كوم عباس احمي مرقدهه
هجمت ارجاس احمي مرقدهه
انه اختك وانته الهه مايقصر من كفلهه احمي مرقدهه
صعبه من اتشوف دمعه تجري من عين العقيله
وانته ياعباس اعرفـــــك بساعهة المحنه الثجيله
تركب على الموت طبعك وللنخاكم تنتخيلـــــــــه
انته سر ومن يفســــــرك تطعن الموت بدليلـــــه
انته معروف ياكمرهاشم
بساعه الخوف ياكمر هاشم
دخلت ويمك دخلهه مايقصر من كفلهه احمي مرقدهه
خويه من الطف سبيــــــه رحت واهل الشرولوني
وهسه ياعباس ترضـــــه بكيد هم ايكيدونــــــــــي
انه منهو انخه غيـــــــرك هل نواصب حاوطوني
الغايب بهل غيبه طـــول وجنهم بشرهم ولوني
عندي الك راي اه يبوالغيره
تبقه ويــــــــاي اه يبوالغيره
المعضله انت التحلهه مايقصر من كفلهه احمي مرقدهه
اجه من كل ديره كــــافر وجيش حر يحجون عنه
ردو ايام السقــــــــــــيفه وضاع يا عبــاس املنه
كوم درس الموت الهــم وخلهم يفهمون فنـــــــه
لازم ايعرفــــون زودك من تجي ماتبقى محنه
سيف الابطال من يصل حده
يغير الحـــال من يصل حده
الحرب رادت بطلهه ما يقصر من كفلهه احمي مرقدهه
جيش باسم الدين يحجي وكبه متضل راد الــــيه
بحقده ويعرف الحقيقه زينب انه الهاشمـــــــيه
اني امي الزهره انــي وبت علي حامي الحميه
وباقي بالاحقاد عايش ومكتفه من الغاضريــه
واخت الحسين ابد ماانذل
ياضوه العيـن ابد ماانذل
منهو يدنه الكبرهه ما يقصر من كفلهه احمي مرقدهه
بعد ماضن خـويه ماتم ينصب واني احضــــــره
وحضر عل المرقد اشوفه مرتبك والحاله خطـــــره
حايره تدري بغيــــابك واللي مشلك يفــدي عمره
عيني تربي ولاموالي ولاتصل يم بابي فقـــــــره
على هل الحال من يصل يمي
بولية انـــذال من يصل يمي
الميله بس جفك عدلهه مايقصر من كفلهه احمي مرقدهه
السلام عليكم
السيد كريم السعبري
مرحبا بعودتك وكالعاده مبدع ورائع
ويسيل قلمك حروفا شجيه تناغي فيها
اهل بيت الرساله هنيئا لك هذا الولاء
تلميذك المبتدا
عبدالله العتابي
زينب والنواصب كريم السعبري
العرض المتطور
