طبعا انا ابي رايكم في ظاهرة منتشرة عندنا ......... وبين الشباب خصوصا
انا عاد معقدتي ا لعربية الفصحى وبكتب بالعامية
رايكم في شاب بكامل صحته وقواه :mad::mad:
ومعتمد على انه مسمى السيادةو حفيد رسول الله
ولا شغل ولا عمله
ويدور من شيخ لشيخ ومن سيد لسيد
على انه محتاج ويبغى حق السادة
وهو قادر على العمل
وغير ووووووووو من الشباب العاطلين ومو تاعبين على حالهم
ويبو اتجيهم الفلوس لحد عندهم
اابي راي الشباب والبنات
التعديل الأخير تم بواسطة ربيبة الزهـراء ; 28-10-2008 الساعة 12:24 AM.
يعني تشوفيه رجال شطولة قاعد يطلع من شيخ لشيخ بس يبي يجمعوا له مبلغ ما لأنه بيتزوج ويكمل نص دينه يادي نص الدين اللي صار شماعة مو مهم من وين يجمعوها له حقوق الخمس جمعوها له من المسجد من الحسينية المهم في النهاية جت له ع الساهل وراح وخطب وفترة الخطوبة مستانس و طلعات وغيره وغيراته قرب وقت الزواج مسكين ماعنده ضيفة يلا اجمعو رحم الله والديكم وتسهلت الامور ...
وهو حضرته قاعد وحجة مو لاقي وظيفة شيسوو لك خلق الله دام طموحك راتب مايقل عن 7 آلاف اوكي اطمح اخي بس ارضى بالقليل وبعدها تفرج ان شاء الله
ياكثرهم اللي قاعدين حجة ماكو وظايف اوكي انت لاتيأس اقبل باللي تحصله وانت تشتغل دور على فرصة افضل لا الاخ نايم ع فراشة واحلام المدير والمكتب المكيف وراتب وقدره نهاية الشهر وسفرات وطلعات وبعدها تحصل له وظيفة بــ2000 لامايقبل خله عالة ع المجتمع افضل اللي يشوف شهادته من كبرها تفرش الارض ...
ياما ناس شهاداتهم عالية وبتفوق ونهايتهم سوق الخضرة بس الرجال عنده عزة نفس مايبي شي من الناس
والمفترض من الشيوخ الي قايمين على الخمس مايصرفوه في أيّ محل بالعكس واجب في هالامور التحري الدقيق
وبعدين هذا مايستحي على وجهه لو كيف يعني
جالس يطالب بحق الخمس بس لانه سيد طيب انت سيد مفترض انك ترسم صوره محترمه عن النسب الي انت جاي منه لانه نسب رفيع مفترض تحافظ عليه مو تستخدمه وسيله عشان تجلس ببيتكم وتطالب بالخمس ؟!!!
الي يسوي كده بكل صراحه مو رجال لان الرجوله معناها العمل والتعب وزي ماقالت بنووته الفقر مو عيب بس الاعتمادية والاساليب الغبيه الي يتبعوها امثاله هذي عيب
عذرا لجميع السادة الكرام هو صح شرف الانتساب الي النبي عليه الصلاة والسلام
لكن مثل هذه الاشكال يشوه هذا النسب الشريف
جد استغرب من شبابنا يبغوا الوظيفة اتجي لحد عندهم
ومايبغوا شغل واجد من 8 الي2 واجد عليه شغل يتعب الاخ
ويبغى راتب عالي وبدلات وبونص كل سنة ودورات وسفريات
واجازات على كيفه وخميس وجمعة اجازة
ويطلع ويرجع من الشغل وقت مايبغى
وهو مو قاعد يراعي مؤهلاته في ناس اوله منه بالمميزات هذي
ياما في شباب وعندهم شهادات عالية وماتوظفو ا في نفس تخصصهم لكن ماظلوا قاعدين جاهدوا على عمرهم وعيشوا اهلهم
واحد عنده بكالوريوس لغة عربية ماطلعت له وظيفة في التدريس وظل يدور على شغل ومالقى لين قام يشتغل سواق على ميكرو لحساب واحد بعد مو ملكه وحامد ربه ومامد ايده لغيره لين الله كتب له وحصل على وظيفة في نفس تخصصه لما فتحو مدارس الخط الاهلية وطبعا رواتب الاهلية اقل من راتب الحكومة ...............
وغيره من الشباب الي صراحة ينضرب فيهم المثل
وطبعا في عكسهممممممممممممم الي يعتمد على الحقوق وعلى التبرعات
وهو بامكانه الشغل
للاسف أني أعرف واحد من نفس النمط الله يستر عليه ما يقتنع بالقليل ويطمح لراتب لا يقل عن 7000 ريال شهريا وكذا مرة حصلت له وظيفه ميسورة الحال وزينه بس الرجال يقول انه ما يبغى يتبهدل بالراتب الضعيف وبعدين ما فيه وقت يدور على وظيفه ثانيه ويتدبس في الوظيفه التعبانه لاخر حياته
وهذا اكبر غلط .... وفي المقابل اعرف شباب آخرين قبلوا بالوظيفه الصغيره وتعبوا على انفسهم شوي شوي وترقوا ودرسوا واخذوا شهادات تدريبية وطلعوا شركات ثانيه والحمد لله الله وفقهم
والحين ما شاء الله عليه يستلم شي يرضيه الحمد لله
الرجال تعب على نفسه ويستاهل نسميه رجاااااال
وأما الكسول اللي يبغى ياكل من تعب غيره هذا عيب نسميه رجال
بس شكل رجال عاله على المجتمع وعلى اهله وقرايبه
الحمد لله على النعمه
ذاك اليوم صرت اتكلم في البيت يعني ويا الاهل عن هاللمووضوع قاللي اخوي انه يعرف رجال كبير في العمر تقاعد من شغله : غني والحمدلله عنده راتبه التقاعدي وعنده بيت واولاده يشتغلوا وحالتهم جدا زينة ...تدروا اشسوى ؟؟ تقاعد صحيح بس راح يتكس !
قلت لاخوي : هذا رجال موهذاك اليقعد في البيت
اما ياخذ الحق الشرعي ((لخمس )) فالمفروض الشيخ او السيد المسسؤول عن توزيع الخمس يميز الحالة اللي تستحق والحالة اللي ماتستحق
رايكم شبااااااااااااااااب ...............
العرض المتطور
