[عاشق الأهات]

بسم لله الرحمن الرحيم
اللهم صل على محمدل وآل محمد

ام البنين سلام الله عليها

يمه زينب هذا كَلب ام البنين طاح غركَان بحر شوكَ الحنين
سور كل صبره انهدم ناده بجروح الالم

اهنا يزينب وين تربات الامين



احسين بالكون انوجد اطيب عبير

روحي بالذر صفت ويّاه عالمصير
باصبع احسين انكتب عندي الظمير
ملك عرش الكَلب واتربّع امير
ملك جَبدي ودمي واسنين العمر والصبر من عنده متفرع صبر
ملك روحي وكل كياني كل عطف حبي وحناني


هوه علّم كَلبي انوار اليقين



فدوا راحوا اربعه لهذا البدر

ربوا يازينب بحبه من الزغر
شلون اداوي الجرح وشيرهم عذر
تسعه هوه امصابه والباقي بعشر
شلون انسه وياجفن ينسه الحدق شلون تنسه الشمس ذرعان الغسق
يمه حبيته وهمت يمه بمصابه انصبت


بالحزن يسراي تصفكّ عاليمين



الف جَف يهون عندي ولا شهر

سيف يكَطع اصبع بجَف الفخر
الف عباس والف عون انطبر
عندي اهون من ظلع صدره انكسر
لاعشت يازينب لهذا الوكت ماردت دنياي بس هوه ردت
جَان شمعه بكل حياتي تراب كَبري وكل مماتي

حسين حبه ترسّخ بمر السنين



شلون صدر الكون ما ضاكَ وحزن

وصدر ابو اليمه بحقد خيل انطحن
خيوط فجر الليل ليش اتوضّحن
وذاكَ سباحات كَلبه اتكَطّعن
ضل وحيد وبضّعت نحره السيوف شلون عين اتشوف دم عالطفوف
يا كَلب يحمل بعد حبل شريانه نعكَد

ولا يحل حلالهه البطف iiيعين



شلون تنحل والكَلب بيهه انصدع
حته لو تنحل الشريان انكَطع
هم يفيد اضماد للعركَه انشلع
شكبر حزني وياصدر عندي الوسع
راح بدر ابدورنه وحل الالم ليل حزن الحزن شوجَنه هجم
راسي يا يمه انترس شيب والنجم انطمس

ليل اضلم جَلجَل بدار iiالعرين



لاشمس تطلع عسن عيني انعمت
عكَب جَف احسين لاجَف بيّنت
عكَب جدم احسين لاجدم المشت
روحي بآلام الطفوف اتمرغلت
يا عذاب اكثر بعد من هالعذاب يا مصاب اكبر بعد من هالمصاب
بسمه روحي امسجّله اخذي كَلبي لكربله


وي عزيز الروح اريد نّه دفين


سيد حميد النجفي رفحاء 1994

تحياتي
اخيكم
خادم ال البيت عليهم السلام
مهند الاؤسي

[ولد الموسوي]

سلااااااااااام الله عليهاااااااا

تحياتي لك ولقلمك المبدع

[عاشق الأهات]

تسلم اخوي على المرور
نورت يالغالي

[عاشقة النجف]

بسمه تعالى

اخي الفاضل بارك الله بكم على النقل الجميل
وسلمت ايادي الشاعر النجفي على هكذا تعبير
موفقين لكل خير
رعتكم الزهراء

[عاشق الأهات]

عاشقه النجف تسلمين على المرور
نورتي

[خادمة المنبر]

انا ابحث قصائد ام البنين واجمعها
بس هاي لطمية كانها

شلون لحنها
كمل معروفك
بس روعة القصيدة بكيت واني اقراها

الله يتقبل اخي مهند
انت من كنوز المنتدى الشعري

[امير الرافدين البصراوي]

مشكور ياوردة على الشعر الجميل

[عناقيد عشق]

اللهم صلي على محمد وآل محمد
وعجل فرجهم الشريف..

قصيدة تحمل كلمات رائعة..

السلام عليك يا ام البنين..

شكرا اخي الكريم.. مهند الاوسي..

[عاشق الأهات]

خادمه المنبر اول شي مشكوره على المرور و نورتي
و ثاني خيتي اني بالخدمه و انشاء لله انزل قصائد الى ام البنين سلام لله عليه
و بالخدمه الى شيعه ال البيت اني

[عاشق الأهات]

امير الورده مشكور على المرور
نورت