[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حوار المدن المقدسه ( تجليبه ملمع لليوم الأول من محرم )
ــــــــــــــــــــــــــــــــــــــــــــــــــ ـــــــــــــــــــــــــــــــــ
يمكن قراءة هذه القصيده بنفس طور قصيدة ( ترفّق أيّها السيف الصقيلُ ) التي
قرأها الرادود الحسيني الحاج باسم الكربلائي
ـــــــــــــــــــــــــــــــــ
ستبقى كربلا تزهو علينــــا === ونبقى نرتجي فيها الحُسينا
عاهدناه طول المدى === بالأرواحْ نفدي الهُدى
ــــــــــــــــــــــــــــــــــــــــــــــــ
تنـــادي كربلــه ياطيبـــه سمعينـــي == من يوم السبط ما غمضّت عيني
أستقبل ضيوف إحسيــــــن تدرينـــي == سلامي إخذيه للهادي إو عهد ديني
أظل ما نام لو زاير ينادينـي == ياطيبه دموعي إتسيل عذريني
فلا زالَ الصدى يروي حنينــــــي === وفي قلبي سما صوتُ الحُسينِ
ياربّاه جالَ الردى === بالأرواحْ نفدي الهُدى
ــــــ
مدينة جَد أبو السجّاد والطيبيــــن == تنادي كربله أعرف ثراﭺ الزين
سلامي إﻋﻟﻳﭻ ياأرض الشهيد إحسين == سلامـــي إﻋﻟﻳﭻ ياأرض الأقام الدين
يتيمه آني وسط أهل الغدر والبين == نواصــب يم ﮔبر طه أبو الهادين
وفي خُبثٍ مشى فيهم ريــــــاءُ === فيزهو من ثرى المجدِ الضياءُ
بايعنــاه ذا أحمــدا === بالأرواحْ نفدي الهُدى
ــــــ
تجاوب كربله أرض الحبيب إبنــــــوح == يجي الأرضي البشر لزيارة المذبوح
يم إحسين أﻟﮔاهم تطيب إجــــــــروح == يجي الزاير على إيده يشيل الروح
مشي يمشي الكسل محذور مو مسمـــوح == لجل إحسين يرضه الروح فدوه إتروح
على هذا الثرى سالتْ دماءُ === وفيهــــا إرتقى يسمو الأباءُ
رافقنـــاه رغــمَ العــدا === بالأرواحْ نفدي الهُدى
ـــــــ
مدينة أحمد الهادي أنَه إبأحــــزان == يجيني الشيعي رايد يلثم الأيمان
ضريح المصطفى الهادي الغده ولهان == يمنعونه إو يرد يجري الدمع نهران
يسأل وين ﮔبر الشافعه إو حيـــران == وأناديه إبألم يكشفها عالي الشان
غداً إبنُ التُقى يأتي المدينه === يُناديهــا أيــــا أمّي الحزينه
يا أمّاه روحي فدا === بالأرواحْ نفدي الهُدى
ـــــ
ياطيبه الصبُر مطلوب ياطيبه == يجي الموعود لازم تنتهي الغيبه
يمحي الشر أملنه إو لازم إيصيبه == كُـــل ملعـــون لازم ينتهـــــي إبخيبه
يحل عندﭺ قرير العين بي هيبه == أيـــــا جدّي ينادي إو تنتهي الريبه
نُنادي سيدي إمحي النواصبْ === فمنهُــــم قد أتتْ كُلُّ المصائبْ
يامولاي جارَ العدا === بالأرواحْ نفدي الهُدى
ـــــــ
نعم ياكربله أصبر على الأشــرار == كفايه إنتي ﻳﺠﻳﭻ العاﺸﮓ إو بي نار
يريد إيزور نور الله إو ثرى الأبرار == ﻳﮔصـــــدﭺ كُل مريـــض إبطيبته محتار
يطيب إبحضرة الوالي أبو الأحرار == تظل تُربـــة سبـــــط طه تضم أسرار
ففيها قد مشتْ بنتُ الرساله === تحـــــــدّت بالأبـــــا أهلَ الجهاله
واوَيلاه غارَ النــــدى === بالأرواحْ نفدي الهُدى
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldblu44074.mp3.html