[منذر الساعدي]

نده جتاله من النوم صَحاه-
يعني علي هو الموت صاحاه-
عمرك وسمعت محراب صاح أه-
بس بلكوفه صارت هالرزيه

-------


عقيله ومنخطف لوني
ابحيدر دمعة اعيوني

شد راسك يبويه وكوم
عل رجعو يأسروني
ابحيدر دمعة اعيوني

-----------
ماندري السمه انطبرت--مَدري انطبرت الهامه-
شو صبن سويه ادموم---وبشهر الله بصيامه-
ياليلة قدر هاليوم----شجاهه وتبجي محتامه-
الليله الليله والاسلام----فاقد راية اسلامه-
عقيله ومن تسئلوني
ابحيدر دمعة اعيوني

--------------------------

سِمانه اشبيهه زعلانه--ماندري اشجرى وشصار-
طاح الهدى إبأركانه------شنهي الهده ياستار-
فزعنه الكوفه ويانه--نريد انشاهد الأخبار-
مَدري الدين بالمحراب--ماندري علي الكرار-
ياهل ناس عَلموني-
ابحيدر دمعة اعيوني

-------------------------

راحت راية الاسلام--متخضبه ابمحرابك-
فزعنه فزعة الايتام--وكفه ياعلي ابابك-
انته الاسد ياضرغام-واشلون النذل صابك-
إذا ما تشفه بلأيام--ترى ايفجعونه بمصابك-
اُميه وما يرحموني-
بحيدر دمعة اعيوني

--------------------------
بويه اتعنه لارض الشام-تره الشوفتك ملهوفه
يتيمه وانته أبو الأيتام-تعال امودع الكوفه
وَصيت البطل عباس -بيه وكطعوا اجفوفه
رجع بالشام ابن ازياد-بويه وجَمع اصفوفه
عله قبري ويهدموني
ابحيدر دمعة اعيوني


------
الشاعر حسين الساعدي

راق لي

[الروح]

عظم الله أجورنا وأجوركم بشهادة أمير المؤمنين
بوركت الأيادي أخي الفاضل للنقل المبارك
مأجورين ومثابين ..؛