|
|
عضو برونزي
|
|
رقم العضوية : 214
|
|
الإنتساب : Aug 2006
|
|
المشاركات : 706
|
|
بمعدل : 0.11 يوميا
|
|
|
|
|
|
المنتدى :
المنتدى الثقافي
أم البنيـــــــــن للشاعر جابر الكاظمي قصيده راااائعه
بتاريخ : 23-08-2006 الساعة : 04:20 PM
السلام عليكم ورحمة الله وبركاته
ام البنين
صـــوب عـــيـــوني الـدهر وضـــيـــعت رايـــه وگــمر
گـــطــع دلالــــي زمــــانـــي وافـــگدت اربع بنين
لا تـــلــومــــوني تــــراني امـصوبه وگلبي حزين
صـــوب عـيوني الدهر
* * *
اربـــع ابــــدور اذخـــرتــهم مـــشوا لرض الغاضريه
والله لــــو رجـــعـــوا زرعـت الطرق ياس ونرجسيه
روحــــة الاولاد روحـــه روحــــه مــــا ظن بيها جيه
راحوا وحادي الموت راح ويــاهـــم
وچــــف المنيه ابكربله يـــتـــنـــاهم
اشلون اربعه وهرش الگلب غـذاهم
مــــن رجـــع ظــعـن الاهل دمـــعـــي عـــالـوجنه همل
جـــيـــت وابـلهفة دليـــلي صحـــت ويـن اولادي وين
لا تـــلــومــــونـــي تــراني امصوبــــه وگــلبي حزين
صـــوب عــيوني الدهر
* * *
هــــامت وعـــــالمتن شــــالت طــــفل حماي الظعينه
واسمَعِت (بــــشر ابــن حـذلم) ينعى بطراف المدينه
نـــادته يـــا بـــشر بـــالله اخــبرني ابني حسين وينه
نـــاده بـــشر والـــدمع مـنه اتفجر
عـــظــم الله الأجــــر بــبنچ جـعفر
وعــثـــمان ابــنچ بالطفوف اتوذر
واخـذي مـــن عندي الخبر چـــبــد عـــبد الله انــفــطر
يـــا بــــشـــر گــطعت گلبي اخبرني عن حالة حسين
لا تـــلــومـــوني تـــراني امــصــوبه وگــــلبي حـزين
صـــوب عـيوني الدهر
* * *
عـــظـــم المعـــبــود اجـــرچ واصبري بهاي الفجيعه
ابكربلا بدر الهواشم طـــايـــح ابكـــــتــر الشـــــريعه
بــالعـــمـــود انــفـــضخ راسـه وظلت چـفوفه گطيعه
عـــــظــم الله الأجـــر بـبنچ عباس
يم النهر عافـوه جــــثــه بـلا راس
وعياله تاهت بـيـــن اشرار الناس
يـــا بـــشـــر حـــيلي انهدم مــــا يــــهم راعــــي العلم
يــــا بـــشر عــن أبو اليمه اخبرني خل اخفي الونين
لا تـــلوموني تـــراني امـــصوبـه وگــــلــبي حــــزين
صـــوب عــيوني الدهر
* * *
مـــن بــــشر گـــــلبي تـــنطّر خبر عن حال أبو اليمه
دمـــعـــتي فــــاضت ابـــعــــيني والگلب ذايب إبهمه
لــن بــــشر نــــاده يـحـره دنـــيــتچ صــــارت مظلمه
عـــظـــم الله اجــــرچ ابــفگد المظلوم
وذرت جسمه ابكربله ســـيوف الگوم
مصرعه ابعين الحرم اصبــح مرسوم
اخـــذي مـــن عندي الخبر حســـيـــن مـگـطوع النحر
يـــا بــــشر هـــدمت حــــيلي وانـــطفت شمعة العين
لا تـــلوموني تــــراني امـــصــوبه وگـــلبي حـــــزين
صــوب عـــيوني الدهر
* * *
خــــابت آمـــــال البگـــلبي وانگــطع يـا بــشر ضني
انــــهدم بـــنـــياني عــــليه والمــــصايب صــــــوبني
دمــــوعي لــــيل نــــهار تجري ومثل ون الدوح وني
گــوس الحـزن نفذ ابگلبي صوابه
والدهر صــــفه ويـــايه كل حسابه
وحســــين ابــني ايعز عليه غيابه
مــــا تـــهـــمني الـــفاجـعه ابـــفـــگد ولــــدي الاربعه
ابـــفـــگد أبــــو الســجاد ضايع تعب كل ذيچ السنين
لا تــــلوموني تــــراني امـــصوبه وگـــلبي حــــــزين
صـــوب عــيوني الدهر
* * *
اربـــع شـــمــوع اعـــلگتها وچــــانت اتنورلي دربي
راحــــوا ومـــا صــــوبـــوني لاچن الــلي صاب گلبي
فــــگد أبـــو الـــيمه وعگـــبه خل اشن غارات عتبي
اعـتــب وادري مـــــا يــفيد عتابي
ذبـــل هروش الگلب جمر صوابي
مـــا تــنـــخمد للحشر نار مـصابي
امــــر هــــذا وانـــكـــتـــب بعــــد شـــيــــفــــيد العتب
طـــاحت بـــيــوت المـــعالي وغــــابت ليــوث العرين
لا تــــلوموني تــــراني امــــصوبه وگــــلــبي حــزين
صــوب عــيوني الدهر
* * *
راحــــوا اولادي وبـــنــيني ودهـــري عفرهم ابدمهم
بــــالله يـــا جــاره اخبرچ لا تســمــيني بـــــاســـمهم
لــجــل أبـــــو اليــــمه اذخـــرتهم بالعهد وفوا ذممهم
راحــــوا بـــنـــيني الاربعه
وصــــوبــني سهم الفاجعه
وهــــروش گـلبي امگطعه
* * *
روي يـــا روحـــي الــحزينه روحي لرض الغاضريه
روحـــي يم جـــسم أبـــو اليمه الطـايح ابين آل اميه
وروحي يم شاطي الفرات وعاتـــبي العـلگلمي وميه
واحـــنـــي الظـهر يم النهر
وخـلــي الگــــلب يم الگمر
مصـــيـوبه بســـهام الگدر
لا تـــلوموني تـــراني افـــگـــدت ولــــدي الاربــعـــه
* * *
مشهد المقدسة / 1985 م
|
|
التعديل الأخير تم بواسطة ايوب ; 23-08-2006 الساعة 04:26 PM.
|
|
|
|
|
|
المواضيع المتشابهه
العرض المتطور
