خــلهــا سكتة ... قصيدة شعبية بقلم والدي من ديار الغربة و زمن الفراق
بتاريخ : 15-02-2010 الساعة : 06:42 AM
الســـلام عليكم و رحمة الله و بركاته
شخباركم أخواني الشعراء :d
هــذه قصيدة شعبية بقلم والدي، كتبها أثناء فترة الحجز و التي دامت أكثر من سنة في أستراليا بعد وصوله مع لاجئين آخرين عراقيين عبر البحر.
خلال هذه الفترة كان والدي بعيد عنا، و ستلاحضون كيف يبدو عليه الإحباط حيث فقد الأمل بعد ما واجهه عند وصوله.
بلهجة أهل الناصرية :p
..أترككم مع القصيدة ..
خلها سكته ...
لا تذكرني بسوالف شوگ أضل سهران و شچم ليل يمعود سهرته
و لا تهيجلي الجرح و صواب گلبي الصوّباني بغير وكته
وسفه بايعني الوكت بعدال نصه ... و العمر برخص ثمن يا حيف بعته
خلها سكته ... يا گلب شنهي العمل هذا العملته
الناس اِحسابها مصوگر تحسبه .. و أنتَ مستقبل على الأوهام صغته
و شنهي حال الراد يوصل للعنب و النوب ما صحله العنب و يريد سلته
و شرد أوصف حالة اليكتل حبيبه ... و آنه بسهام الهجر مبخوت محبوبي كتلته
و شرد أوصفلك حنين الأم لبنها و الدمع لاج اِبّيابي العين شفته
و شرد أوصفلك طفل من صاح بابه و شبگة الفرگه اِو حزن لمن شبگته
و شرد أوصف من سمع لا تبطي بويه من طلع طلعت وراه اِتصيح بته
شلون ينسه الفارگ اِرموش الحنينه اِو هم تظن ينسه الشهم لو فارگ إخته
ينسه دمعتها الحزينه .. ينسه حسرتها اعلَ باب الحوش من تطلع تزته
ينسه ليل عتابها و ذيچ النعاوي بيها جلمود الصخر يا ناس لو ونت تفته
و يا صديج الركز اِبگلبي الخناجر، عافني بنص الدرب لمن تبعته
شرد أوصفلك گلب يتمنه فرحه و آنه بين الغربه و فراگ الأهل كل يوم بس يفرح عصرته.
حالي حال الصار يتنطر حصاد اِبغير أوانه و البزر بالصبخه متوهم نثرته ... ليش يا وكتي الذنب شنهي الذنبته
ما كفاك وياي لچمات اللیالي و لا کفاك اللوعه و الظيم الحملته
ليش ماخذني بدرب عثرات و العاگول جدامي شتلته
ليش جدمي اِبعيد عن ضعن المحب خايب نگلته
و العراق شلون نتحمل عتابه و الطريج اِبعيد من يمه الگطعته
يا عراق أنت الحبيب البيك أسولف و إسمك بوسط الگلب صدگ کتبته
أنت طلبة ضيف بشفاف اليضيفك و يا فرحة الضيف من ياخذ طلبته
آنه ما أنساك و أتنطر وصالك حتى لو فيك حبيبي اِسنين عفته
و لو نسيتك گلي شنسه ... و آنه بس يغفل دليل اِتذكره ونته
أنسه مشراگة شمسنه اعلَ الچواسر... أنسى ليل مساهرك لو جالك إشته
أنسه ديواني و هلي و لمة عمامي ... أنسه تاريخ الجهاد البيك عشته
أنسه الحسين الصرت محروم أزوره ... أنسه أبو الحسنين من غصبن هجرته
ما حلالي العيش من غيرك و أنچرك، و لا أكل مثل الأكل بيك الأكلته ...
آنه ذاك الفارگك و يدير عينهو الجدم غصبن علَي صدگ نگلته
شوگي إلگ شوگ الوفي اليوفي اِلحبيبه، لا تظن دمع الحزن فارگ وجنته
أبقه أتأمل و أرد اِردود أشوفك، و الأمل موصول بالباري و رحمته ...
و الأمل موصول بالباري و رحمته ....
11 - 1 - 2000
عـــبد الرســــول الجــــــابري
لا تحرمونا طلتكم و إطراءاتكم ^^
مع خالص ودي،
التعديل الأخير تم بواسطة إشـ ولاء ـراقة ; 15-02-2010 الساعة 06:44 AM.
اللهم صل على المصطفى الامجد ابي القاسم محمد و اله الكرام النجباء
قمة الابداع و العنفوان و الحنان و الوطنيه و الحب
رعاه الله يا اختنا الفاضله و اتنمنى ان اقرأ المزيييييد من هذا اليراع الذهبي لا بل الماسي
تحيه لك و للوالد الكريم
نورت الصفحة خويه يا هلا بيك ^^
مشكور والله على الإطراء الجميل،
الوالد شاعر حسيني لكن يكتب شعبي بين الحين و الآخر :rolleyes:
و إن شاء الله أنزل المزيد ^^
خــلهــا سكتة ... قصيدة شعبية بقلم والدي من ديار الغربة و زمن الفراق
العرض المتطور
