بدمع وآه أون مـن الصحابة ( للزهراء عليها السلام )

قاسم حتروش · بتاريخ : 22-10-2011 الساعة : 08:30 PM

بدمع وآه أون مـن الصحابة ------ تمنيت حاضـــــــــــرني ييابه

وتشاهد حالتي والجرة بأحوالي ------ بعدك من غبت يا حضرة الوالي

بدمع وآه أون من الصحابة

************

يبويه قصتــــــــــي هاك أستمعها

مــن يوم الغبت وأعرف وضعها

بعدك مــــــن رحت أحجي فعلها

كـــــــــــوم ألعادتك شنهو عملها

يبويه مـــن النوح منعوني ------ المدينــــــــــــة بـرّه طلعوني

حجتهم يبويه من البجي عالي ------ بعدك من غبت يا حضرة الوالي

بدمع وآه أون من الصحابة

************

بعد أيام مــــــــــن موتك أجونه

حجتهـــــــــــم علي دي وقعونه

دفــــــــــع للباب بيده وروعونه

الثاني مــــــــــن أجه وياه عونه

زمر جاب مــن أهل الضلالة ------ علــــه باب بيت أهل الرسالة

بحقد متحزمه من حضرت كبالي ------ بعدك من غبت يا حضرة الوالي

بدمع وآه أون من الصحابة

*********

حاجيته وكلـــــــــــت بيت ألنبوّه

دار المرتضى وأهـــــــل ألمروّه

جاوبني وإن لدخلــــــــــــــه كوّه

جـــــــــــــر السوط وبمتني تلوّه

دفعها للبـــــــاب وعصرني ------ علــه الكاع محسن طاح مني

من هــــذه دفعته ضاعت أمالي ------ بعدك من غبت يا حضرة الوالي

بدمع وآه أون من الصحابة

************

لطمني عل وجــه والجفن أحمر

ونيران الحقــــــــد بالباب تسعر

بيده طلــّــع مــــــــن الدار حيدر

وكاد المرتضــــــى وكام أيتبختر

يعرفون مُــلــزم بالوصية ------ وحفظها علــي حامي ألحميه

لو مو هل وصية يُسر دلالي ------ بعدك من غبت يا حضرة الوالي

بدمع وآه أون من الصحابة

************

طلعت خلفـه وأنادي خلو عنــّه

إذا أكشف الراسي تصير حنــّه

مرساله أجانــــــــي بأذن منــّـه

حاجاني وبجـــــــه وبكلبه ونــّه

يزهــــــراء أنت أم المكارم ------ يزهــــــراء خلي الكون سالم

بيج أوّالدج هل كون متوالي ------ بعدك من غبت يا حضرة الوالي

بدمع وآه أون من الصحابة

**********

مــــن دفعت الباب أنصبت بسمار

والضلع أنكسر والدمــــــع مدرار

يبويه مــن علي هاك أخذ الأخبار

وشوف اللي جره بيه من الأشرار

توفــــت فاطمـــــــة ألزجيه ------ وكبرهــــــــــا تايه عل بريه

دفنت الفاطمه منها الجسم سالي ------ بعدك من غبت يا حضرة الوالي

بدمع وآه أون من الصحابة

************

يطه فاطمة بكســـــــــرة ضلعها

أجتك مــــــــا نشـف حتى دمعها

يمك ردت بهـــــــــــــذا وضعها

عدد عشرين مــــــا كمّل شمعها

عليها حزني صــــار سرمد------الكلب نـــــــار لا والله ميبرد

صورتها أبد ما فاركت بالي------ بعدك من غبت يا حضرة الوالي

بدمع وآه أون من الصحاب
بقلمي خادمكم
قاسم عباس حتروش