ثورة اعله الجهاله
__________________________
ياثاير امن السجن يبثق فجره
اعله الحاكم الجاير يقود الثورة
سيف العقيدة البيه يكاون صبره
اوفوگ الجسر اية تفجر نصره
فوگ الجسر إشعاع للأيمان مطلاع
من ليل المطامير انشود للتحرير
ثورة اعله الجهاله
__________________________1
الحاكم الجاير راد يحجب نوره
عن هدي الوادم والكفر دستوره
شمس الله تفضح ظلمته اوديجوره
للظلم تكسر قيده واتهد سوره
شمس الله ابسناها اية حق هداها
بلسان الهدي اتصير انشود للتحرير
ثورة اعله الجهاله
__________________________2
حاول الطاغوت العنيد الجبار
ينصب لموسى اشراك يتخبط صار
جارية سوء او لنها من الأخيار
خلدها اية تهتدي بيها افكار
رافد للأمامه للهادي علامه
ايه ابشذى التفسير انشوده للتحرير
ثوره اعله الجهاله
___________________3
صارت حياته للسجون انشوده
كل يوم طاموره تلامس جوده
الهام رباني اوتحدي ابزوده
هاجس ظلمهم جاز كل احدوده
من سجن لسجن صار ينزف صوت الأحرار
يشعل شمعة للغير انشودة للتحرير
ثوره اعله الجهاله
__________________4
راهب بني هاشم الباري احسابه
رايد يمرغ وجنتــــه ابأعــــتابه
صـار السجن كل العمر محرابه
باب الحــــوائج للمطـــالب بابه
رمش جسر الرصافه مافارك اوصـــافه
كعبه اوباب للخير انشود للتحرير
ثوره اعله الجهاله
_____________________5
شبه الكليم الله حباه ابها الجاه
اهداه محراب افئده اتظل تهواه
كعبة مجد مثوى الكرامه مثواه
بالله واكـــــــــبر لا الــــه الاالله
باب الباري بابه للدعوة استجابه
عن الذنب تكفير انشود للتحرير
ثورة اعله الجهاله
_____________________6
موسى ابن جعفر نبع للحك صافي
بأرض الهــــدايه للنفوس ايوافي
عن موسى انشد بشرجان الغافي
اصــــبح مثال الزهد بشـر الحافي
بشر ادرك الغايه مثل بأرض الهدايه
اصبح فكره تبشير انشود للتحرير
ثوره اعله الجهاله
_________________7
موسى قبس نَورلــــهدي الأمه
هذا امام الرافضــــه يتســـــمه
يجسر عليه اللارشيد ايســــمه
نعشه اربع احماميل بيه مهتمه
ليث الله يعــــــينه ابسم ودع اسنينه
حي صادق التعبير انشود لتحرير
ثوره اعله الجهاله
_____________________8
گضه إبسم إعدا غدرموسى الكليم وإعله جسرالنايبه نعشه العظيم
إبعيد عن أهله إبأرض غربه سقيم أولاأهـــــــل يمه تنادي إبثــــاره
----------------------------1
وين من ياخذ إبثارات الغريب موسى إبن جعفرغصن طه الرطيب
شمس حق الله الأبد ماظن تغيب غــــــيرة الله إلســــان حق أحراره
---------------------------2
أربع إحماميل إجت بجنازته وإعله متن الجسر بالون طرحته
هذا إمام الرافضه نعم الفته راهـــــــب لهاشــــم الحق بأكتاره
--------------------------3
هزه لسليمان عرگ العاطفه وأمرنعش إبن النبي يتكلفه
ناده تشييع التقي إبأشرف صفه باچرأوخل تعتني أنصاره
--------------------------4
هذا من شتل النبي الهادي غصن فوگ صبره أوغربته أوعمرالحزن
ودع إسنينه غريب أوممتحن گضه إبسجن إعدا أوشوف آثاره
---------------------------5
صرح ساجد وفه إعله إعتابه الذهب باب للحاجات باب الله إنحسب
هذا إبن جعفـــــرعلم حگ إنصـــــب تهـــــوي ليه الأفئده المحتاره
--------------------------6
23/رجب الأصب/1429هـ المصادف27/7/2008م
النجـــــــــــــف الأشـــــــــــــــرف
رثاء الأمام الكاظم(ع)
العرض المتطور
