع روحـــي خليهه
يم كَبر الحسن دمعــــاتي ابجــــيهه
والصادق وابوه ابروحــــي ابنيــهه
مقابرهم واطوف بكل مـــسه بيــهه
وزين العباد اله جفوني كفنْ
وبين الاضلاع اخليله وطنْ
و روضتج يا فاطمه
بالضماير قائمه
ينسكَي ابأيــد ابو صالح نبتْ
للبقيع إبــــــألــَم مِــــــن اِوصلتْ

　
تمت بعون الله ليلة
28/شوال/1430
المصادف
17/10/2009
زكي الياسري النجفي

[الروح]

اللهمَ صلِ على محمدٍ وآل محمد
اللهمَ العن ظالمي آل محمد
بوركَ يرعُكَ أيها
الأديب الفاضل
في موازين حسناتك
كتب الله لكَ بكل حرف درجةً في عليين


أسمى إحتراماااتي

[زكي الياسري]

حيا الله تعالى اختنا الكريمه على هذا المرور العطر .. أسأل الباري ان يتقبل منا و منكم الاعمال .. ويرزقنا زيارتهم في القريب العاجل .. انه على كل شئ قدير

[نور المستوحشين]

كنتُ أقتفي حرفك هنا

وإلى أين سيصل بنا

تبعناه فوصلنا حيث الألم والحسرة

حيث البقيع وآآآه من ألم البقيع

فعجل ياصاحب الأمر

تحياااتي نور...

[نسايم]

اللهم صل على محمد وال محمد وعجل فرجهم وفرجنا بهم


بارك الله لك في هذا النفس الولائي

جزاكـ الله بكل حرف أضعافا مضاعفه

جعلها الله في ميزان حسناتك

موفق لكل خير

دمت بولاء الأطهار...

[عاشقة النجف]

وقفت على قافية الابداع في قصائدكم
فاخترت ان اكون حرف امتنان لما تقدموه من كلمات ولاء لال محمد..
بارك الله بكم
ووفقكم المولى لكل خير
بانتظار جديدكم

[قصة مشاعر]

يسلموووووووووو يالغلا

الف شكر على الموضوع

[لبيك داعي الله]

احــــــــــــــــسنت

سلمت اناملك الولائيه

موفق

[زكي الياسري]

حيا الله تعالى الاخوه و الاخوات .. الاعزه .. الاكارم الذين عطروا هذه الحروف بمرورهم العبق .. اسال الباري ان يجمع هذا الشمل المبارك في البقيع المبارك ان شاء الله تعالى ..