|
|
عضو برونزي
|
|
رقم العضوية : 68874
|
|
الإنتساب : Nov 2011
|
|
المشاركات : 336
|
|
بمعدل : 0.07 يوميا
|
|
|
|
|
|
المنتدى :
المنتدى الثقافي
شـــــــور يـــاعـــــراق الــشـــاعـر حــســــن خــلــيــفــه
بتاريخ : 27-12-2011 الساعة : 08:02 PM
{ شـــــــــــور يــاعـــــــــــــــــراق }
شكتب ياوطن والبال مامرتاح
وصفناتي أويه جرحك عدهن أطــلابــــــــــه
بطلنه العزف والعود كسرناه
و عالمنبر تشلبه وصعد زريـــــــــابــــــــــــــــه
فكو باب سجنك مو لكي ترتاح
من باب السجن طحت أبوسط غــــابــــــــــه
ليل أوكت أظلم والذيابه تحوم
ونته لوحدك وخوانك أذيــــــــــــــابــــــــــــــه
كونك مثل يوسف جاكلت محظوظ
بس بيرك غميج ومالكو بـــــــــــــــابــــــــــــه
كونك مثل يونس جاحماك الحوت
بس حيتانك أنته أذيابه جــــــــــــــذابـــــــــــه
ولو كونك مـسيح وبسمروك بلوح
جا فز الصليب وكسر أخــشـــــــــــــابــــــــه
بس أنته العراق الماسجد لصنام
دنك لل {الــــه} وخانه مـــــحــــــــــرابـــــــــه
{شـور يـاعـراق } لخاطر العباس
وطن المايشور محد أيــــــــهــــــابــــــــــــــــه
تعتب على ياهو ومنهو اليواسيك
خيرهم عليك مكشر أنــيــــــــــــــابـــــــــــــــه
ليغشك دمعهم ذولـه جذابين
طاووسك مزيف وأعرف أغــــــــــــرابـــــــــــه
مكيفين أعلى جرحك ياوطن ولله
لان جرحك نفط ينزف لــــســــــــــلابــــــــــه
هوه الفرهدك ياوطن موشفناه
تانه حسين طاح وفرهد أثـــــــــيابـــــــــــــــه
عالكرسي أنتعارك والوطن مذبوح
وشربنه أبصحتك من دمك أنــــخـــــابــــــــــه
ردت والطفوف أدك على البيبان
ونته الخارجي الشكينه بــنــــســـــــابـــــــه
ذبحناك بأدينه الخاطر اليرضون
وعذرنه من القبح ظل يلعن أســـــبــابــــــــه
ولان ما أنصفك راح العن التاريخ
ومو فردأ جمع ملعونه كـــــتــــــابـــــــــــــه
وملعونه الاقلام الماتثور اليوم
أذا موكل قلم يهزمله دبــــــــــــابـــــــــــــه
مع الود الشاعر
حــــســــــن خــلـــــيـــــفـــــه
| |
|
|
|
|
|
العرض المتطور
