[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

نعمـــــه إو تســــر العيـــــن ــــ دارمي ( في مولد المجتبى عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــ ــــــــــــــــــــــــــــــــــــ
بيهـــا أباهـــــــي === نعمـــة إلهــــــــي
حـُب الحسن وإحسين === نعمه إو تسر العيـن
نعمـــة إلهــــــــي
ــــــــــــــــــــــــــــــــــــــــــــــــــ ـــــــــــــــــــــ
عشگــي أبد مـَيـْزول وإبروحي يسري == حـُب الحسن وإحسين يرويلي عمري
حـُب عترة المختار يشفينــــي أدري == ينفعني يوم الخوف يطفيلي جمري
حبهــــم مُــــرادي === يشفــــــي فؤادي
بيهم ثبات الديـــــــن === نعمه إو تسر العين
نعمـــة إلهــــــــي
ــــــ
نعمة إله الكون حـَلـّت علينـــــــــه == مولد حـَسـَنـّه اليوم سبطه النبينه
نعقد حفل وأفراح إحنـَه إجينــــــــه == وإنهنـــّي حامي الجار حيدر ولينه
نرفع تحيـــــــــــّه === لبن الزچيــّــــــه
وإنــّادي أبو الحسنيين === نعمه إو تسر العيــن
نعمـــة إلهــــــــي
ـــــ
طيبه إو شفه مولاي هذا الحسن صار == نور إو يحل بالروح يغسلها الأكدار
أوّل سبط موسوم زيــّنها للـــــــدار == دار النبي المختار بيها الوحي دار
أطيب أمانــــــــــي === وأحلى التهانـي
للهادي أبو الطيبيــن === نعمه إو تسر العين
نعمـــة إلهــــــــي
ـــــ
ملهوف أبو الزهراء نادى الزچيــّه == رحمـــــة إله الكون حـَلـّت عليــّه
إبني الحسن معصوم من الرديــّه == أنعـــــــــم إلهي بيه رب البريـّه
يحوي المكـــــارم === محبوبي غانـــم
وأفراحه بالكونييـن === نعمه إو تسر العين
نعمـــة إلهــــــــي
ـــ
يالرايد الحاجات أنخــَه الحســن دوم == يگضيها أبو الخيرات ماتبگه مهموم
باب الكرم والجود وإمراده معلوم == مارد أبد خطــّار يگصدله مضيوم
فاتح يمينــــــــه === نبعة نبينــــــــه
يكشف مهاوي البين === نعمه إو تسر العين
نعمـــة إلهــــــــي
ـــــــــ
مبروك ألف مبروك ياحامي الجار == بالمــُجتبـــه إنهنــّيك إسمع يكرار
هاي التهاني إبشوگ للطالب الثـــــار == للمهدي نور العين وإنغيض الأشرار
رغم النواصـــب === أهتف يغايـــب
وينك يروحي وين === نعمه إو تسر العين
نعمـــة إلهــــــــي
ـ
ريتك تجي وإتشوف هذا حفلنه == وإتشـارك الأحباب تشهد عملنه
يبن الحسن نفديك إحنه وأهلنه == يومك فرح وأعياد يحيي أملنه
وينك يغالـــــي === يابو المعالــي
يومك عسـاه إيحين === نعمه إو تسر العين
نعمـــة إلهــــــــي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldkvl91570.mp3.html

[عبدالله خلف العتابي]

السلام عليكم
الرائع جابر النجفي
احسنت وابدعت يارائع
بس شويه شجعنه بردوك
حتى نستطيع التمرس بالكتابه واهدي لك دارميات بقلمي

جفيل ولا ننساك ونتامل اتعود
وتروي العطش ماي ياصاحب الجود

++++
اتمنه اصيرن ماي بين الحضرتين
وتشربني كل يوم زوار الحسين

[حسين ال دخيل]

احسنت بارك الله فيك