[مازن الشطري]

صوت المحن صاح وعلن ** طاح الحسن ضنوة علي

ارتفع صوت النوايب واسمع انته اشصار *** الك نحجي الحقيقه وهاك اخذ اخبار
لمن ما رحل جدنه النبي المـــــختار *** عادوا كل عترته ابسابق الاصـرار
دار الزهره شبوهه ابلهيب النـــــار *** عمد كسروا ضلعهه زمرت الاشرار
نكروها الوديعة وهجموا على الدار*** وبحبال الوصية أمجتف الكرار
لوله العهد اقسم ابــــــــــد ** محد كصد دار الولـــــــــي


مرن هالمصايب والحسن شاهــــد ** ينظر طيجت امه أوحيرت الوالــــد
وبسمار الضغاين للضلع كاصــــد ** لحظ جف المنيه وامه متواعـــــد
يشوف امه تلوج ولافزع واحــــد ** تندب من هضمهه الخالق الواحـــد
محمد من نقذهم ينظر اشحاصد *** جازوه ابعترته حاقد الحاقد
الكسر الضلع أجرى الدمع *** ماتنكطع حسرة هلــــــــــي

من جور الزمان الفرق الاحـــباب *** ماانصف محمد واله الاطيـــــاب
الحسن منهم نصيبه شحت الاسـباب *** غياب الاهل واليحكم الاجنـــــاب
جم شمس ابكسوف وجم هلال الغاب *** لكن وشعضمهه وقعت المـــحراب

من راس الصميده الشيبه دمه اخضاب ***يا أعظم مصيبه ويااشد اصـــواب

ابليل القدر سيف الكفــــــــر *** بيه منطبر راس الولـــــــي

مربيه الزمان وجاوزت مـــــده *** طفح كيل الصبر بس ماجزع حده
لكن ماترك فيض الدمع خـــــده *** أسى ويذرف دموعه يم كبر جده
يمن بحر الكرم لو ينوصف يـــده *** مايكصد فقير وخايب أيـــرده
لهفي من السموم الكطعت جبـــده *** بجفوف الخياته وروته جــعده

في كل عصر سم الغـــــــدر *** مثل الجمر يغلي غلــــــي

توسد للوطيه وحاير ابأمـــــره *** واقمار الهواشم تنحب ابكتـــره
لكن تدري زينب لمن اتنظــــره *** واتعاين جبدته مكطعه امــوذره
يكله احسين خويه هالطشت وخـره*** اخاف اتشوفه زينب اختك الـحره
يظل منه الدمع فوك الوجه نــهره*** وتناشد حزينه اتخاطب الزهــره


يافاطمه اوحامي الحــــــمه *** ريت العمه ولا صد الــــي

وبنعش المنيه ومن يشيعونـــه *** يم كبر الرسول اوياه يدفنونـه
منعونه الاعادي اندفنه منعونــه*** يم كبر الزجيه مايخلونــــه
واسهام الحقد بيها تلكونــــه ***نبل مثل المطر نعشه يصوبونـه
وعباس الجمر تجادح اعيونــه *** يمحيهم قسم بس لو يخلونــه

ليث الحرب اعلن يطـــــب *** ابسيفه الغضب متوجــــلي

زينب من بعد عينه ونظر شوفه *** بقت تنحب عليه ابعبره ملهوفه
حاربها الزمان ابديرت الكوفــه *** وبوادي الفرات وكربلا اطفوفه
رادت يالحسن للقاسم اتشوفــه *** والجيش ال أميه شتت اصفوفه
شبل من هالاسد والصولة معروفه*** وافه حسين عمه اوبالغ اوأوفه

هذا الولد من هالاســــــد *** يالطف كصد ويـــــزلزلي









مازن الشطري

[الباحث عادل الايهم]

اللهم صل على محمد وال محمد

فـــــــــــــــــــــــــــــــاطمة الزهراء عليها السلام
اسم مقدس بالعرش ، اللوح المحفوظ , السماوات والارضون , الكتاب المكنون , العباد الموالون
والكل ينادى
لبيكِ يا زهراء الامين
اخى الشطري مازن
سطور أنيقة ... كتبت بحروف عريقة .. ظهرت بالهام الجمال وأعطت صفة الكمال .. لعظيمة النساء وفخر العلياء .. فاطمة الزهراء
.. تلكم السيدة العالمة .. الفاضلة القائمة .. مهما بلغنا الحروف بالمئون والالوف
فنحن لها قاصرين .. وان كنا الملايين .. سيدى الشطري الناصري الجنوبي الغالي
قصيدتكم لها سبر في الاغوار .. ولها مذاق ومنار .. قد أعطت لنا طريقا نعظّم بها الاحرار
وانتم وشيعة علي الكرار عليه السلام هم الاحرار في الطريق الى العلياء

تحياتى القلبية
خادمكم الباحث
الايهم عادل العراقي
رافضي حد النخاع
جعفري لا انقطـاع