المقادير
نصف كيلو دقيق اللى هو الطحين
مكعب مرقة دجاج
ملح وفلفل اسود وبهارات
نصف كيلو حليب بخيرة مثلا
نصف كيلو لحم مفروم وبصلة مبشورة
ملعقتين قشدة
كيلو الا ربع مكرونة اقلام
الاول هنسلق المكرونة ونسيبها تتصفا
بعد كدة بنضع البصلة المبشورة على النار مع ملعقة زيت ونقلب لحد ما لونها يبدا يتغير بعد كدة اضيف عليها اللحم المفروم واقلب لحد ما يستوى واضيف علية بهار وفلفل اسود وملح
بعد كدة بحط السمن فى قدر واسيبة يسخن وانزل علية بالدقيق وللعلم كل ملعقة سمن عليها ملعقة ونصف دقيق
وبقلب لحد ما رائحة الدقيق تظهر وبعد كدة بنزل بالحليب واقلب بسرعة جدا علشان ميكلكعش وحتى لو كلكع مترميهوش هقولك الحل لو كلكع هتضربية بالمضرب الكهربائى او تصفية بالمصفاة الاستانلس
المهم هنقلب كويس ونضيفلة مكعب المرق والفلفل الاسود والملح ولو لقيناة ثقيل زودى ماية او حليب عادى لحد ما يصبح البشاميل سمكة معقول لا سميك ولا خفيف
بعد كدة بنطفى النار
ونجيب صينية غير لاصقة
ونضع بها طبقة خفيفية بشاميل وفوقها نصف المكرونة وبعد كدة اللحم المفروم وفوقة طبقة سميكة بشاميل ورشة جبن مودزريلا
وبعد كدة نضيف نصف كمية الكرونة المتبقية
وفوقها بشاميل كتير
وبعد كدة ملعقتين القشدة هنوزعهم على الوجة
بصوا يا جماعة انا مبدخلش ولا بيضة فيها لانى مبحبوش بس ملعقتين القشدة هيعملوا الوش تحفة والريحة احلا واحلا
وبعد كدة ندخلها الفرن من تحت لحد ما نلاقى اجناب الصينية اصفرت
بعد كدة نطلعها تحت الشواية لحد ما الوجة يصبح محمر كدة
وبالف هنا
طريقة عمل المكرونة بالبشاميل بطريقتى الخاصة
العرض المتطور
