[ابو معاد النجفي]

بسم الله الرحمن الرحيم
الحمد لله الذي جَعَلَ الْحَمْدَ مفْتَاح اًلذِكْرِهِ وَخَلَقَ الأشْيَاءَ نَاطِقَةً بحَمْدِه وَشُكرِهِ
وَالصَّلاةُ وَالسَّلامُ عَلى نَبِيِّهِ مُحَمَّدالْمُشتَقِّ اسْمُهُ مِنْ اسْمِهِ الْمحْمُود
ِوَعَلى آلهِ الطَّاهِرينَ أُولِي الْمَكارِمِ وَالْجُوِد

السلام عليكم ورحمة الله وبركاته
(الرايه)

هاي الرايه... للمشايه

تحمله الزوار بهمه...للموت اتظل عدهم ذمه

هاي الرايه

راية عبـاس المعروفـه...ماطاحت كظتـه أجفوفـه

هاي الرايه اتظل مخفيـه...بديـوان الال البلكـوفـه

من يطلـع يرفعـه بيـده...يرفعه ونتمنـه انشوفـه

متكوب اسم الواحد بيـه...واسم العتره مكمله حروفه

بيه حسين الكتبو اسمه...والعباس وجفه ورسمه

وبيه الايه...هاي الرايه

هاي الرايه البيه حسين...ودمعات الطف والجفين

ماطاحت يوم ولاذلـت...خليناه بوسـط العيـن

ظلت رمز لكل الشيعه...وظلت رمز ليوم الدين

نتمه انكون احنه وياهم...وبرجاب الحجه مجلبين

يوم وناحذ ثار ودمه...والكطعو جفه يم عمه

ندك الثايه...هاي الرايه

هاي الرايـه البيـه العبـره...من دم حسين ومـن صبـره

نذكر بيـه اهمـوم الطـف...واحسين وعينه ورض صدره

وياهم اللـي شالـت زينـب...جم اه وجم لوعـه وحسـره

ونشـوف الموقـف للقائـم...من يحملـه بحـزن وعبـره

الشارك وياه يختمه...ويناديه اهناك باسمه

يصعد بايه...هاي الرايه

هاي الرايـه للاحـرار...من نزلت بيـد المختـار

دور ساعـد ويلوكـلـه...بصولاته ال ضد الكفـار

وجانت رهبه بقلعة خيبر... رايد كون الـه مغـوار

كاللهم نادولـي حـيـدر...انطيـه الرايـه الكـرار

كال الهادي وهو يكلمه...للكرار الرايه اتسلمه

وهيه بدايه...هاي الرايه

هاي الرايه اسنين الظلت...بجفوف الحيد الضرغـام

وتحولت من بعده لولـده...ضلت مرفوعه على الهام

وخلاه العبـاس بزنـده...وي احسيـن وبالـكـدام

خلاه بروحـه ونصبـه...يوم الدارت هل الاقـوام

طفوه وصارت هالظلمه...يم الكمر وطاحت نجمه

تبده مايه...هاي الرايه

هاي الرايه التحمل معنى...واليمشي لازم باصرار

تحمله الراحت مشايـه...من اكبار ومن ازغـار

والمايكـدر يتلكـاهـه...طفل وشايب بالمشـوار

عمو هل الرايه تسلمني...لحظات انواسي الكرار

الرايه مرفوعه وعلمه...ويتحقق رايد كل حلمه

كون بهايه...هاي الرايه

اخوكم

ابو معاد النجفي

[نسايم]

حقيقة شعر رائع بحق ...

أمتعنا كثيراً وسعدنا بالتجول في جوانبه الفائضة بكم هائل من المعاني

البارعـــة الجمـــال ..

[زورق الخيال]

بسم الله الرحمن الرحيم أحسنت ياأخ وأبليت في هذه القصيدة بلاءاً حسنا وجزاك الله خيرا