[الشاعر الغريب]

بسم الله الرحمن الرحيم

اللهم صل على محمد وال محمد الطيبين الطاهرين

قصيدتي بعنوان العجيبه بأختلاف الصدر والعجز


كل هذا الخراب البالوطن صارـ لان رايه الترف فوكاه شيعيه

ولهذا السبب دم الشعب سال ـ نهر تجري الدمه وتفجير ليليه

عجيبه الشيعه تترأس حكومه ـ وكظت كل العمر شيعتنه منسيه

عجيبه يرتفع للشيعه هالصوت ـ وعليهه انكلبت الارجاس حربيه

عجيبه ذكر ابو الحسنين باذان ـ وعدنه اشعار صارت باسمه يوميه

عجيبه الوطن كله ايصيح يحسين ـ وصارت بالعلن كل ساعه لطميه

عجيبه الكربله تزحف ملايين ـ تمشي بالعلن مو مشيه سريه

عجيبه اعلام عدنه مقري مسموع ـ عجيبه اتصير للشيعه فضائيه

ومن سمعو الشيعه اتنادي يحسين ـ جن زلازال صار وهزه ارضيه

تهمونه بتوابع طائفيين ـ ويسمونه الروافض لو مجوسيه

واحنه اصل العروبه والمفاخر ـ واحنه اللي وهبنه العرب جنسيه

نعم نرفض ظلم لو صار عالناس ـ ونرفض كل نجس نصاب عاريه

ونعم نرفض دعاة الدم والارهاب ـ مانرضه بمذله ولا عبوديه

احنه اصحاب حق وحقنه معروف ـ وحقوق النه بوطنه كلهه شرعيه

يردون العرق ايصير طشار ـ لا يردون لا حق ولا حريه

ويردون البشر ما تحلم بيوم ـ وتصبح من سراب احلام وهميه

ويردون الوطن خالي من الاشراف ـ ويظنونه ملك بس للوهابيه

بعد هيهات نسمح مجرم ايعود ـ ومانقبل ابد تحكمنه رجعيه

واذا صار اللي يردونه وفلا ايصيرـ يهب كل العراق بكل اهاليه

وتهب كل المقابرتلبس اجفان ـ تصيح بصوت هاذه اّنّه يبعثيه

واذا حان الامحان انصير طوفان ـ ونقلب هالارض والختمه شيعيه

[عبدالله خلف العتابي]

السلام عليكم
الشاعر المبدع
ابو لقاء (الشاعر الغريب)
احسنت ياغريب وابدعت في حق الوطن
واسال الله ان يحمي العراق من كل سوء
ونحن الشيعه اصل العرب والعراق بين
العيون واقول ياغريب لكل من يحاول تقسيم
الوطن وزرع الطائفيه ان لن تفلح وحق الحسين
واقول
الوطن واحد ما يقبل التقسيم
بس اني انقسم وبدونه اتفرهد
اتقسم ابدونك والكلب حزنان
وجرحي اويه جرحك بيك يتوحد
عشكتك ذره ذره وصرت الجرح بيك
وجرحي اويه جرحك بيك يتضمد

المعذره كتبتها ارتجالا
اخوك الغريب ايضا
ولاتتعجب من ذلك
العتابي

[الشاعر الغريب]

الاخ عبدالله شكر لك على كل حرف

علما انا لست ابو لقاء

ولم اعرف هذا الاسم

اكرر شكري وتقديري

[عبدالله خلف العتابي]

السلام عليكم
الشاعر الغريب
تقبل مني الاعتذار ولم اناديك بعد فقط
الشاعر الغريب واني بخدمتك وابقى متابع
لشعرك والرد والتعلم منه في نفس الوقت
ذاك فخر لي لاني اخدم خدام الحسين(ع)
واسال الله ان يوفقك في الدنيا والاخره
الاقل والاصغر
العتابي

[الشاعر الغريب]

مشكور اخي عبدالله

تقبل ودي واحترامي

[احسان المياحي]

قصيدة رائعة تحكي واقع حال العراق عراق ابو الحسنين
اللهم احفظ العراق واهله

تحياتي لقلمك المبدع

[الشاعر الغريب]

مرورك على راسي ايها الاخ

احسان الميــــــــــــــاحي