في حائط الوجع التقينا ....
ومن آلام واحزان المبدعين تعلمنا ...
ومن بعض المساجلات كانت ولادة هذه القصيدة
التي اهديها الى من الهمني اياها....منع وافر حبي
وتقديـــــــــــــــــــــــــــــــــــــــــــــ ـــــــري
عندك علم ….؟؟؟
عندي حلم …
ان كلبي ساعة وي الفرح يصبح سلم
ان سور دمعاتي يضل ما ينهدم
ان جرحي ما ينزف دمه تفضحه الهدم
عندك علم ...؟؟؟
صار الفرح عد كلبي مثل الماي ابد ما ينلزم
وعل بسمه وي وكتي عرك ….
والمعركة بحاجة زلم
ومامش زلم …
ولو انتصر.. وما انتصر
عمري اطشة كبال كلمن يبتسم
ومن انهزم … وآنه العمر كضيته دايم منهزم
وكتي علي يرجع بنشوة منتصر ….
ومن اثر كل بسمه على وجهي ينتقم
عندك علم ...؟؟؟
ان المسافة البيني وبين الفرح
مثل المسافة البيني وبين النجم
وصرت احلم اكمش بيدي ضحكة .. ولو جذب
مثل الحلم جن آني كامشلي نجم
عندك علم ...؟؟؟
ان آني لدموعي الم ؟؟
وقررت بيهه ازكي الورد
حتى اليشم وردة الم كلبي يشم
عندك علم ..؟؟؟
قررت ابدن ما اهم
قررت ان اخذ ورق
وازحف على متون الارق
قررت ان اخذ قلم
والقلم حتى لو وهم
عندك علم..؟؟
قد قررت ….
ان ارسم الضحكة رسم …..
في حائط الوجع التقينا ....
ومن آلام واحزان المبدعين تعلمنا ...
ومن بعض المساجلات كانت ولادة هذه القصيدة
التي اهديها الى من الهمني اياها....منع وافر حبي
وتقديـــــــــــــــــــــــــــــــــــــــــــــ ـــــــري
عندك علم ….؟؟؟
عندي حلم …
ان كلبي ساعة وي الفرح يصبح سلم
ان سور دمعاتي يضل ما ينهدم
ان جرحي ما ينزف دمه تفضحه الهدم
عندك علم ...؟؟؟
صار الفرح عد كلبي مثل الماي ابد ما ينلزم
وعل بسمه وي وكتي عرك ….
والمعركة بحاجة زلم
ومامش زلم …
ولو انتصر.. وما انتصر
عمري اطشة كبال كلمن يبتسم
ومن انهزم … وآنه العمر كضيته دايم منهزم
وكتي علي يرجع بنشوة منتصر ….
ومن اثر كل بسمه على وجهي ينتقم
عندك علم ...؟؟؟
ان المسافة البيني وبين الفرح
مثل المسافة البيني وبين النجم
وصرت احلم اكمش بيدي ضحكة .. ولو جذب
مثل الحلم جن آني كامشلي نجم
عندك علم ...؟؟؟
ان آني لدموعي الم ؟؟
وقررت بيهه ازكي الورد
حتى اليشم وردة الم كلبي يشم
عندك علم ..؟؟؟
قررت ابدن ما اهم
قررت ان اخذ ورق
وازحف على متون الارق
قررت ان اخذ قلم
والقلم حتى لو وهم
عندك علم..؟؟
قد قررت ….
ان ارسم الضحكة رسم …..
عندك علم ؟
مرات أشوفك قلعتي
وبيك اختصر كومة زلم
يانافخ بروح الحرف نبض الحرف
مرات اشوفك طلّسم
عندك علم؟
يالكلمتك تترك أثر واعله المعاجم تنرسم
عندك علم؟
يالحرفك بسعر الذهب ما ريد اشوفك عالارض
كل همي اشوفك ترتقي واكف بطولك عالنجم
عندك علم؟
قديس اشوفك للحرف
إسمك بنا اصروح الدرر كل همي احافظ عالاسم
عندك علم؟
ماريد كلبك ينلجم
عندك علم؟
كل ما أطب الصفحتك واقره ابردودك انصدم ؟!!
عندك علم؟
كونك تهمني اتأثرت ولوكان غير ما أهم
عندك علم؟
دكيت بابك ليل أمس
محد طلع..!
أتـنطّرك سكته وهمس
ضميت الك نص الشمس
إعيوني نادت عتبتك والتفتت عيون الشعر
غمّضت جفني بغيبتك كل ضني اشوفك بالحلم
عندك علم
جنت آنة فرّاشة فرح ومن اطب بستان الورد
إيغار النده من أبتسم
عندك علم؟
ماتت فراشات الورد مجروحه من تنزف تحن
وعزلته دكان الفرح ضليت ابيعن بس حزن
عندك علم؟
تتلاجم اجروحي غدت وكل لحظه بجفاك انلجم
عندك علم
مرسالك انتظره يجي
حنيت الك حن والده
بدمعتها مفضوح الأمل , مكسوره جامة خاطري
وجهك طبعته ابناظري
عندك علم؟
صورتك ما مرها الهوه مرسومه بجروحي رسم
"
مع وافر ودّي ومحبّتي
عندك علم ؟؟؟؟؟؟
العرض المتطور
